[عصي الدمع]

لو زعمت انك حبيبي يا الوصال
وين حَر الوصل وأنت البرد فالك

والشواطي هادئه والليل طال
والوعد يمتدّ باقصى طول بالك

والسفن تبحر على موج السؤال
أحترفت الجزر لا ترمي حبالك

طيٌر أسرابك على متن الخيال
خلها تسري ورى شتى خيالك

أنتهى الموعد وضلّ الشوق مال
وأستقمت ادوس في قلبٍ وفا لك

وأنقفل سمع المقفي عن تعال
وانحجب شوف اللتفاته عن قبالك

الحقيقه واضحه مثل الحلال*
لا تحرّمها ولا ترضي حلالك

... * * **

يا .. أوجاج الصبر مجيت الزلال
والسراب اسنين يوهمني زلالك

لا تعاتبني على نقص الكمال
خذ على كف السماحه ما طرا لك

واترك العاشق على نود التلال
يقطف النجمه ويهديها سؤالك

علني يا الصبر من طوق الجمال*
تنحني هامه ويتواضع جلالك

عصي الدمع