مابيك تستغرب أذا قلت مابيك
قلبي من اللي صار غير كلامة
تدري وش اللي حدني يوم أناديك
بودعك واقول مع السلامه
بودعك وانسى زمانك وماضيك
وداع من ذاق الجفا والملامه
لكن ودي أسألك قبل أخليك
وابيك تعطي للسؤال اهتمامه
في ذمتك وشلون غيرتني فيك؟
وخليتني استغرب غلاك ونظامه
وانا عشانك كل ماتطلب يجيك
رفعتلك هامه ونزلت هامه
ماعاد لك في داخلي حي يبكيك
صدري قبر كل الحواس بعظامه
أغليك صح/ ؟أنا أشهد أن كنت أنا أغليك
والحين راس المال منك السلامه
لاتقول ليه وكيف وشلون وشفيك
ماضيك يعطيني لبكره علامه
ماودي اضيع حياتي بأياديك
دام أن من عزك تنزل مقامه
غلاك \ماعلمك تكسر تغليك
وغلاي\أثبتلي الوفا والشهامه
كافي نضيع وقتنا في بلاويك
مايرجع اللي راح كثر الندامه
وان ضاقت الدنيا بزحممه طورايك؟
الليل الاسود مايطول ظلامه
والحين تعرف ليه أنا قلت مابيك؟.
وقلب يحبك ليه غير كلامه؟
ودعتك الله لاتجيني ولاأجيك
ولاعاد تسأل خاطري وش علامه
ولاتنصدم في بسمتي يوم أحاكيك
أحيان تلقى بالجريح ابتسامه