[رمضان المنتشري]

السلام عليكم ومشاركتي في تكريم الشاعر عيضه
ابن طوير شاعر العرضه المعروف ارجو ان تحوز على
رضـــــــــــــاكم


قصيدي شيخ والدفتر حديقه والقلم عكاز
يسافر بي خيالي والسهر يستوطن احداقي

بعيد عن المدينه والضجيج وزحمة المركاز
ادّون مايجول بخاطري في داخل اوراقي

على قول المثل دامك عطيت الخبز للخباز
فلاتطلب من الخباز يرضي كل الاذواقي

تعلّمت التزام الصمت لاصار الكلام الغاز
انا الي قبل لاتذكر قصيدي تذكر اخلاقي

سلام(ن) عطره احلى من عطور السيد القزاز
عدد ماهل همال المزون ولاح براقي

على الملّك سلام اقدمه واحكمه بأيجاز
يصافح جمعهم والي مشاركهم من اعماقي

وسلام الله سلام(ن) بالمحبه والوفا منحاز
لشاعرنا المخضرم والكبير المبدع الراقي

ابوزعكان شاعر في المواقف بالدها يمتاز
حضورك غير ي ابن طوير دون قصور في الباقي

اخذنا معه واعطينا وعدينا الحضور انجاز
هذا العلم الصحيح الي يشابه نور الاشراقي

ولو يشهد عفف للي وقف بين قدم الصفوف وفاز
نهار تقابل الفرسان ويجفن الارياقي

بسط كفه واخذ لفه على الديره تهم وحجاز
وسلمك الرياده وانت للأمجاد سباقي

عفف ثابت وماينراز وابن طوير ماينراز
جبل عملاق وابن طوير في الميدان عملاقي

وحنا اصحابه الي نعرف العادي من الممتاز
ورجّال يعد الصدق بين الناس ماضاقي

رعاك الله يشعرِ(ن) يعادل ثروة القوقاز
له الشعار تصغي السمع والجمهور مشتاقي

كلام(ن) عذب واعذب من زلال النيل والاهواز
كأن المجتمع عطشان وانت المطعم الساقي

ادوّنها يبو زعكان واعلنها في التلفاز
وانا الي هاجسي ماغير يتدفّق تدفاقي

وانا عندي الخيال اليّ يعادل منتجات الغاز
ويتفوّق على سهم المصافي عند الاغلاقي

وســـــــــــــــلامتكم