اعذريني يا بعد روحي لو خطــــــــــــــــيت
وفي خطاي غرني ما يسمى بالرجــــــــوله
فارت اعصابي وفي لحظة نســــــــــــــيت
كل العمر وياك عرضه وطــــــــــــــــــــوله
اعذري خافقي وصدقيني ما بغـــــــــــــيت
اقسى بعتابي وان بدا فيما اقــــــــــــــــوله
ادري انك راعية اصل وست بـــــــــــــيت
وان الخطا ء ماهو بحولك ولا انتي بحوله
مير لشيطان نزغة وان انا ما نــــــــــويت
فز قلبي وغيرته شوهت كل اصــــــــــوله