نبض الوفاء قلبي من الحب مشتاق
لو كان ما بيني وبينك علاقه
بشكي لك الموضوع من فوق الاوراق
قلبي مع المجمول زاد اشتياقه
من بيننا عهد ٍ ووعد ٍ وميثاق
تواصل الايام جدد وثاقه
اللي خذا روحي وفكري وخفاق
ولا عاد ليّ يانبض بالبعد طاقه
يانبض ما شفتيه مع تلع الاعناق
او ربما بينك وبينه صداقه
وصايفه حازت على كل الاذواق
مثل العسل صافي لذيذ ٍ مذاقه
العين عين اللي على الطلع تواق
والوجه نور الصبح فيه اشراقه
مفصلاً جسمه على الردف والساق
وخصره يشدك في ليان ورشاقه
ومن الثمر في صدرها كل ما لاق
وجديل من شافه من الناس شاقه
وحلو الكلام اللي معه زين الاخلاق
زاد الحلا والغنج باقه وباقه
يانبض ردي لي ترى البعد حرّاق
كني على جمر ٍ يزيد احتراقه
هل ياترى ربي كتب بيننا افراق
من قبل اشوفه واهتني في عناقه
راحت ودمع العين حاير بالاحداق
ماني مصدق من ذهولي فراقه
قام يتزاحم هاجسي بجوف الاعماق
وش ذا الذي عن وصلنا جاه عاقه
مما راق لي