[غازي الفكر]

ياللي تحب الله يخليك عطنا
انا انتظر مثلك وشمسك نظرها
عطنى مودة ماتخيب نظرنا
واعطيك حمل القلب ويا مهرها

[شِيخةّ الغِيد |❥]

تدري ليه آكره غيآبك! لآني في آلغيبه / , آموت " ضيقتي" بعدك تجيني , و ( آلبُكى ) من غير صوت ! آسآل [ آلضيقه ] : بديتي ؟ قآلت آنّك فيهآ رآضي ! دآم قلبك صآر بيتي لآ يصير آلبيت { فآضي } في غيآبك شوف وجهي آدري متغيِّر عليك , كل شي " منّك " وحشني

[شِيخةّ الغِيد |❥]

مدريٌ أنا اللي غيرٌ وإحساسيرقيقٌ
وإلا صدور الناس ./. مافيهـا سعةٌ !

[غازي الفكر]

تواضعي.! يعني احراجي

إطرب غروري بترنيمه
إن عشت في برجي العاجي.!
خلّك على شرفتي غيمه

[المهاجر]

ليلة مطر شق الرعد جو الانفاس
وامطر جنون العاصفه من حروفي
اعد واذكر ناس .. وانسى بعض ناس
اشباح ذكرى تسكن اطلال شوفي
كان الزمان لصادق الحب نبراس
وكان المكان اطهر مكان لوقوفي
طفولتي ياحلم ياغربة احساس
يابعد شق بخنجر البعد جوفي
اصرخ ولكن تحتضن صوتي اقواس
وجمرة قلم مرتد تشعل كفوفي
كل ماتكسر للقلم بيدرالماس
حدر السنابل تورق اغصان خوفي
وكل ماخرج من معطف الليل نسناس
احاول اخرج من ثنايا ظروفي
واكتب شعر تنزيل من وحي الانفاس
لعلها تقلب حروفي .. حروفي

[شِيخةّ الغِيد |❥]

أكثر أمانينا مع الريح ، طارت ، ما تستجيب لـ صوت يزهم وتلويح ! لو ان فيها احساس ما كان بارت ، ليت الاماني ما تطاير مع الريح !

[المهاجر]

ياصاحبي وقف لزيف الصحاري
وبشر هجير الشمس عن موعد السيل
حاول تغير في ملامح نهاري
واعط القمر مفتاح بوابة الليل
مدري لشنهو موعدي وانتظاري
مادامت أيامي قليلة محاصيل
في داخلي نزعة خفوق انتحاري
حلم تكسر في ثنايا التفاصيل
واثر انكسار الحلم يعني انكساري
بغيت اكمل وانكسر فيني الحيل

[المهاجر]

من قال مالك شي من فاقد الشي
ماهو صحيح وفاقد الشي يعطيه
مثل الشجر يعطي لنا بارد الفي
يعطي الظلال ولاهب القيظ يكويه
مثل القمر يعطي لنا برزخ الضي
يعطي الضيا ومايندرى وش يغطيه
مثل العذاري تسقي النازح المي
تسقي البعيد ونخلها ماتسقيه
مثل الطبيب اللي يداوي عن العي
لكنّ ماهولاقي احدٍ يداويه
عطيتك التحنان من خافقٍ حي
يعني عطيتك شي انا منحرم فيه
أرويتك ابعضي وانا فاقد الري
مخفي ظماي وقلبي الحزن طاويه
لي في عيونك لاح مستقبلٍ جي
حلمٍ بعيد ٍ .. ساهر الليل يرجيه

[احمد المنتشري]

سهران ما بين حزن الليل وإرهاقي
متأمل أشوُف حلمي اللي تحريته !


شمسي قفت طالبك بحزة إشراقي
طالبك بس شوُف قلبي وين ودّيته ؟


هذا وأنا أقدرّك بـ إحساسك الراقي
وطيفك ليا مر [ عاتبته - وضميته ]


إرجع فديتك ولا تستكثر .. الباقي
ما دام حبّك بجوفي .. ما تناسيته




لـــ المبدع / سيف الهاجري .!

[شِيخةّ الغِيد |❥]

من يقول إن المَجاريح مَاِ تِقوى تعيش!
كِل ما زآدت جُروحِي تحاليت الفَرَحْ. .