[الشفق]

	غدر الزمن: اقبل حبيبي يا سنا البرق في سفح شبّ الشعاب ووهج النور في الحال اقبل يجمّعني خساره ... على ربح ويضمني .. بين العناي ... والآمال يحمل صلاة النور في وجنة الصبح وينسلّ من ثوب المسا ... يشرح البال الله على حسنك من الوصف والشرح انت الذهول اللي على القاف تختال ياكثر شعري لو بغيت اسدي المدح ويا قلّ شعري ما يجي فيك مثقال ضاعت حساباتي من الجمع والطرح حتى خيالي ... ما تعدى بي الشال ياللي على طرفك من البارحه مسح انا دخيلك ..... حطني حبة الخال وانا دخيلك ... لا تظن الهوى مزح لو تسعدك بسمة غلا .. مابها الفال اخاف من غدر الزمن يدمي الجرح لمّ المشاعر ... في يد الخوف تنثال وجه السنين: استدرت الطيب في وجه السنين واثر لي عامين في كف الملام تنزف اشعاري على جوف الحنين ياذبول الوصل لو جف الكلام انقطع عرق ٍ على كف اليمين وانكتب جرح ٍ على صفحة غرام واستبل من الجفاف الريق حين اشربك حيّره وتغرقني هيّام ؟! مابقي حول الألم غير الحزين ياخذ الهجعه من اعيون المنام واكثر العشّاق صاروا ميّتين او كثير الشوق بقّاهم عظام يزرعون الحُب فيما ليس طين بـ كل قفرا ما يظللها غمام والقلوب القاسيه لو ما تلين شبّها احسن ولا تبلى حطام روز: ياروز باريس ياعطر الرياض استبيت وش عاد من مصلحة قلب المولع يتوب ما حب قطف الورود . لكن عليها انثنيت اشمّها شامخه وتميل عكس الهبوب اقفي وعيني عليها وإن بغيت استحيت ما ودّي اقفي بها واخشى عليها النضوب والشوق فوق الجنون اللي دفعني وجيت تهتز للريح ؟! ... والا قلبي اللي لعوب !! إن كنت ضامي غلا من فيض ودي سقيت واجاهد الغيمه اللي فوق خدك تذووب ما عاد بيدي . توشحت الغلا وابديت اقاوم الصبر في جسمٍ نحيلٍ بثوب إما تمنيت والا اعطيت والا خذيت يا كثر ما اكرهـ مواعيد الغلا من كذوب رّف الهدب: الجروح استأثرت بي وش بلاك والملامه .. هم .. والموعد عطب والله إن الشوق .. من زايد غلاك نافله طاحت .. على فرض العتب لا تزودها ... ويلعب .. بي هواك مثل غصنٍ . مال في ريحٍ . سحب من قُبيِل . العصر . والميله جداك يستخف الغيم .. من كسر الحطب وانحدر ماها .. ورى طرفه وجاك يحمل الغيمه .... على رف الهدب لو تعاتبني عيونك ... قبل .. فاك ما . بغيت اكون .. للغيمه . سبب لكن .. اليابس من العود ارتضاك انت من يسقيه ... لو جف و نضب كل م ابدعه الشاعر عصي الدمع ( سالم العامري) مميز ويستحق التخليد انما رأينا ان ماتم انتقاءه كـ نموذج لجمال ما ابدع .. شكرا تخلد لك هنا .. مودتي و