السلام عليكم ورحمة ,,, هذه قصيده جت على البال ,,ولم اعتني فيها ,,ووضعتها بين ايديكم "للقرمشه والاستيناس برايكم"
فاعتبرها محرومه من ( التنسيق ,والمراجعه ,,) فاقبلوها بشكلها ,,
حسبي على من ياخذ الود بشفاه
شوقٍ كلامه بس قلبه خلاوي
كثر البشر تمشي مع الظاهر اعلاه
تقول هذا مطلبي لي غلاوي
يمطر بعدها فرط الاحساس مشقاه
الله ياخذ هالزمن والبلاوي
اشقيت فكري في حثاثيه وبلاه
لقيت نفسي غارقه في سلاوي
ياما نشدنا الود للود بحماه
مير البشر ترفض علومٍ علاوي
الود موجوبه على الخلق مهناه
عمر الهوى ماكان له حد لاوي
لامن نزف جرحي ولاصرت اقواه
يهل دمعي من عيوني هلاوي