[الشفق]

عساك بخير؟!

اقلك كل عام وانت بخير
عساك بخير طمني ي وجه الخير
تمر بنا السنين وكل يومٍ غير
تعالي طمنيني عنك كيف الحال؟

وعسى افراحك كذا تكبر
تغيب وغصب عني اصبر
تذكرت الكلام اللى كبر ..تذكر؟؟
حلمت اكثير وما الدنيا سوى آمال ..

يُقال .. الناس عاشوا اجناس
بعضهم ابتلاه الله بـ الوساس
لكن انتِ وشخبارك ي عز الناس
طرى البارح براسي لك عتب وسؤال ..

يمر الليل علي طوووييييل
تسابق ذكرياتك للعتام بليل
لك الله ما بقى بي حيل
انا الظامي هلك .. يطرد سراب اللال ..

تذكرت الليال العتّم اليبّاس
تذكرت الحنين اللي ذبحه الياس
تذكرت السوالف من ذهب والماس
يمين الله .. ابد ما عشتبك حيّال ..

اشوفك في وجيه الناس واتلعثم
ترائى لي جبينك .. والسعاده ثم
ومن خوفي تغيب آصد واتلثّم
وانا بيني وبينك من المسافه اميال ..

تري افراح العياد انتِ
وتري نور الحياه انتِ
وتري ما جابني لـ قصاي غير انتِ
تظلي فرحة الدنيا وراس المال ..

آنيه عابره ..!
الشفق