ي ليلة الوعد الطويل
اليل بـ احساسي سرى
ساعة ورى عمر الزمان
واقف على تيِه العجل
واشوف عقرب ساعتي
واقف على رسغ الأمل
واقف ويتعبني الحنان
اجلس و لا حولي مكان
اتذكر الماضي اللي كان
واشتاق كحل عيونها
منثور بـ اطراف المسا
اشتاق كحل اعيونها
وكن المسا لعيونها
كحلٍ على اهدبه رسى
يازين كحل اعيونها
لو طاحت الدمعة مطر
ما يذهل الغيمة صواب
شامة على وجه القمر
تعبت انا والأنتظار
ما مر بالموعد نهار
ولا فارق العتما قمر
قصة خيالي واحتمال
مدري خيالي فيكِ راح
والا انتي في روح الخيال
بس المهم اني معاك
تصدقين انا معاك
باقي جسد كله جراح
جالس ورى ليل وجفا
لا برد فيه ... ولا دفا
في موعدك كلي وفا
والموعد اخلفه الوصال
ياغاية اشواقي تعال
الموعد اخلفه الوصال
والليل بـ احساسي سرى
ساعة ورى عمر الزمان
يا غاية اشواقي تعال
تعاااالِ ... نتهادى العتب
انا الوعد ،، وانتِ الغياب
والليل بـ عيونك ... هدب
-------
بقلم : عصي الدمع