حرية ايصال الفكره المطلقه .. هو ان تعبر بما في داخلك بدون قيود او شروط
حرية ايصال الفكره المطلقه هو ان تحلق في فضاءات السرد والتعبير متى واين ما شئت .. نعم تلك هي الحريه ..
كن كما انت تريد .. وليس كما يريدون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
« البرنسيسه »
آفاااا / منهو مزعل لي غصون النرجس الملفوف؟!
آفا ليش الزهر ذبلت غصونه والورق ضامي
انا ماقلت لا ارجع والاقي لونها مخطوف ؟!
انا ماقلت لا تزعل حياتي مصدر الهامي ؟!!
ترون ازعل اذا تزعل واذا ضاقت ماعاد اشوف
ترون همومها همومي ترون الآمها الامي
طلبتك ياوجع ترفق على هذا الحشا وتروف
ترا كل الحشا ملكي وفوقه بصمة ابهامي
دخيلك يالحجاج اللي عقدت الحاجب المعسوف
تعًدل وانفرد تكفا وقل لعيونها نامي
يضيق الكون لاضاقت عليها من الزمان ضروف
واذا راقت على رايق هواها تبرد عضامي
اميرة غيد .. سنيوره .. عليها من الوصوف وصوف
يقصًر دونها شعري وتسقط هيبة اقلامي
اذا فارقتها كني اخايل في سماي خسوف
اذا قابلتها كني محقق اجمل احلامي
الا ياحلو بسمتها اذا شفت البرد مصفوف
تحده الجمرتين اللي ذبحني لونها الدامي
خصور اقواس مفزوره تشابه فزرت الكرنوف
نعومة قد متناسق على الاطراف مترامي
حلاها من الحلا جنِد من جيوش الجمال صفوف
فديتك يالجمال اللي غدى تجيندك الزامي
يحارب بالرموش اللي كما صف الرماح وقوف
ينيشن بالسهام اللي تراما والهدب رامي
طلبتك يامزعلها وهاك ال كاش عل المكشوف
تاسف للبرنسيسه .. بسرعه الحين قدامي
انا خصمك اذا باقي تضايقها وبكره تشوف
لجل خاطر اميرتهم افادي واربط حزامي
اروح اشري لها ورده اميزها بلون الموف
واجيها مسرع وطاير اسابق خطوة اقدامي
على كثر الكلام اللي يصور رغبة الملهوف
عجزت القى لها كلمه تصور رغبة هيامي
حسن آل مشرف
🍁