صاحبي لاتذبح النفس الرضيه
وأنت خابر قلب ينبض بالحنايا
لي مشاعر والهوى ماهو خطيه
وأنت ما تعرف ظروفي والنوايا
الحبيب اللي جعل حبي رويه
بين خلق الله سوا بي سوايا
آه ياوجدي على ذيك الندية
فاتنة بالحسن ما خلت مزايا
قلبها طيب ولا يعرف رديه
مثلها ما شفت في كل البرايا
صاحبي أرجوك لاتزعل عليه
لاتلوم اللي خسر زين الصبايا
لاتناسا يوم تشكي لي بليه
قمت تتخبط تناظر في المرايا
صاحبك بالدرب ليلى العامرية
وأنت في بيتك تمنيت المنايا
كلنا نشكى همومٍ عاطفيه
صارت أخبار الهوى هرج وحكايا
صاحبي هذي طبيعة سرمدية
كم جروح تطيب وجروحي كوايا