[اوركيد]

اقتباس: أوركيد مساء الخير الله يحييك أنتي وضيافتك ههههههههه أبغى ماء

صبآح الخير ,, مآني جآيبه مويآ ,,

جيبولي عشاء اول بتروحون وانتو مآعشيتوني .. << نشبه هههههههههههههههههههههههههه

[عبدالله العطافي]

اخواني واخواتي الشفقيون. لا هنتو على الحضور والمداخلات التي اثرت. المتصفح

واعذرونا على التقصير.

وتصبحون على خير

[ابو شلاخ]

تلاقي الخير

امتعتوناشعرائنا

[اوركيد]

عبدالله العطافي

سلام يقطر عسل صافي وحبة خشوم
قبـ ل يهـل الهـلال ومع هـلال الشـهـر

الليلة الحاااازمي. لازم يعــد النجوم
اللي ظهر في السماء واللي بعد ما ظهر


عبدالرحمن الحآزمي

يا مرحبا بالذي له مدة هو يحوم
والمعذرة في البطى ولا يطول السهر
يا أبو عبيد الجمل لا قام عند الزوم
يهوى الهجيني وإذا غابت يعود شقر

عبدالله العطآفي

الصقر لن حام صاد وصيدته ما تقوم
مخلابه اذا فرد ريشه يجي فالظهر

شفتك تعارض سهوم وتدرق عن سهوم
باقي ليا الان ما جاتك سهوم الخطر


عبدالرحمن الحآزمي

يا صاحبي هذه الليلة علوم وعلوم
في حين ساعة تموت والذكر يبقى دهر
أنخا الجميلة إذا حبيت ذكرك يدوم
وهذي حياتك وعيش إن جاك شيء قدر

عبدالله العطآفي

لو تْدّرق في شدا. والا بضلع البقوم
ان كان سلم الظهر تبي تجي في النحر

انا ترى اليوم قسمي من خيار القسموم
اشرب من المزن والعطشان يشرب بحر


عبدالرحمن الحآزمي

يا صقر حسك تجي بالشرك منه يقوم
أما تصيد الصقور وإلا تموت بقهر
أشوف ليلك سرى وأنت تهدي العزوم
تخاف هبة شمال وتلد جوف الحفر

عبدالله العطآفي


الناس يقلون كان وليت ترض الخصوم
لكن وش عند كان اليو م. ماله خبر

في عام اللفين مدري بعد باربع شهور
والناس تبي اللحم لكن جاهم حظر


عبدالرحمن الحآزمي


يا ألي بديت السلام أسلم سلمت وتدوم
أما حيينا بسلام وإلا رمينا حجر
التاجر إلي رفع للسعر هدى الخصوم
في حرب نفسية شفت الشعب كيف أنحسر

عبدالله العطآفي

وراك مأحدٍ يشوفك. ي خوي القروم
وراء لباسٍ خضر مدري لباسٍ حمر

حنا نعرف المذاهب وانت راعي سلوم
لكن ركز بيوت الشعر وانحت صخر

عبدالرحمن الحآزمي

مالي في طبع الحضر والبدو فيهم خصوم
لو شفت فكري بنيت الفكر منه عبر
ما جئت فيها الجلم وأكره عشير الجلوم
وإن كان ودك بنينا قصر جوف القصر

عبدالله العطآفي

الحازمي ما يعوم انا احسب انه يعوم
اخاف. لا يبتلعه الموج موج البحر

كلن يحبه واظنه عند ناس معزوم
الله يزيده وحنا ما نحسد البشر

[عبد الرحمن الحازمي]

أوركيد تفظلي بالهنا والعافية ولا خلصت غسلي الصحن أنا بأروح أنام أنتي ما وراك شغل مع السلامة أقول لا تنسين هههههههه

[الشفق]

الله لا يحرمنا منك اوركيد
مشكوره على التنسيق
سلمت يداك ودام حضورك

[عبدالله العطافي]

اقتباس: المشاركة الأصلية كتبت بواسطة الشفق     الله لا يحرمنا منك اوركيد مشكوره على التنسيق سلمت يداك ودام حضورك

شكرا اوركيد. على التنسيق لا هنتي

[ابو دماس]

لكم بياض الوجه شعراءنا الافاضل
وخالقي مبدعيين كانت امسية رائعة
شكرا لكم يليها اخرى والشكر للراقية اوركيد
على التنسيق وفقك الله

[الشفق]

عبد الله لا تطلع لين تعدل اقتباسك
ترى علي طلعات ي ساتر
ههههههههههههههههههههه
هههههههههههههههههههههههههه

[شِيخةّ الغِيد |❥]

العطافيّ
الحازمي
اٌمسسِية رائِعه مِن اُمسسات شَفق الادبيه
صَحت قلوُبكمْ المعطآئه
اسَتمتعنآ بوجوُدنآ هوُن
لآهنتو