السلام عليكم ورحمة الله وبركاته
تعرفون ياخونيه ان لكل القبايل لكنة او لهجة خاصة فيها
واليوم بغينا نتهرج معمكم بهروج الديرة
وكل واحدن فيكم يعلمنا بهروج ديرته ونحاول انا نكمل مابتدا به
اللي قبلنا .. ها وسلامتكم
انا عن نفسيه ببدا بعلومنا
علومنا نبداها بذكر الله واصلاة على الرسول
جيناكم سراحة رواحة لاعلم ولاخبر
سالمين ومن الله غانمين
الديرة والسيرة واحدة
غبرة ونسأل الله الشبرة
الحلال واجد ولكن الغلا في العلف والشعير
وذولا التجار لابارك الله فيهم
كل شويه يغلون علينا ويرفعون من اسعارها
جانا قبل يومين مطرن خفيفن
ولكن نطلب الله الفرج
لاعلم نعلم له غير سلامتكم
هذا من بد علومنا وزايده عفاكم
( انتظر الردود بالعامية وكل واحد على حسب عاميته وقبيلته )
وهذه دعوة للتعارف على عاداتنا الشفقية القديمة ،،،