[الشفق]

الثريا!

ي ا الهنوف اللي لفارسها تهيًا
ضاع عمره ما تجمًع له مهرها

يا مطاول في جماله للثريَا
يوم ضوًى نورها غيًب قمرها

يا الزهور اللي نمت من غير ريًا
تبهج الخاطر وتسعد من نظرها

يا القوام اللي بظِــــلًه ننتفيا
يا شروق الشمس يا باقي سحرها

خافي الله في القلوب اللي ضميا
يا سحابة صيف نترًجى مطرها

يا مسَلهِم لي بعينه يوم حيًا
تهت ساعة طالني شاذي عطرها

وارتبكت و قالت امشي من هنيًا
ما وعيت إلا وأنا ماسك خدرها

وتنتفض من فرحتي راحة يديًا
ثم شًدتها وضمًتها إبصدرها

وطاحت البسمه ويازين المحيًا
شِفت مثل الشَهد يَنقِط من ثغرها

لابسه سلسال وخذتني الحِميًا
غِرت منه ،وخِفت لا يجرح نحرها

ما قدرت أوصف حلا ذيك البنيَا
كامله من رجلها لأعلى شعرها