كثر الغدر في وقتنا صارمسموح
|
|
|
|
ياللي ملكت العقل والقلب بجموح
احس طيفك في دمي والخلايا
مالي على الفرقا لزامه ومصلوح
مادام شرياني بحبك ملايا
القلب والهوجاس وصبابة البوح
تسكن بوسط الصدر بين الحنايا
لا دق ناقوس المنى سربت نوح
كالعثري في اللون خزن الخفايا
انفاسها كالبرك وحروفها شوح
بلســم فرح للي جروحه عرايا
اذا بغيت اعطيك عطني هنا روح
وابشر على الميعاد تلفي سرايا
أسمع قصيدي وين مارمت وتروح
واحفظ معانيها وجود المزايا
كثر الغدر في وقتنا صارمسموح
حتى قريبك جاد خلف المرايا
لاود يكفيهم ولا قلب مجروح
عيون تبكيهم على ذالسوايا
الأمس ماهو اليوم والعلم مفضوح
وصديقك اللي يصدقك في الروايا
خِلك اذا شافك ضريرٍ ومنزوح
يعطيك نفسه والصدر لك مطايا
يامستفز الصمت من حلق مبحوح
إستغر الله لاتجيك المنايا
تعال شوف الود في العين مفضوح
يمكن تحن وتعترف بالبقايا |
|
|
|
|
التعديل الأخير تم بواسطة غازي الفكر ; 02-11-2012 الساعة 12:39 AM
|