[الشفق]

قصر السمو

ياحرفي ارعد وإنته أمطر ياقلم= وأجري على الله لأرتوى ضميانها
إن كان ماسلم جنابه ماسلم=والله ليسقى من كدر صفيانها
هذي رساله واستلم يا مستلم= مضمونها معروف من عنوانها
بنثر قوافي الشعر بأرضك وإنت لِم=عنوان شاعر مدرك ن تبيانها
ما أرضى بظلم الناس تبغاني إنظلم؟=شينه الظليمه لعنبو شيطانها
قصر السمو فيني تشيًد ما انهدم = وخيمتك طاحت من ردى عمدانها
سيفي بريعٍ ما انكسر وإلا ثلم= وسكين غدرك ما لها إلا احزانها
لا يا بقايا إنسان بعيوني أرتسم = كفي ظنونك سكري بيبانها
لايا حمامة دار من حولي حرم=خليك بإرضك واتركي شيهانها
لايا خطيئة عمر زل ابها القدم=ما البستك إلا الفخر من تيجانها
لا يا سحابة صيف تاليها العدم= لا هلً ماها ولا أرتوت وديانها
لا يا سراب افراح تاليها ألم = حتى الحروف اتطيح من قيفانها
اذكر بنيتك مملكه وإسمي علم = أيام عمري شيدت بنيانها
أذكر لقانا! تذكرينه كيف تم ؟=ثورة مشاعر ما انقطع هتانها
مديت يدي طيب يسبقها العشم=وتقصر يمينك ياقصير أيمانها
مديت كاس الشهد /تجزيني بسم! =كلك غبينه من صنوف ألوانها
ذكراك تتعلق على غصن الوهم!!=وإن كان وقتي ما قدر نسيانها؟
مني يمين الله وأيماني تتم= وإن كان ما تدري هنيا إعلانها
يمين لأذبح نبضي إن جر الندم = والا المشاعر معلنه عصيانها
ودك تعرفي ليش ياترف القدم؟= فيما يلي يغنيك عن ديوانها
كنت ابعيونك حلم وابقى لك حلم = عيناك شاحت ياغثى توهانها
حتى البطل لا مات بنهاية فلم = تموت جناته بموت أغصانها!!!