لا شك تدري ما يحيط الغلا سور
كيف اتقي باب الغلا وانت تدري ؟!
حبك كبير اوسع مساحة من النور
واطول ظلالك ينكسر فوق صدري
اسايرك غيثٍ على المربع البور
واحلّ وارحل واسبق الشمس بدري
سجع الصبا غرّد على غصن مكسور
صبّ ٍ ضميّ الجذر والعود مبري
شهواهـ غيمة تسبح الريح وتموّر
للساقيات الغُرّ ... والجوّ مغري
مثل السحايا ودق في كفّ مسرور
طمر العرق ( والا ) من العطر ما ادري
اوكاهـ فاهـ الورد في طور مغرور
واعطاهـ مدّت باخلٍ دوب يقري
وازكى الندى من فاهـ وردّة ومقتور
رقراقها يقضي عن الشحّ وطري
حاجة مُحبّ ولا وقف باب مهجور
ما للغلا بابٍ ... ولا سور تدري
حبك كبير اوسع مساحة من النور
واطول ظلالك ينكسر فوق صدري
تحياتي لكم ...
شعر : عصي الدمع