[رﯣضہۧ بۇظبيλδㄨ]

اقتباس: المشاركة الأصلية كتبت بواسطة هيبة ملك     حي الله أختي الظبيانية. مرحبابك اخويه الهيبه كيفك ...؟؟ بخير يسرك الحال من صوبك وكيف أجواء أبو ظبي...؟؟؟ حر تبا الصدق بوظبي هالوقت حاره والله السؤال الأول...:: ههههههههههه الله يستر توني اقول ياحلاته هالريال اسألته اوكيه الله يستر الحين بنجوف من أقرب الناس إلى قلبك..؟؟ اخوانيه وابويه ربي يحفظهم لي السؤال الثاني..:: ماهي طموحاتك..وهل حققتيها..؟؟ ابصراحه انا ماكآن عندي ذاك الطموح بان استوي مديره او امسك منصب وغيره مجرد وظيفه حسب تخصصي وحققته الحمدلله في فتره من الفترات & تقدر تقول احب اساعد المحتاجين وجربت اسوي هالشي بحياتي لاني احس بالرضا التام عن نفسي يوم اجوف غيري مرتاح ومن كثر ما ارحم كبار السن اشتغلت فتره بدار المسنين متطوعه حبيت اخدمهم بوقت فراغي بس ماقدرت اكمل وقررت ترك المكان لاني جفت اشيااء تعور القلب لدرجه اقعد طول اليوم افكر فيهم والشي الثاني دشيت متطوعه بدار المعاقين فئه صغار السن كملت فتره لابأس فيها اكتسب خبره بكيفيه التعامل مع من هم بهذا الوضع محتاجين لامور اهلهم نفسهم موب موفريلهم وايد اطفال تم التخلص منهم لمجرد انهم عبء على اهلهم وتحصل وقتهم كله بالدار السؤال الثالث..:: ...وماهي صفات الملك الذي تتمنين أن يكون شريكك..؟؟ كل إمرأه تحب أن تكون لها مملكة وهي ملكتها اخويه ابصراحه انا الحين ملكه في مملكه والدي ومااظن لو تزوجت بيوم راح ارقد مرتاحه مثل اانا ارقد مرتاحه في بيت ابويه الحمدلله هالعزوة والسند موجودين عسى ربي يحفظهم يارب.. .متى ستكونين في مملكتك هالشي شايلتنه من بالي الحين وماافكر فيه ابصراحه كل اللي اباه موجود يعني مايحتاي اعور راسي بالزواج ومسؤوليته شو كاضني عليه وشو يضمني الزوج باجر مااراح يتحكم فيني ابصراحه مااحب احد يتامر عليا ويقولي متى ادش ومتى اطلع احب اكون مسؤوله في بيت ابويه شي حلو وممتع احس باالامان وثقه ومااحتاج لشي مثل ماتقول احب استمتع بشبابي اطلع اتسوق اتمشى اجرب كل شي يديد بعيد عن التدخل بخصوصياتي وبعدين يااخويه ماافكر بالعرس خير شر شو يضمني انه الريال بيفهمني واني مااراح اتطلق وانه مااراح الته البيبي باجر ويضيع بيني وبين ابوه شي يخوف ومابا امر بهالتجربه .. سبق وفكرت قبل 3 سنين بالزواج لكن هاي قصه يطول شرحها وماصار نصيب واذا حصل في يوم صار لي نصيب طبعن اتمنى يكون شريك حياتي بمواصفات ابويه من طيبه واحسااس وكرم ... عشان اظمن انه ماراح يكون عليا قاصر واني بعيش باقي عمري مرتاحه بعيد. عن عوار راس وحشره . السؤال الرابع..:: هل حرية الرأي من أساسياتك ..أم الأهم إرضاء من حولك...؟؟ طبعن اجوف انه الانسان حر برايه شو ماكان رايه لانه بالنهايه لازم نتصف بالديمقراطيه وحسن الاصغاء للغير في الاخر يااخوي مااعرف اذا همي ارضي غيري او ارضي نفسي راح اترك هالشي لبعدين يمكن في يوم اكتشف الفرق بينهم في نفسي السؤال الخامس...:: مارأيك فيني كمشاكس لمواضيعك..؟؟ اكيد تعجبني غشمرتك لانها بالحدود السؤال الأخير ..:: ماتقولين لإدارة شفق ومن فيها من طاقم إداري ومن أعضاء..؟؟ اقولهم يااخوي الله يطولي بعمرك .. هالله هالله في اهلكم وتذكروا الساعه اللي تقضونها عند الاهل تسوى الدنيا باللي فيها ولاتخلون شي يشغلكم عن يلسه اهلكم لاحقين على ربعكم واصدقاء النت راح يي يوم وتفتقدون هالجلسه والغشمره والسوالف وخصوصن من والديكم وتذكروا انهم اساس البيت والبركه فيهم في تجمعكم مع اخوانكم وخواتكم بس لا راحوا عنكم ساعتها بتتشفقون لو لدقيقه عشان تسمعون صوتهم وتحنون لهم وربي يوفجكم ويبارج فيكم ويوفجك اخويه الهيبه .. وفقك الله دنياً وآخرة وحفظك من كل سوء...

...