السلام عليكم ورحمة الله وبركاته :
يطيب لي ان اضع لذائقتكم هذا النص,, وأتمنى أن يحوز على أقل درجات القبول والرضا .
.......................
غايتي أكتب ولكن وش اقول ,,,, دامني مليـت من كثر الحكي
التعــب فيني طبيعي ما يزول ,,,, لو أفضفض يامنايه واشتكي
شاعرك شفقان كله في ذبول ,,,, كل وقته مع خــياله هو لكي
طــالبك اليـاس فيكم لا يحول ,,,, واوعـدك أيام وإنتي تضحكي
................................................
صوتيه من هنا :
http://www.alsh3r.com/voice.8666.html
.................................................. .........
أنا جاني خبر إنه يقولوا المرض خلاك = لذلك عبرتي هلّت دقيقه إمسك أعصابك
ابي آخرب الدنيا لعله خافقي يرواك = ابي آرقص حروفي وآخلي قافها يدابك
ولكن قبلها صلي لأنه ربنا نجاك = وابآ آصلي شكر لانه تحقق حلمي وسابك
هلابك كثر ما شوقي يسامر بالخفا ذكراك = هلابك كثر ماعيني تهلّ الدمع لغيابك
هلابك ياغلا شاعر مناته كلها لقياك = هلابك والشعر كله كتبته بس لأهدابك
هلابك والغلا كله نثرته طالبا ً لرضاك = هلابك والوله فيني يجر ( الآآآآهـ ) بأسبابك
هلابك كثر ماقلبي يدق ودقته تنعاك = هلابك كثر مارحتي ورديتي على أحبابك
أنا ماجيتلك تدري ابي شوفك مع الشباك = أنا جيتك ترى كلي اسوق الخطوه لبابك
إذا كان الزمن اول بلحظه للأسف أغواك = ابيك اليوم تسمعني طلبتك نوّخ ركابك
ابي اسمع سواليفك وعطني خارطة ممشاك = من اول ما تفارقنا الين الله لي جابك
هنا داخل قفص صدري مقرك مسكنك ملفاك = وحيدا ً ساكنه كلك ربيعه لحظة عتابك
ابي تقلط على هونك ويدّي ماسكه يمناك = ابي اضمك لصدري عشان الشوق يتشابك
انا مابي ترى غيرك لأني ساكنا ً جواك = وتذكر إنكتب حرفي قديم ٍ داخل كتابك
آعرفك كاملا ً كلك ويسلم والدا ً رباك = أنشهد إفتخر إني حبيبك واول أحبابك
تأكد مسكنك روحي تأكد مستحيل انساك = لو إنه كل من حولك يزين خط لذهابك
وش اللي محرق العالم يبوني اشتكي فرقاك = ياليت الكل لو يدري بأني عاشق ترابك
(عيون الشوق) ياشوقي تناظر تنتظر مرساك = تعال امسحلك دموعك تعال وخاب طلابك
تعال بداخلي كلك وكبدي خلها مركاك = تفضّل الحشا بيتك دخيلك شدد اطنابك
دام تدري بحبك ليه تقسى حبيبي ,,, ليه تقسى على اللي كل روحه عطاك
محبكم //
مانع الوهيف .