غلاة الروح!
كل ماجيت اكتبك في قصةٍ واقراها
ارتبك واحس رعشه بـ القلم وايديا
واكتب الجمله وبعد شوي امحاها
وارجع اكتبها على مهلي شوي شويا
هابتك كل الحروف من الفها لـ باها
كل حرفٍ من حروف الضاد جاك وحيا
ي غلاة الروح ي عمري وكل مناها
انتِ الفرحه لـ عمري ي ضياء عينيا
من جبينك فرحتي تشرق غلا واحياها
وتحت رمشين الهدب ليا ظلال وفيا
اوف من زرقة عيونك كـ البحر ما اقواها
اسبح بعينيك واغرق ..ابلا ميا؟
والذي موجد كواكب ف الفضاء واجراها
اني ارقب كل لحظه شوفتك والجيا
كل لحظه عشتها واياك ابد ما انساها
انتِ الحاضر وغيرك يُعتبر منسيا..!!