السلام عليكم ورحمة الله وبركاته
هنا محاورة انتهت قبل قليل لنا مع بن هزاع باحد المنتديات
ان شاء الله تروق للجميع
ابو عبدالله القرني
سلام الله للجمع الجميل وعلمنا اليله طرب
سلام قبل النظم للصحـــــــبة والطرقة تزين
اليلة الطاروق غير اليله المعنــــــــى ذهب
اما نحدرها شمال ولانــــوردها يمـــــــــين
بن هزاع
يامرحبا يالشاعر اللي شب ناره من حطب
مادام ناويها كذا اصحـى معـاي ولاتليـن
خلك على المرقاب يامحمد لعلمي وارتقـب
سبحان من جابك لنا ياصاحبي من بعد حين
ابو عبد الله القرني
هزاع اعرفك يالزميل خــــابرك شاعر لالعب
اذا نويت القنص دوم تصوبه حول السمين
ودي نسيرها سوى ونقول وش حال العرب
النومة الي طولت وش أخــرت للسامعين
بن هزاع
لا ماعليك الزود ياللي لا يخون ولا كذب
يالشاعر اللي ننتخيبه لا نشبنا من سنين
النومه اللي طولت يمكن يصحيها حرب
والله يكافينا من الاشرار ومن الشامتيـن
ابو عبد الله القرني
الارض يغشاها النكــد والناس من هــم لتعب
مابين جرح وبين نار اليــــوم حال العــالمــــين
ان جيت صوبك يالــــــجنوب بارود يتبعه اللهب
وان رحت متوجه شمال كنه مطوقها اللعـــين
بن هزاع
زرع الغلابا يامحمد تيه وجناه التعـب
الله يجازي الصامتين الصابرين المتعبين
اللي مقدرهم بديوان التعب يوم انكتـب
المطلـع ربـك يجـازي الصابـريـن
ابو عبد الله القرني
والشور يالغالي لنا النوم ونقول النصــــــب
ولا نصدرها لهم ارجــال ترقـــــــــى ماتلين
الحال والله مايسر والتاليه فــــــيها عـــجب
شورك نبادرهم فجر اصفوف ركب وسايرين
بن هزاع
الشور خليها على المعبود فكـاك النشـب
والا البشر تبقى بشر يومٍ تعينك به تهيـن
مثل العجم يبقى عجم من بعد مايوكل رطب
مير انتظر يمكن حقايقهم تجلى لـك تبيـن
ابو عبدالله القرني
اشوف وضعك مايسر كنك عــرواي في مطب
لاجبت حــل ولا صملت والظاهر انك ماتعـــين
اما تقول احنا لها ولا نـــــــدور لك لطــــــب
الظاهر انك يالزميل من لوبـــــــي المتنفعين
بن هزاع
والله يبن هزاع يا محمد يعدي بـك صعــــــــب
لاني بمتبـوع ولا سرنـا بخلـف التابعــــــــــيـن
سوق العراوي طاح يو من جا بسوقه بوشنب
والفرق شاسع بين مشرقها وبين المغربيـن