صالح الحارثي
هلا ياثنين في الميدان وانا فارس الميدان
نبي شعارتنقض شعر مانبغي عليميه
وصنع التايوندي مايقارن صنعة اليبان
لكن السوق يبدو ضاع في صفقات كوريه
أخي صالح أبن معيض تشرفنا بطلتك البهية ويا مرحبابك الف ويشرفنيمحاورتك لنزداد من شاعريتك ومنكم نستفيد وبما أنك تتحدانا الأثنين فهذا دليل كافيعلى شاعريتك وثقتك بنفسك ونحن نقبل تحديك ويشرفنا
الحازمي
وين التاج وين الي يرجح كفة الميزان
نبي الفزعة وعسانا نعود من حربٍ بأمارية
نبيه صكت الماني وما نبغاك يا تيوان
وخلي صالح أبن معيض يعززها بدورية
صالح الحارثي
شرينا واردالصيني شرينا وارد اللمان
ثلاث سنين وأنا قاطع الصنعه الدمركيه
أنا الكسبان وانت وصاحبك ياحازمي خسران
ماتدري صالح اذا من كواكم ينجح الكيه
الحازمي
تريث لا تكون بطلعتك يا صالح الندمان
ترى هولند باعوها وعبتها السعودية
ونحن يا المساكين نشريها كما الطرمان
وجاتك كية مني تموت بحرقها الحية
صالح الحارثي
تبي تحدر مع الحره تبي تسند مع الصمان
تبي تركب ظهور الخيل والاتسير رجليه
انا غرف من بحر ياحازمي وقطف من البستان
تخير عاد تابي الوله ولا تبي ذيه
التاج الذهبي
كفو يا بو معيض وارى انه لن يكون من الانصاف اثنان على واحد تلك قسمه لن يرضاها عاقل وما دام بدا معك ابو عبدالملك فالله يوفقكم جميعاً لامتاعنا .. واحسبوني ضمن المتابعين لكم
واعتذر عن التأخر في الرد لسوء الاتصال
سلام الله على ابن العم سلام يـروي الضميـان
سلام ينـشــر المعنـىويـشـفـي قـلـوب نـاريه
انا اماسنـدتك سـاعـة المعنـى عـلـى الاوزان
وجودي خارج الصفحه يكون افضل من الجيه
الحازمي
الا يا حضي يا لي مايجاوبني وهو فهمان
يضيق من الجدل قافي ويظهر كل مخفيه
أنا شاعر ولي حكمة حكيم وأخذت من لقمان
تبي من شاعر مثلي يصف القاف صورية
أخي التاج أنت تاج على راسي سواً في الشعر أو في غيره
أسمع يالحازمي
صالح الحارثي
لوالله مامعك حكمه كما لقمان ياهمان
نجازيكم على الحّسنه نجازيكم على السيه
لا والله منت بن شايق لاوالله من بن عتقان
ولا أنت العازمي حبيب ولا أنت فيصل العيه
الحازمي
بدت تظهر الصوره وبان العقل والنقصان
وماتت في بساتينك وروده الرومنسية
خذيت من البحر ملحة وخليت به مرجان
وهذي نهاية شاعر يوم (ن) طفا ضيه
صالح الحارثي
خلوه خلوه
لاوالله مانت شاعر وكتشفتك حارس الدكان
تبيع السلعه اللي من فلان افلان مشريه
عرفها التاج بن عمي شقيقي وانعم ذيبان
مانك له مسندايذا جات هيه قدمهاهيه
الحازمي
بديت تستلف لشعر وخذيت منه بالأوزان
وأنا حارس على الدكان مثل التاج في زيه
خلك من حكي فاضي وخل القرض للجرذان
تراني ما بديت إلا أشوف العزم والنيه