مع احترامنا وتقديرنا لرجال الحسبة ويعلم الله انا نقدرهم ونشكر لهم مواقفهم
لكن هنا عمل قضية من غير قضية
ولا هو وش له صلاح يعني رمقها ماشاء الله عليه
حتى المناكير مافاتت عليه حجته ضعيفة
قسما بالله اني تناشبت مع واحد الاسبوع الماضي وبغى يركبني الجمس
رحت جامعة الملك عبدالعزيز للبنات بالمواقف انتظر طالبات
ومااشوف الا الجمس الي يتمرح بالمواقف به اثنين مطاوعه قدام شباب لازالوا بريعان الصبا
واثنين عسكر ورى مالكم بالطويله
اخذت ربعي وبغيت اخرج الا وهو ماشي تحت الصفر والسيارات سرى خلفه
اقسم بالله حوالي ربع ساعه ونحن نمشي اقل من الصفر وراه
عصبت من الوضع وقمت عديت الجميع وجيت خلفه على طول واعلق البوري
الا وهو يوقف وينزل ويقول خير
قلت انت خير وشفيك
وراك ممسك الخلق طابور وراك
قال الهوية ..قلت ازم..شوفها بعينك..
قال هويتة من معك قلت ابعدلك من نجوم السما اسبقني قسمك وانا اجيك
المهم تشاددنا الا وواحد شايب يحضرنا ويقول بوجهي
قلت الله لايهينك وشهو الي بوجهك
رجال جاي يستعرض باربعه معه بين الطالبات
اصلا وش له هو يدخل موقف قسم الطالبات
ويتمرح بينهم بجمسه
ماهم مالين عينه اربعه من رجال الامن
واذا ولابد يركن معهم بسيارته ويكب الاستعراض حقة
المهم الرجال كنه فهم الوضع وشاف الناس كلهم قاموا يدقون بواري
خرج واقسم بالله مسرع وانا وراه ثمن يشهد الله جينا على ريتيرن واني احده
واقول تبينا نكمل ونروح القسم
قال رح الله يهديك
قلت ويهديك ياشيخ لكن راجع السالفه زين
تراك مخطي وانا اشجع حرصك لكن خلك على البوابه مع رجال امن الجامعه
مثلكم كبيره انه يستعرض بلحيته بين الطالبات ترى اهاليهم بيشتكوك
وانا اقسم بالله ان لقيتك في غير موقف امن الجامعه
لاصورك واشرشحبك اعلاميا ورسميا بصفتي ولي امر لطالبات
فالقصد ياخوان هم فيهم خير ووجودهم فيه خير ايضا
لكن البعض منهم يسيء للطيبين والاكفاء من ادارته
زبدة المقطع هذا الرجل اساء لنفسه ولمكانته ولسمعة ادارته
مع وافر احترامي له ولمن يؤيده