ان كان نسبة نجاحك ماتغيض الكثير
سدد وقارب ولاتحسب نجاحك نجاح
وان كنت نايم ومشغلهم كبير وصغير
واصل وخل الثقه والمعنويه سلاح
لو ان حاتم وهو حاتم نحر له بعير
ماخلد اسمه لو ان الخلق كله شحاح
لكن خالف وضحى بفرسه من ضمير
واكرم ضيوفه وريح خاطره واستراح
حتى بني قين قاع وزمرة ابن النظير
قالو كرم حاتمي ماهو من اجل المداح
اهم شي ابتكر فكره وحدد مصير
واحرص وفرق مابين المبتذل والمباح
نقايض الشعر سابقنا عليها جرير
رغم التفاني ورغم التضحيه والكفاح
والغرب لازال يبحث فلسفة شكسبير
هل ممكن انه يعوض في الزمان المتاح
لكن عجزت مضر تنجب خليفة زهير
لايتعب الغرب حتى لو يخلف سفاح
وانا واش الي مقيدني سواة الاسير
لما يصل مرحله ماعاد فيها سماح
الا العيون النواعس والجمال المثير
والبسمه الساحره والصدق والانشرآح
يامنتهى الذؤؤؤق ماني من فرآقك بخير
لابله الا ضلوعي متخمه بالجرآح
يجتاحني حزن مجحف كل تالي عصير
ياغارة الله على ذالحال لين الصباح