[الشفق]

ي شروق الصباح اليا لمحته قرب
ي نسيم العليل اللي بريحة ورد


ي ملاك الحسن ذات الحسب والنسب
جيت حسب الاماني وماخلفت الوعد

بين عينيك ومحياك زحمة صخب
صابني منك مدري مسّ والا سهد

اخلعي عنك جلباب الحيا والعتب
قومي استقبلي ايام الهنا والسعد

منوتي ماضي الاحزان لو ينشطب
وابشري بالسعاده وإلك مني عهد

اني اسقيك من نهر الغلا مانضب
ما تشوفي بـ حياتك يوم مني نكد

جعل مافيك من ضيقه وهم وتعب
في عيون الحسود اللي نواك ب حسد

قبل يومين والحكي بشفاهك سحب
لا لمحنا بروق ولا سمعنا رعد

من حنانك هميل الوجد يوم انسكب
ما تساقط مطر؟ لا والله الا شهد!


وارتوى جادب الخفاق يومٍ شرب
حّل كلّه على شط عسلك واستبد!!

[الشفق]

من الاشياء المفرحه في الحياه
ان يكون لك اهداف
حتى وان كانت اماني التحفت
الامال وافترشت الاماني
يكفي انك عشت يوماً انها كانت قريبه
او لامست وجه الحقيقه ..
اعتبرها من الذكريات الجميله في حياتك
وكفى

[الشفق]

كل عام
وانت بخير وسعاده
تهنئه خاصه لك وحدك
وصدقيني انك تستاهلين كل
مشاعر الحب والوفاء تستحقيني كلي
لانك فعلا وفيه لمن احببتي عشت الحب واقعا
لم تعيشيه خيالاً ..
عاد عيدك وطال عمرك يابعدهم
30-1/10/1433هـ

[الشفق]

خاب السند لا صار (كل الرجاااااا ) .. ، / جيل !!
__________ ماهم على نهجك يا ( سِيدَ الرجاجيل ) !!

مدخل يُكبّل ( حواسي الخمس ) :

لأني خايفة أفقد !!
حنين الأمس .. وذااااك الرمس !
اللي دغدغ إحساسي !!
وسوسن بالحلا أنفاسي !!
ونوّر عالمي من عقب ..
ذااااك العمس !!
أذوقك ياعصارة / توت !!
وأشوفك / شمس !!
وأشمك يا خميلة /عطر !!
حريري / اللمس !!
وسمعي فيك فيروزي !!
رفيف الهمس !!
ومن حقي أخاف الفقد ..
ل شخص(ن) هو غدى في عالمي ..
يسوى حواسي الخمس !!

وسط قيظٍ غزى حلقي / رشفتك يالغلا طاقة

وبعثرت العطش / بإحساس بدّد يابس الأرياق!

وعلى بابك صلبت البعد / يوم الوصل ماطاقه!!
حضورك يفقأ عيون الشجن .. والبعد ما ينطاق !!

يذوب ب افواه المشاعر / بخت من ذاقه!!
ويثمل من (بذخ عطرك) نسيم بسكرته / مافاق !!

وتتسنبل قواحل زفرتي .. والضيق كم شاقه !!
وأوسّع خاطرٍ في غيبتك يامنوتي قد ضاق

هذتْ بك سُنبلة عطشى ل سكبك /كم بكت-فاقه- ؟!
وسالت بك مراديم الحبر في مُخملي أوراق !!

تسوّلت الخرير ب موعد للوصل كم راقه!!
وعدني عند ( ميدان المطر ) ياكم خفوق تاااق !!

لأنك ( بيلسان الحظ ) يوم الله لي ساقه
غديت الورده الحمراء لعمري والحظوظ الساق

نسج لي كفك الخمري ( قميص الورد) في باقة
خلطني ب الترف أسمى (عجين أنفاس )لك تشتاق

تقندل وحشة دروبي .. وتهزم كل ماعاقه !!
تسوسن ب الهدب ميسم .. تكحل بالشهد أحداق !!

سجينة بين حُرية غرامك / ما أرتجي إطلاقه
على هودج خفوقك .. زفتي تغرق بدون إفراق

لأنك في نظر عيني عذوبه قاف / وعلاقه
تسامت فوق هامات النوايا .. صفّت الدرّاق !!

يطل "البوح" من (فريه ) عصافير الصدر / طاقة!!
تولى ( نظرتي) شطرك / وتسجد ( ريشه الأمواق) !!

تهجيتك ( ألف - بائي) .. قريت العشق بعماقه
وصارت ( أبجدية عشقنا ) الأصدق على الإطلاق !!

سرقتك وانطبع فوق الجبين : ( إحساس سراقه)!!
وبرر لي العذر فعلي : حلالٍ مثل هذا انباق !!

حلالٍ مثل هذا انباق !!

مخرج يُخرج الصبح من ثغر حبيبي

شفت ذااااك الليل يوم إنه من إحساسك / خذى:
شمعتين ونجمتين و ناي وأنفاس وهديل !!

شفت عين الصبح غارت منك / يامال القذى !!
وصار في حضرة جبينك هالضياااء / عابر سبيل !!
شفت حتى الزهر يسرق من تراتيلك / شذى !!
وتقدع الأيام من ريقك .. وثغرك ..سلسبيل !!

حتى شِعري كم خذلني فيك ؟! وإحساسي هذى !!
والقوافي عجزّت بضعه بحورٍ للخليل !!

حبذا _لو أفلح بوصفك حبيبي _ حبذا
بس آمنت إن وصفك من ضروب /المستحيل !!

أنت لي ( ثُلث الهواء / ثُلث المطر / ثُلث الغذاء)
أتدفى بمعطف إحساسك وحضنك لي مقيل !!

راقت لي للشاعرة ندى القحطاني

[الشفق]

عبارات
تخرج من الافواه احياناً
استسيغها ان تكون مطلع لخاطره
او نص شعري..
(والذي سواك انك اجمل ذكرى بحياتي)
وما يعلمون كم كانت سعادتي بوجودهم في حياتي
ليست سحابة صيف عابره ..
رغم اسرافهم بحقي وبحق انفسهم سيبقون في الذاكره
( آنيه غير عابره)

[الشفق]

ودعنا رمضان
ومن بعد عيد الفطر
وبين هذا وذاك ودعنا اناس
كنا نضن اننا لن نفارقهم مدى الحياه
كل عام ومن عرفنا بخير.

[الشفق]

اليوم ضاقت فيني الارض ي ورد=يالله عسى من بعد ضيقته تُفرج
اسامر نجوم السما اعدها عد= حتى ظلام الليل بالصبح يُبلج
الرميه اللي جاتني جآت عن بُعد=ماصابت المقتل ، ولكن تُحرِج
صحيح كانت ساعة البرق والرعد= والليل مظلم خالطه تالي العج
ماني بعاجز واقدر اغيظ وارد= مير احترمت الشهر وإقبالة الحج
ذبحتني بالحيل ي مرهف القد=والدمع وسط العين مايوسعه وج
اضحت حياتي كلها حط في شد=من ديرة المصياف للوجه وأملج
المشكله لاصار صاحبك في صد= تبيه يدخل قصر حبه ويخرج!!

اكيد لها مناسبه تبرر ولادتها

[الشفق]

على شواطي ذكرياتي
ترسو افكاري في احايين كثييره
اطيل النظر والتامل فيما يحدث
من حولي ، يالها من مفاجآت متعبه
لا اكاد اطوي صفحة الذكرى تلك ..!
(آنيه)

[الشفق]

احيانا
نضع انفسنا بمآزق
لم نفكر في مآلات بعض
تصرفاتنا فيخوننا الوقت
ونصبح على ما فعلنا نادمين..

الانسان السوي هو من يؤنبه ضميره
على اي فعل بحق الآخرين ويعده بعد حين
اجرام اقترفه بحق اولئك ، وان كانت نيته صافيه
واحلامه بريئه ، عندما يعجز عن تحقيق الوعود التي
تبلغه احلامه حينذ يندم وقتها لا ينفع الندم ..
فما ذنب اولئك؟ لاجرم لهم الا انهم احبوه فخذلهم!!
لطفك ورحمتك وغفرانك يارب ..

[الشفق]

من الوفاء
ان لا تخون من اتأمنك
على سر أوكله اليك تلك امانه
والامانه تبرت منها الجبال شي محزن
للنفس ان تكتشف في من وضعت فيهم ثقتك
يتلابعوا بتلك حتى وان كانت لا تساوي مثقال ذره
تبقى امانه!!!!!!!!