[الشفق]

السلام عليكم ورحمة الله وبركاته
نص جديد وحصري لـ شفق ومرتاديها
أرجو أن يكون في مستوى ذوائقكم
،،
الإهداء للجميع



دُوِيْ


،،


،



لا تسأل الغصن و الريح المعرِّض قوي
لا مال / واستلهم مْن العصف قوّ الشجون




لو حادي الصمت من غيم السما مرتوي
ما اعطى جهات المدى من هجن صمته عيون




كم لاح با رق / وكم فجّ المسامع دوي
للرعد /لا خيّلتْ فوق الحنايا مْزون




ما هو هنا .... أو هناك.... ولا قعد منزوي
هيجن على الغيم.... واستنكر سواد الظنون




يلمز قناته من الأغراب |غير السوي|
يمين بالله .... ما حرّك بْذاته سكون




جابرك مكسور من فوضى زمن فوضوي
والمشكلة / رغم كثر البعثرة ... ما يخون!!!




ذيب الوفا /في وجيه الشاحبين.... يْعوي
اما فتك بالشحوب/ او دك صمت الحصون




ليلةْ سرى في حقول الحاصدين/ قْروي
مالت سنابل .... هتف للريح .... وانحاز كون




كـأنها في يدينه/ عذق... عذق .... تْهوي
اختارت تْعيش حرّيه.... بليا سجون




من غير بارق فلج غيمة يجي له خوي
داعيه / بيض النوايا في سواد الطعون




يسترسل الريح / والغصن المورِّق ... قوي
ما ينكسر رغم عصف الريح ... مهما يكون

[الشفق]

السلام عليكم ورحمة الله وبركاته
مرّت على البال فأحببت تمريرها لكم
لعلها تجد القبول
محبتي للجميع قراءً ومن يشرفني بضياء حروفه
،
،

تنهيدة القلب

،
،
،

تسأل عن اخبار قلبي بعد ماروّحت
واستوقدت نار في صدري / وضاقت حياه



تنفّس الصبح و اوجاع المحاني صَحَت
على مواني تِزِفّ الجــرح لا منتهاه



تنهيدة القلب لا هي فوق ... لا هي تَحَت
تاهت بصمت النشيج و بين حزن الرعاه




الـبِـدْوي اللي عصاته بالسما طوّحت
ما جف ريقه ينادي وين راحت عصاه؟!



كنّه ذِكَر غيمةٍ طلّت ضحى واستحت
لا ناض برّاقها ... يذكر شقاوةْ صباه


ذكرى(قلوبه)على صدر الورق ما انْمحت
كم طعنةٍ كان يرسمها سِفر ... لين تاااه



أيووووه ... مااكْثر على طلح الصحاري نحت
حتى اشتكى الطلح من نحته بـدمع اللحاه



على شرايين نبضه / طفله اتْمرجحت
احتلت الأمكنة .. والوقت... والإتجااااه




لو سافرت يوم ... ولا ... بالدلع لمّحت
بفراقها / حنّ له حتى الصخر ... من بكاه




معشوقة القلب / في نزوة سؤال نْجحت
في حيرة الأجوبة بين النِّفَس ... والشفاه




تسأل عن القلب حين يْدينها ... لوّحت
لحظة قفز من قفص صدري و جاوب بـ آآه

[الشفق]

السلام عليكم ورحمة الله وبركاته
نص ليس بالقديم أرجو أن يليق بكم وبقراءتكم له
.
مودتي قبل وبعد
(إجابة على مسألة الوزن )


النحيل المُشكلة



للريح .... لاوراق الحدايق .... للسنين المقبله
هزّيت غصن الشعر واستنبت على كفي نخيل

طفل وْ كِبِر ، حتى عرف ليه اتجاه البوصله
يَمّ الشمال يْشير بالقسوة.... على عابر سبيل

على مقاعد (صف رابع) كان ، والعمر اجمله
طفْلٍ يشاغب دفتر الواجب ... برسم المستطيل



صوته يا دووب ان المدرِّس يسمعه .... لو يسأله
رغم الإجابه مُقْنِعه ! يقول : ليه انته نحييل ؟!



كانت علامات التعجب ..!!!.. فوق راسي مُنْزَله
يعني عشان اصْلَحْ ذكي ! لازم أكون بْجسم فيل!



صحيح كان الوضع قاااسي / و الحياة مْبهْذَله
لكن ! ورب البيت ... كنت احلم بكسْر المستحيل



هذا أنا (يا استاذ)! مازلت النحيييل / المُشكله!
كِبِرْت و اعشق كل غصن اخضر بتفاحه يميل



حملت قلب اكبر عيوبه / طيب/ وازريت اجعله
ينسى / و يقسى/ و يْتحوّل من كريم ليا بخيل



لوكانت ضْلوعي / زواياها.... صحااري ممحله
ما غرّدت فيها ..... طيور / وْلا تغَشَّاها / هديل



كم ليلةٍ سامرت غيم... و سال من قطنه / وَلَــــه
حتى غدت كل الحنايا عشب عشق وْ سلسبيل



و كم لي زرعت بْدفتري ..... للآآآآآه مِيّةْ سنبله
من شان تكبر ... مثلما يكبر معي بِــدْوِي أصيل



فالمدرسة / خط ابجدياته / شموخ... وْ مرجله
وفي تجربة ذاته (طنخ) ما عاد يرضيه القليل!!



حتى رمى للريح ....لاسوار الحدايق جدوله
و اهتز غصن الشعرلين الحبرمن كفه يسيل

[الشفق]

قالت لي امي




قالت لي امي وانا مُنهك ومُتعب نكـد
والوادي اللي على جغرافيا العين.. سال


،،،


جابر وانا امك / ولا تعطي لقلبك أحد
إلا لمن يستحي منها القمر (فالجَمَال)


،،،


لك قلب لا من طريت الغيم ... يمِّه صعد
ولك عين تشرب من الورد المصفى زلال


،،،


استمطر الغيم و اتبع كل حنّة رعـــد
وانسج من البرق حورية و معطف و شال


،،،


من صغر سنك _ واظنه_ في زمااان المهد
ما يستثيرك رغيف البُرْ ولعب العيال


،،،


كنت تْعَدِي فالمطر وتشيل حب البَرَد
وتقول يُمّه قدرت اجمع سنون الغزال


،،،


تنظر لنوّ السحاب / تصيييح زيدي بعد
كأنك تْقول ما ملت يديني وصـــال


،،،


من يومها وانت قلب اخضر سكن به جسد
أو يمكن انّه جــســـــد عيّــــــا خَضَاره يزال


،،،


واسترسلت بالسوالف لين دمي جمد
حتى لساني تعثّر بالحكي لين قال:


،،،


يمه كفايه ... أنا مازلت عند الوعد
قلبي مـاهو غصن لا مالت به الريح مال


،،،


صحيح متهوّر أحياناً ، بأيّةْ بلـد
أمُـرّها / والتقي للياسمينه ظلال


،،،


لكنّ ! واللي رفع سقْفْ السما بْلا عـمــــد
إني ولد .... راس ماله طِيب وآبن حلال !


،،،


القلب يمه انا ما اعطيته أيّةْ أحـــــد
شوفيه يستنطق الغيمة ، جواب السؤال....

[الشفق]

الملهمة
،
،
الملهمة عطر القصيد .. ونرجس الشريان بوح
مرَّت على بال الحروف وجات غيمة مُرسله

تروي جِدَب حَدْب الضلوع وتهدي الترنيم دوح
قل للحمام اقبِل ورتِّلها هديل و بسمله

بسم الله الرحمن ياعطر الصباح اللي يفوح
تبارك الرحمن يا ضيّ السنين المقبله

هذا انتي اعطيتي سكون الليل من بسمتك روح
وما زلتي انتي لاتجاهات الأماكن بوصلة

كل المرافي فاغترابي ساد عتْمتْها .. وضوح
من نور وجهٍ ما يبان .. الا يبدد مشكله

يا ساكنة بالنبض مدّي من سنا طلّتْك ضوح
ردّي لخيل الذاكره .. ركض ..وْ حياه ..وْ صهلله

يا ممطرة .. تبقين برقٍ في سما كوني يلوح
لا ناض ... بيدر كل قمح اخضر .. تطاول سُنْبله

عطر الحياة.. ومتعة الأيام .. بلسم للجروح
واخت النجوم.. ومترفةْ جيل الجمال بْأكمله

الله عليك لْيا نويت اوصل نهايات الطموح
قبّلْت ثغرٍ .. ما رويت الا على شط اعْسِلِه

انتي هناك لحااال... والدنيا لحال بْلا شروح
تستاهلين انظم لك نْجوم الثريا سلسلة

يا ملهمةْ كل الكلام العذب في لحظات بوح
جيتي على بال القصيد ... وجتك غيمة مرسلة

[الشفق]

( دواير مغلقة )



بعض الأمور تبعثر الأوراق في كل اتجاه
تظهر وجيه .. وتختفي في زحمةْ العالم وجيه
،،،،،


وان مِدْلِــهِـــمّ الغيم مــرّ وْلا تحدّر من سماه
ضاقت صدور مخيلينه وانكسر خاطر يبيه
،،،،،

لولا الجهات اربع ولولا كل شيّ لمنتهاه
ما كان علقنا سبب لـ اغرب تساؤلنا / وجيه
،،،،،


ليه الدواير مغلقة ؟ ليه الجبل يكثر حصاه؟
ليه النخيل تْموت مرتفْعة ..... كذا من غير ليه!
،،،،،

ما كل ما يعرف يقال / الا لشد الانتباه
اشيـا نفسرها / وبعض اشياء / تحتاج لـنبيه
،،،،،

البارحة والليل حااالك / والقمر غادر ضياه
ضاعت ملامح كون / ونْجوم السما تسال عليه
،،،،،

يا خيرة الله / مالت غْصون السوالف للشفاه
من بعثر الأوراق في صدري / ومن سبّل يديه !
،،،،،


كنت احسب ان القلب ما دوّر طريق الا لقاه
اثْري تلحفت السراب من النهايه بابتديه
،،،،،


صدق الظروف تبعثر الأوراق في كل اتجاه
غابت وجيه .. وننتظر في زحمة العالم وجيه

[الشفق]

،


هذا أنا .... غـُـربة.... و ترحال..... و اشواق
من مولِدِي ..... حتّى مســـــــــــاءاااات لندن


وانتي هناااااا – لندن– سكنتي بالاعماق
شوفيني اكتب شِعْر لاجلك .. .. وادندن




من قصائدي، للإغتراب و لكم وللندن وعطر كولشستر



لـنـدن
Flash-Back








لندن ضباب / و عطر/ وانفاس اغتراب/ و ياسمين
ما تذكرين البِدْوِي اللي عاش فيك / ولا نساك




شوفيني اذكر كل ما مر السحاب/ الكلمتين
وحدة تجيب اقصاي/ والاخرى توديني هناااااك





يسعد صباح (الطرف) و (التايمز) وحي المترفين
(الماي فير) و وهج أنوارك على شرفة مساك




لندن /وانا مازلت يا لندن /طفل كله حنين
للطيش / لاشجار الكرز/ لمعانقة نسمة هواك




قولي لـ (كُلشستر) صباح الورد والتفاحتين
في خــد بنتٍ وصّلت معشوقها حد الهلاك




اللي ليا هالحين مستني / لباص الطابقين
واللي ليا هالحين يتهجى/ بياض الوجه ذاك!




ما مر في باله سوى الذكرى وحانوتـَةْ (حسين)
ساعةْ وقف مذهول / متلعثم / سعيد / ابْلا حراك




ما فاق غير انه لمس باليد او كلتا اليدين
بالياسمين وْ هو يتمتم Joy back/ و جوي باك

[الشفق]

السلام عليكم ورحمة الله وبركاته
للأحبة هنا ،
نص ليس بالقديم :
ارجو ان يكون في مستوى جَمَالكم و رُقِيّكم.
مع فائق مودتي لكل من مر هناااا
مع عذري الشديد على الاسترسال في طرح النصوص
فقد تملّوا ، وهذا مالا أتمناه
فأجمل ما يمكن أن أقدمه "في رأيي" هو ما يتنفسه القلب
لكم القلب بما فيه من مشاعر .



،،



من الناس.... ناس
/
/






قم طيّر اسْراب نومك من ضفاف النعاس
واستقبل الصبح بشرى شمس متجدده






ياقلب مازال باقي لك من الناس ... ناس
قبــل الشرايين / تستقبلهم الأوْرده






كم لك تجوب الفضا/ لين امتلا باليِبَاس
تستعطف الغيم ...و بْروقه ... و حنّ رْعَدِه





و كم لك تقيس المواني !
.
.
ما خذلك القياس ؟!!
كم لك و كم لك /تعرّي حلم وتْردِّدِه






اصحى! حدايقك لا تذبل... و يَسْكنْك ياس
دام السما مستخيلة / بالمطر مُوْعِدَه






رتب حقولك ومِــــــــــــــــدّ الساقية للغراس
يكفي ضما يَبَّس العشب الخَضَر وافسده






هذا انت ! من سلسبيل المــــا تناولت / كاس
مـا ذكَّّرَتْك العذوبة ( شيّ ) متْعَوِّدِه !!!






طيفٍ .. يمرّك و يشعل كل كونك حواس
في فتنته .........
في بهاااااه .......
وْ في قوام جْسِدِه







يبقى لحاله على احْداق العيون الأساس
أشعَّةْ الشمس / تستأذن ترف مشْهده






كأنه اللي تسربل نور صبحك لباس
لا عطر قبله
..................... ولا يمكن يصير بْعَدِه
.
.




قم طيّر اسْراب نومك لا يجيك النعاس
تَخَيَّل الصبح محبوبك .................
.......... و قبّل يِدِه

[الشفق]

السلام عليكم ورحمة الله وبركاته:


نص جديد أرجو أن يليق بكم وبحفاوتكم وبكل الأحبة
أهديه لكـل من يجد فيه شيئاً من الشعر متمنيا التوفيق
والقرب من قلوبكم النابضة بالمحبة.


،،،


،،


،



رفـــــرفـــــة



لا الذهن صافي.. ولا جو القريحة.. تمام
وشلون تبغيني اكتب شعر... يا مترفه




أحيان ... لا مرني طيفك ... أرد السلام
واحيان كل الفضا طيفك ولا استشرفه




تبعثر الوقت ... بين الطيش / و الالتزام
المعرفـة جهْل!... والجهْل القوي .. معرفه!




قبل امس/ مرتني الدمعة ... مرور الكرام
حاولت / ابيِّن لعيني سر...... ما تذرفه




إيه انكسر .... مثل نخوة في وجيه اللئام
صدق انزوي .. والظروف بطبعها مسرفه




السدْرة اللي ملت كوني هديل وْ حمام
سألت عنها! .... ولا ردّت لي / الرفرفه




كنت آتأمل / وانا في قمّة الانسجام
طال النظر فالسحاب ولاقويت اصرفه




ياهي معاناه / لو شح المدى... بالكلام
ثم التوى باللسان اجمل نشيد احرفه




ينبوع الالهام / يهديك السلام/ الغمام
والعذر من عمق نبض القلب و مْن اطْرُفه




لو كان هالذهن صافي.. و القريحة.. تمام
كتبت كل العذوبة ..... شعر / للمترفه

[الشفق]

( طـفـل الـغـيـم )
.
\
.
\

أجمل الأيام ... طفل يلامس الغيمة بيدّه
بسمته مثل النشيد/ وضحكته مثل الأغاني

الندى يستعذب القطرات ترقص فوق خدّه
وردةٍ ذاب الشفق فيها بلون ابيض و قاني

كنّ صفين البرد واللول.... جندٍ مستعدّه
تحرس الثغر الذي من ضيقة حدوده يعاني

زرقةٍ .... ماتشبه الا البحر في جزره ومدّه
من نشد هاك البحر والسفن /عن سرالمواني؟

كل ما يلمع سنا البراق / يوقف عند حدّه
ما تجاوز غيمةٍ بيضا... و قطن الغيم داني

بين لين الخيزران .... وبين مياسه مودّه
واغلب الأحيان يطغى فوق لين الخيزراني

فيه نور/ و فيه نار/ و فيه لين/ و فيه شدّه
يجتمع فيه النقيض/ و تختلط فيه المعاني

ميزته/ يجمع شتات الوصف من مليون ضده
عيبه المفرط / شبيه البحر في ملحه أناني

يسرق الألباب فعلاً / والنظر غصباً يشدّه
شامخٍ ما مثله الا البدر و سهيل اليماني

قوّم الدنيا على رجلينها / و الحيل هدّه
مسرفٍ في حسنه الباذخ / ومتمرد/ و جاني

ما تخيّر غير يسكن/ في عروس البحر جدّه
شالته بين العيون/ و حطته بين المحاني

من يقول الغيم .... ما يصبح لفتّانه مخدّه
والله انّه لازم يبدّل بهذا القول/ ثاني

أجمل الأيام / طفل / يقعّد الدنيا بيدّه
يسبي الغيم البياض/ و يسلب الوقت الثواني