[وجه الغياب]

ذكرى عاطره

الحزن حاضر والوقائع بالمآسي عامره= الفرح عاندني وطول الوقت بالصف الاخير
في أول المشوار كم كفٍ تصفق حاضره= لكنّها ما طولت .. غابت في الظرف العسير
الحزن ما هز الكيان بس الظروف تواتره= تزيد في دفعه وتشجيعه على حث المسير
كل الاماني تبخرت .. والحلم حزني كاسره=تبددت وش عاد باقي غير تأنيب الضمير
استوطنت مني شعور الغيظ كله لاخره= لين اعمت عيوني ظلام وصيّرت قلبي كسير
ذيك السحابه طوّلت.. بالحيل كانت ماطره=جادت بماي الحزن واروتني بهمّاله كثير
ما خلت ارضه للجدب بالمزن دوم تبادره=لين ارتوى منها وشال الكف وأشر بالنذير
قال اكتفيت وعافها مل الحزن من خاطره=الحزن هايل والفرح جنبه لبس ثوبٍ قصير
يا غربة ايامي فرح لو كان لحظه عابره=خليني افل الجناح .. وبعالم الفرحه اطير
لا تبخلين ولا تزيدين الظروف القاهره=خليني احس الفرح ممكن يصير او ما يصير؟
مليت من كثر الرحيل والقلب حبك آسره=وحدك هناك تعيش مالك في مساحاته خشير
مكان ما اقبّل ألاقي فيك ذكرى عاطره=انا اشهد اني تهت من بعدك ومن غيرك ضرير
الحزن حاضر لكن الفرحه معاك تشاطره=لا تتركيني للزمن وحدي ولـ أحزاني اسير
يا روضة اليشموم يا ريح العبير الساحره=ضميني بحضنك دفا تعبت من برد الهجير

بقلمي / مصلح السهيمي

[الشفق]

صح لسانك واعتلى شانك
اخوي مصلح السهيمي
نص رائع بما تعني الكلمه من معنى
جميل بانتقاء مفرداته وصوره الشعريه
استمعت بقراءته ايما استمتاع ..
يستحق التقييم والتميز لانه بالفعل مميز ..
شكرا لك بحجم جماله يا مبدع ..
وتقديري ومودتي
،
الشفق

[وجه الغياب]

اقتباس: المشاركة الأصلية كتبت بواسطة الشفق     صح لسانك واعتلى شانك اخوي مصلح السهيمي نص رائع بما تعني الكلمه من معنى جميل بانتقاء مفرداته وصوره الشعريه استمعت بقراءته ايما استمتاع .. يستحق التقييم والتميز لانه بالفعل مميز .. شكرا لك بحجم جماله يا مبدع .. وتقديري ومودتي ، الشفق

الشفق

الروعه تكتمل بحضورك
شهادة شاعر وثناء خبير
ومبلغ سعادة ان النص راق لك ونال استحسانك
اشكر لك التقييم
ولا هنت ابو نايف
ولا خلا ولا عدم
شكري وتقديري

[الرحيل]

صح لسانك مصلح
قصيده من اجمل ماقرات
لك الله حافظ
دمت بود

[وجه الغياب]

اقتباس: المشاركة الأصلية كتبت بواسطة الرحيل     صح لسانك مصلح قصيده من اجمل ماقرات لك الله حافظ دمت بود

الرحيل
صح بدنك
ثناء اسعدني
شكري وتقديري

[كنزي]

جزاكم الله كل خير على الطرح المميز

[وجه الغياب]

اقتباس: المشاركة الأصلية كتبت بواسطة كنزي     جزاكم الله كل خير على الطرح المميز

كنزي

شكرا لمرورك
وبارك الله فيك

[شلمار]

كل الاماني تبخـرت .. والحلـم حزنـي كاسـره تبـددت وش عـاد باقـي غـيـر تأنـيـب الضمـيـر
استوطنـت منـي شعـور الغـيـظ كـلـه لاخــره لين اعمت عيوني ظلام وصيّرت قلبـي كسيـر


روعه صح لسانك
انتقاء مفردات وصور شعريه جميله
دمت ودام نزف قلمك
ودي
شلمار

[وجه الغياب]

اقتباس: المشاركة الأصلية كتبت بواسطة شلمار     كل الاماني تبخـرت .. والحلـم حزنـي كاسـره تبـددت وش عـاد باقـي غـيـر تأنـيـب الضمـيـر استوطنـت منـي شعـور الغـيـظ كـلـه لاخــره لين اعمت عيوني ظلام وصيّرت قلبـي كسيـر روعه صح لسانك انتقاء مفردات وصور شعريه جميله دمت ودام نزف قلمك ودي شلمار

شلمار

صح بدنك
والروعه بهذا المرور الانيق
شكرا لهذا الثناء
شكري وتقديري

[رفيقة الغيمه]

مصلح

صح منطوقك

اخذتنا الى فضاءات الشعر الواسعه

نص تجلى في الابداع والروعه

نال استحساني لذلك اقيمه^

دمت بحفظ الرحمن