[عصي الدمع]

واللي خلق سود ادعجٍ مايح النون
مالي ورى ليلٍ ... بلا اياك نوره

تدهمني الظلما وانا فيك مفتون
وارسم على وجه التعب منك صوره

عصي الدمع

[روز]

كيف اوصف وقعةٍ فيني تدوًي
في ضلوعي كنها رعًاد نوًه

زلة الأصحاب من باب التنوًي
تلحق الوجه الجميل أكبر تشوًه

[اوركيد]

اشيل ما شال الجمل فوق متني /
واضحك على جرحي وجرحي بكاني ،


من الجميل إن عزلتي .. علمتني /
منهو تذكرني ؟ ومنهو نساني ؟


حمد البريدي ،،

[الخبير]

صورت في بالي حروف وعبارات
وبرمجت صورتها على ادق تصوير
وناضرت قبل اعوام ويش الذي فات
وناتج كلامي صار من غييرتغييـر
شطر اختصر كل الطرق والمسافات
الغالي الي راح يفرق عـن الغيـر

[روز]

كبرت وصرت احتاج لك قرب وعلوم
كبرت يعني صرت أكثر اعاني

وان كنت اناني في وصالك ومغروم
انا اتشرف اني اكبر اناني

اول .. ابوسك قبل ما اروح للنوم
وانام وانا يحسدوني اخواني

# يبه لـ سعد بن علوش

[الشفق]

احيان ماتحتاج كثرة وسايل

لاجيت تحسب بين ربح وخساره

رجال يسوى في عيوني قبايل

ورجال مايسوى بعيني زقاره

آني

[اوركيد]

زرعتك للوفـا ظلّ وَ جنيتك ..
تذوب الشمس وَ غصونك ظلآلي ..

تجول بـ خاطري لآ من طريتكْ ..
اماني مآلها أول وَ تالي ..

لـ شآعرهـا .. !

[الخبير]

ياما شربنا سم بعـض الأقاويـل
من واحد ٍ كشـر علينـا بنابـه


يالله يا مرسل طيـور الابابيـل
( تقطع قلوب مفرقين القرابـه )


يمشون بالفتنه بكثـر التهاويـل
ولا فكروا في يوم عسر ٍ حسابه


أهل النمايم والحسـد والأقاويـل
(( سحابة ً .. يالعنها مـن سحابـه ))

[الشفق]

صورتك في عيني
وفي القلب طاريك
تعال شوف بدنيتي (وش مكانك؟)
ان جيت كل دقات قلبي تحييك
وان (رحت) يكفيني بقايا حنانك

أعاهدك ما يوم ممكن (أخليك؟؟)
وماعاش من ياخذ بقلبي (مكانك)

[اوركيد]

البارحه شافوك رعشة هدب لفته ،،

البارحه شافوك في النوم الذي عفته ،،


ومحد يقول شافك معي مرّه،،


طيفك متى يكفيني من شره ،،!