تسابقني على طرد الليالي خطوة المسبوق
تعديت الزمن حتى وقفت وطاحت اوجاعه
تعبت اكذب على نفسي واقول ان الزمن ملحوق
وانا اشوف الزمان ازرا .يطارد عقرب الساعه
يمر العمر في لحظه تقول ان السنين بروق
اقاسم بالحزن وقتا سرق من ثلثي ارباعه
عطيته زود عن قسمه مخافت لاتضيع حقوق
عطاني جرح ضميته وقلت السمع والطاعه
نسيت اطالع الساعه نسيت ان العمر مسروق
نسيت ان السنين اللي تعّد الوقت .. خداعه
صرخت وعيت الصرخه تواحي نبرة المخنوق
تمنيت الزمن يرجع ولاكن يصعب اقناعه
صحيت وقلت ياحلمي سبقنا الوقت يالله فوووق
تثاؤب قبل يسالني\ حسن بدري .. كم الساعه ؟؟
حسن آل مشرف