{ الجـــــــــــز الســـــــــــــابــــــع }
حضر عاطف وكانت تترجاه وماصدقت انه جاء ولكنه
دخل عند عمه في مجلسه وسلم عليه وجلس معه فقال
له عمه معوض خير يا ولدي فيمن فقدت والله يعوضك
عنهم خير .. فقال وصلك الخبر فقال أيه ما نامت سميه
البارح طول ليلها بكاء ليش أنها أثرت عليك وبالشكل
اللي قالته لي .. اذا تحب تطلع يمها براحتك صارت
زوجتك وعمتك قدامك لا تنحرج دقت أم سميه وقالت
لزوجها عندك أحد غريب فقال ما عندي إلا الدكتور
عاطف تبين تجين تقهوين معنا حياك فقالت أيه اذا ما
فيه مانع فقال حياك تعالي .. شوي ودخلت أم سميه
وسلمت فقام عاطف وسلم على رأسها ورحب بها
وجلست فقالت أعذرنا يا ولدي للمره الثانيه وسامح
سميه غلطت عليك .. فقال لا والله ما غلطت هي كانت
على فالها وما تدري وانا نسيت الموضوع وأنتهى الله
يسلمك ما فيه أي مشكله .. فقالت ما نامت البارح
وتراها واقفه تنتظر تشوفك .. فقال عاطف الله المستعان
قلت لكم الموضوع قدر من الله ومكتوب ومالي الحيله
فيه هذا أمر الله ولكن الانسان تجيه العبره غصب عنه
ولم يذهب عاطف لها حياء من عمه .. فقال ابوها خليها
تجي ما هنا إلا رجلها .. ما فيه بأس .. فخرجت امها
واذا سميه في باب العماره واقفه فأشارت لها أمها تعالي
أبوك يبيك .. فحضرت وسلمت وجلست بجوار امها
وتطالع لعاطف خطف من تحت لتحت وخايفه من ابوها
ومستحيه .. فقال الاب تروني انا أبي اطلع وأعود في
المساء عندي شغيلات اسويها .. فقالت له ام سميه خير
وش عندك فقال فيه رجال كان مسافر ودي اسلم عليه
وتحمد له بالسلامه .. وكان ابو سميه يبي يترك مجال
لعاطف ياخذ راحته كونه شايفه مستحي منه يدخل في
البيت وهو ماله إلا أيام من عرفوه .. خرج ابو سميه
ومن خرج نطت سميه وجلست قدام عاطف وعيونها
غرقى بالدموع .. فقال لها لا تكلميني أبدا وانتي كذا
تفهمي وشد معها شويه فقالت خلاص طيب ..
فقال لها ابيك عروس مو ندابه .. فقال عروس عروس
على أمرك .. فقال يالله أطلعي وغيري وضعك هذا
وسوي لنا انا وعميمتي فنجال يعدل الرأس وراح نلحق
عليك بعد شويه .. فقالت حاضر..وراحت تجري بعد ما
خرجت وأختفت عنه بقي بعدها لحظات هو وام سميه
وقال لها هذي شلون قلبها رقيق بهذا الشكل تأثرت أكثر
مني الله يحفظها ويحفظك .. فقالت عمته أيه اخوها حذرها قبل
ما تشوفك وخاصمها البارح إنها سألتك وكان المفروض
يقول لنا حتى نعرف ونعطي الموضوع حقه ولكن ما
أمداه يوضح لنا كل شي عنك فالمدة قصيره .. من
عرفناك .. فقال المهم خلاص يا عمه ما ودي تكون
السالفه مشكلتنا وحنا في هذا الوقت وقدامنا أفراح
وقدامي دراسه بعدها ودي أخلصها .. غيروا
الموضوع الله يجزاكم خير .. فقالت ابشر يا ولدي باللي
تبيه الحين انا ابي اطلع وأفهمها وتراها عاقله بس قلبها
ما من قلب .. طلعت أم سميه وقالت لبنتها وش فيك
كبرتي الموضوع وصار كأنه صار أمس تري الحادث
حصل قبل سنين طويله الله يرحمهم .. فقالت وش تبيني
اسوي يا أمي وانا اشوف دموع عاطف على خده وانا
السبب .. فقالت لها خلاص الموضوع انتهى وأنسيه الله
يهديك فقالت سميه ابشري يا أمي باللي يسرك .. فقالت
لها عدلي وضعك وشكلك تريك ما أنتي تمام وسوي لنا
قهوه الحين يجي عاطف واحتمال اخوك احمد يجي بعد
شويه .. فقالت سميه ابشري .. دخل عاطف بعد دقايق
وسلم فأستقبلته عمته ودخلته المجلس وبقوا يتكلموا عن
العرس وش يصير ومن هذا القبيل واذا بأحمد يدخل
ويسلم ويتحاظن هو وعاطف حيث كان أحمد يحب
عاطف بشكل كبير جدا وكذلك عاطف .. وبعد شويه
دخلت سميه بالقهوة وهي باسمة الثغر جميلة المحيا
وكأنها ورده فأسعد ذلك عاطف وأطمئن عليها وتبسم
أحمد وقال الظاهر اني غير مرغوب فيه خلوني اقوم
وأخرج وكان مازحا فقالت سميه ما لنا بركه بعد الله
إلا أنت يا دكتور احمد وقال عاطف ان خرجت اخرج
معك وما اجلس .. وفقالت الام ما أحد يخرج وصلوا
على رسول الله .. فقال الجميع اللهم صلي وسلم وبارك
على رسول الله صلى الله عليه وسلم .. نظر احمد
لعاطف وسره ما هو فيه حيث رأه سعيدا ومسرور ..
قدمت سميه القهوه وما أحضرته معها وهي مسروره
ان عاطف بخير وحاله ما فيه شي وايضا بناء على
توصية أمها لها ولكنها ساكته لا تتكلم حياء من أخيها
بعد تناول القهوة قال أحمد اسمحوا لي عندي شغل فقال
عاطف تراك احيانا تغلط وش هالحكي تخرج وانا عندك
ضيف فقال احمد انت منا وفينا الحين ما أنت ضيف
وأنا عندي شغل والله العظيم ابي اشيك على بعض الامور
الخاصة بالعرس وأبي اجيب اشياء لزوجتي وأولادي
نسيت اني راعي بيت وعقبالك ان شاء الله .. فقال
عاطف اذا كان كذا بحفظ الله .. وفي نفس الوقت عاطف
رغم حياءه من أحمد وده أنه يجلس مع سميه طار عقله
معها .. وهي ما صدقت يقول أحمد ابي أطلع .. المهم
طلع احمد وبقيت أم سميه بعض الوقت معهم وخرجت
وقالت أنا عندي مشاغل في البيت واشياء ودي ارتبها
والبيت بيتك يا دكتور عاطف .. فقال خذي راحتك
يالغاليه .. خرجت أم سميه وبقي عاطف لوحده مع
سميه .. وهي ساكته والبسمه ما تفارق محياها فقال لها
اشوفك ساكته فقالت اللي تبيني اسويه حاضر يا بعد
قلبي .. فقال عاطف انتي ما تخافي الله في مسكين أسمه
عاطف فقالت بعمري عاطف ليه انا وش قلت من جديد
قلت شي ما أعجبك .. فقال لها إلا من كثر ماهو
معجبني صرت ما ادري انا جالس وإلا طاير فوق
السحاب .. فقالت صحيح فقال أي والله صحيح .. فقالت
انت سعيد ومرتاح اني أكون زوجتك فقال بل قولي اني
أعانق سماء السعاده والفرح وابي اطير مما أنا فيه الله
يخليك ولا يحرمني من طلتك عليه دايم .. فقالت وإياك
يا روح سميه أنا من عرفت عنك وانا مشغوله فكري
مشتت الى أن شفتك أرتاحت نفسي وهدأت أفكاري
واقول الحمد لله اللي رزقني بهالانسان الطيب والحبوب
واشكر الله ثم اشكرك للي سويته في الفيلا من تجهيزات
شي لا يصدق وان شاء الله كل العمر وانت في أحسن
حال .. شكرها عاطف وقال اللي سويت كان بعفويه
وتستاهلي اكثر منه .. شرفي بيتي وانتي تشوفي كل
خير..فقالت لو تبي الحين .. فقال مشينا فقالت وين فقال
لبيت الهناء والسعاده ان شاء الله فقالت تأمر الله يسلمك
بس ما ترضاها عليه وانت راعي الاصول الله يحفظك
فقال اكييد ولكن من قولك قلت مشينا فضحك وضحكت
سميه وأتت أم سميه وهما على هذا الحال فقالت الله
يطمن قلوبكم ويجمعكم على خير فقالوا آمين وانت
طيبه يالغاليه .. عاد الشايب وخرج عاطف وجلس معه
بعض الوقت وأستأذن وخرج فقال له العم العزيز ترى
البيت بيتك في أي وقت لا تنقطع عنا الله يحفظك
فشكره عاطف وخرج .. وصل عاطف الى منزله فدق
على سميه ردت عليه وصلت يالغالي فقال لها نعم
فقالت له وش تبي تسوي الحين فقال لها راح اخذ
دش وانام عندي بكره أمور ودي اسويها قبل العرس
فقالت مثل آيه فقال بعض الكماليات للبيت ولي وللغاليه
سميه الله يحفظها ويجيبها على خير .. فقالت ويحفظك
يالغالي ويسلمك يالله أتركك ترتاح وبكره لنا لقاء او
اتصال فقال لها في حفظ المولى .. بعد شويه اتصل احمد
وقال يا دكتور عاطف الوقت داهمنا والفرح باقي عليه
حوالي عشره ايام فقط ناقصك شي او تبي حاجه اسويها
تراني في الخدمه فقال عاطف ما قصرت بارك الله فيك
كل الامور تمام وعلى احسن ما يكون .. بات الجميع
كلا يتحرى بكره والامل القريب بإجتماع الاحبه كلا من
الاستاذه سميه والدكتور عاطف وكل الامنيات من
الدكتوراحمد وام سميه وابو سميه بأن يتمم الله لسميه
وعاطف على خير .. أتصلت سميه وقالت لعاطف انت
قلت لي ان عندك مفاجأه وما قلتها عساها خير ان شاء
الله فقال لها بكره اقولها لك نسيت والله وراح بنا الكلام
لا تخافي المفاجأه راح اقولها لك بأذن الله .. فقالت ماني
خايفه وانت حبيبي الله يحفظك .. فقال وأنا ماني مقصر
وانتي حبيبتي وغاليتي .. فقالت تسلم الله ييارك فيك
ويخليك .. نام الجميع على خير وسلام وفي اليوم
الثاني اتصلت سميه على عاطف وقالت تقدر تجي اليوم
فقال ليه في شي فقالت له لا ما فيه شي بس قلت اشوفك
اذا فاضي فقال لها بكل سرور امركم اليوم ولكن تريني
مستحي من عمي وعمتي وش يقولون كل شوي وهو
واقف على روسنا وما بعد تم العرس .. فقالت لا امي
وابوي يتمنون لك كل خير ويسعدهم وجودك ولكن انا
راح اتصرف بس تعال ومالك إلا تصرف يعجبك ؟؟
فقال على خير .. حضر بعد العصر عاطف وسلم على
عمه وجلس معه في مجلسه حيث كان الشايب يجلس في
مجلسه اكثر الوقت .. فحضرت ام سميه وقالت الله حيه
وارحب فقال وبك الهلا والرحب يا عمه وسلم عليها
فقالت لنا حويجات في السوق انا وسميه اذا فاضي ودنا
فقال ايه فاضي وابشروا .. فقالت تقهووا الحين وبعد
شوي ننزل ونروح وإياك .. فقال بالخدمه يا عمه الوقت
اللي اقدر اسوي لكم شي هذاك يوم السعادة وراحة
نفسي فقالت له الله يحفظك ما تقصر .. نزلت ام سميه
وسميه كأنها الطاؤؤس تتمايل بسعاده وسرور وهي
ترى حبيبها بقربها .. وبعد أن خرجوا وركبوا السياره
قالت أم سميه أسمع يا ولدي يا دكتور عاطف ...
كونوا معي في الجزء القادم ..