السلام عليكم ..احبتي في شفق كما انا
فانتم غالين وانا امون
ـــــــــــــــــــــــــــــــــــــــــــــــ
ياراسي اللي ماتعذرك شيمتك
راسٍ بلى شيمه ترا ماهو براس
والي تعاملهم يهبط عزيمتك
علمهم ان الفرع يفرق عن الساس
والي من اصحابك تمنا هزيمتك
اوقف معه لامسه الضروالباس
من جا يدور له ذرا تحت خيمتك
ازرع له الامال في صحصح الياس
وان اكرمك ربك وزانت غنيمتك
اول ماتكرم متهمينك باافلاس
وان امطرت في شح الايام غيمتك
كم في الديار حلوق وديان يباس
وان جيت قوم وقصرو في وليمتك
اخلق لهم من ثغرة الفقر نوماس
ماهو ضروري تعرف الناس قيمتك
انت بقيمة نفسك ادرى من الناس