سوي اللي براسك ولاتذكر أسباب..
لاصرت بايعني توكل على الله..
مابيني وبينك مشاريه وعتاب..
شف دربك اللي جيت منه تدله..
ماراح تغلبني لو الحب غلاب..
من حضرتك عشان قلبي تذله؟؟
في ذمتي لاجعلك عبرة للأحباب..
لين الخليل يتوب عن جرح خله..
زلاتك اللي مانفع فيهن حساب..
لاجيت أعدهن على القلب عله..
أحرجتني بين القرايب والاحباب..
كن الجفا سيف بوجهي تسله..
ماكنت اقصر فيك من كثر الاعجاب..
يومك تساوي عندي الكون كله..
كنت القريب وكلهم كانوا أغراب..
حتى القمر لاغاب شفتك محله..
خلااااااص لاترجع ترى خاطري طاب..
الخاطر اللي كنت عايش بظله..
رووح واعتبرني واحد أذنب وتاب..
ماني بثوب تلبسه ثم تمله..
مايجتمع بالحب صادق وكذاب..!!
رزقي على الله..وانت رزقك على الله..