[رﯣضہۧ بۇظبيλδㄨ]

اقتباس: المشاركة الأصلية كتبت بواسطة شلمار     اولا حياك الله ضبيانيه ومليون مرحبا فيك ان شاء الله مرتاحه ضبيانه من الاعضاء القريبين الى قلبي رغم عدم التواصل عن قرب تسلمين عزيزتي وانا ماجفت منج الا الخير الحين بلشنا بالاسئله كلمه تقوليها لصديق او صديقه اقولها لصديقه الناس متغيّره ، والوقت متحـوّل وسنيننا تنتهي .. وهـلالنا ما هَـل ======== لعضو بالمنتدى ابو عبدالله القرني هذا هو البدر والاّ البدر ابن عـمّه في عـلم انا والاّ هـذا اللـيـل وحـلومـه إن كان للحـسن قـمّـه هذي القـمّـه والاّ عـسى الحـسن كلـّه فـدوة قـدومه ========= لمشرف بالمنتدى كلمة للهزاااااااع مثلك على راسي اشله من فوق إنت غالي وْ ماحدٍ ياصل غـلاك لـو تـجافـيـني .. وتـعـطـيني قـفا ما رأيك بالصداقه بين الرجل والمراه( صداقه فقط وليست علاقه) بطبعي الشخصي لا أومن بها لانه في وقتنا الحالي مفهوم الصداقه تتجاوز براءتها ما اكثر شي تحبيه في المنتدى الاعضاء احبهم لانهم هم امحرك الاساسي للتفاعل المواضيع بكافه اقسامها واختلاف كتابها وما اكثر شي تكرهيه او لايعجبك اكره عدم اكتراث الاعضاء للتقايم لان ابصراحه نفتقر للتقاييم وبشده بالرغم انه الموضوع ينال رضاهم من يوم مادشيت للحين محد غير هزاع وجابر هم مقيميني وبسسس كم لغة تتكلمين( اقصد هل تتكلمين الفرنسيه الايطاليه الانجليزيه) ارمس انجليزي بس موب شرات خواتي باصماتنه يعني انا حدودي بااأنجليزي يوم اسير المول في المحلات ثلاث ارباعهم فلبينو بظطر اتكلم انجليزي عشان يفهمون يوم اقعد في كوفي تعاملي بالانجليزي عشان يفهمون يوم اسير سينما اقص تذكره بالانجليزي اكلمهم عشان يفهمون في البنك اذا واجهت موضف اجنبي بالانجليزي تعاملي عشان يفهم بحجز بفندق لاختي وريلها بالانجليزي تعاملي طبعن بيكون يوم احد يسالني عن مكان معين اوجه بالانجليزي بدون لااتعثر .. يوم بسير ملاهي في القريه العالميه وادش اي قريه تايلنديه كوريه يابنانيه هنديه ..الخ بالانجليزي تعاملي بيكون .. وتستمر الحياه من كاتبك المفضل عالميا محليا شفقيا الغاليه انا مووب من هوايه قراءه الرويات بس عندي كتابين للحين محتفظه فيهم كتاب ناستراداموس للكاتب جون هوغ .. وكتاب الوعي الروحي .. الله . للكاتب الدكتور احمد توفيق الحجازي متى ترتسم البسمة على شفاه ضبيانيه يوم اجوف خليفه يضحك ومتى تنزل دمعتها وقت زيارتي لقبر المرحومه امي والمرحوم اخويه يوم ادش حجره المرحوم اخويه واجوف صوره وافتح كبته واطالع ثيابه واغراضه وطبعن حجره المرحومه امي ..اهني تنزل دمعتي الحريه ماذا تعني لضبيانيه ان تعيش بالطريقه التي تحلو لك وان لاتتجاوز شرع الله وحدوده في المحرمات انتي تحبين الخير كما قلتي لو صار ندااااااااء عاجل ( كارثه لا سمح الله) لتضميد جراح مسلمين في دوله( هل تطوعين الى ذلك) الجذب خيبه عزيزتي احب فعل الخير الآمن وموب تحت قصف ومعركه ورصاص لا موب لاني جبانه بس لانه بالعقل كيف جي مااتخيل كل اللي اتخيله لو سمعت صوت انفجار بنخش تحت الجريح وبصارخ يعني خليني مكاني ابرك .. احب اسوي خير بس موب بهالطريقه المخيفه يعني يوم اجوف عامل يبيع جرايد اقوم اشتري جرايده كله حتى لو ماباهم بس عشان مايتعب اكثر تحت الشمس والحر وهو لاحول ولاقوة.. يوم اجوف عامل يخم الشارع وغيره اسير اعطيه مبلغ يطرشه لاهلة ويدعيلي بالخير يوم اجوف عمال وانا داخلة الجمعيه او كارفور او لوولو شو ماكان اسير اشتريلي بطريجي شويه فواكه على جوكليت وفوقهم مبلغ حلو يرد يرسم ابتسامه خفيفه على شفاتهم ولاتنسون هاييل بالغربه عشان لقمة العيش والرحمه فيهم مطلوبه يوم اجوف خدامتي الفلبينيه تصيح لانه امها مريضه او اختها بتعرس وماتقدر تحضر عرسها اقوم احظنها واراضيها واوديها الجمعيه واشتريلها حلويات وكوفي وكريماتها وادلعها يعني عشان هي متغربه عشان لقمة عيشها حرام يعني تقعد تفكر وجي الدنيا كم يوم فيه عشان نكدر بخواطرنا ولاتنسون ترى الله يكتبلي اجر في هالشي ... هاي حدودي بالمساعده الغير .. او مثل ماسبق وقلت متطوعه في الدوائر اللي تخدم الغير من كبار السن و العاجزين الصغار ... والسؤال المعهود ما رايك بشلمار بصراحه وتراني احب صراحتك وما ازعل منها شلمار عضوة شاعره وهاويه الشعر ... وشهادتي فيها شخصين مجروحه لاني التمست فيها المصداقيه في ردودها ... واحب اقول لاختي شلمار .. عظم البلا من عظم الجزاء ان الله اذا احب قومن ابتلاهم فمن رضي له الرضا .. فتاكدي عزيزتي كل يوم تقضينه بعيد عن دراج لج اجر كبير وخصوصن انج مجبوره .. وعسى ربي يحقق أمانيج والى اللقاء في اسئله جديده شلمار

حياج اختيه باي وقت ..