[قلم لاينكسر]

يا ريوف ياعلّك بحالـي تروفيـن

لاقلّ شوفي وانحنت بـي عصايـه

يمين من نـزّل تبـارك وياسيـن

انك قمر عمري وكوكب فضايـه

أدراك بالخاطر واعاملـك بالليـن

وارجي عسى الله مايخيّب رجايـه

احب من حبك واعادي المعاديـن

وادعي لك الله بالستـر والهدايـه

فقدتك البارح وجريت صوتيـن

هذي وهي ليله وعنـد انسبايـه

كله غلا ياويلي اثر الغـلا شيـن

الله واسالـه لايبـيّـن غـلايـه

من حبها حبيت كـل الصغيريـن

صارت محبتهـم بقلبـي هوايـه

عودتك الممشى على شان تمشيـن

اشد بالثنتيـن واقصـر خطايـه

وليا بكيتي قمت اهلل وتصغيـن

واحيان اغني لـك واردد غنايـه

يضيق صدري لاسمعتـك تونيـن

واجر صوتي من خـلاي بخلايـه

وان جيت ابقفي عنك لدّيت بالعين

الدرب قدامـي واطالـع ورايـه

رد الوفا ياريوف ماابيـه ذالحيـن

ابيـه لـي دارت عليـه رحايـه

ابيه لا منه غـدا الليـل ليليـن

لا اشتدّت الايام واظلـم سمايـه

وابيه لامن صارت العشـر ثنتيـن

اليا اتركونـي عزوتـي واقربايـه

وابيـه لا عـزّوك فـيّ المعزيـن

تدعين رب البيت يغفـر خطايـه

اليا كتب ربـي افـراق المحبيـن

ثم ادفنونـي لابتـي واصدقايـه

توك صغيرة سنّ مانتيب تدريـن

والعالـم الله وش تكـون النهايـه

اما التفتي لي وزيـن علـى زيـن

والا رميتينـي بـدار الرعـايـه




ممـا رأق لىا..

آتمنى تروق لـ آل شفق

[طيف]

شكرا لك يا قلم لاينكسر...
يعطيك العافيه
دمت بود

[قلم لاينكسر]

اقتباس: المشاركة الأصلية كتبت بواسطة طيف     شكرا لك يا قلم لاينكسر... يعطيك العافيه دمت بود

الله يعافيك شكراً لوجودك ..

إن شاءالله قرأتيها بتمعن

شكراً .

[فرحة زمن]

طرح جميل
يعطيك العافيه قلم لاينكسر
ودي

[قلم لاينكسر]

اقتباس: المشاركة الأصلية كتبت بواسطة فرحة زمن     طرح جميل يعطيك العافيه قلم لاينكسر ودي

الأجمل مرورك قرحة زمن .. شكراً لتفاعلك الرائع

تقديري