[اوركيد]

عبدالرحمن الحآزمي :

لا تحاورني إذا ما كنت تعــرف وش أقـول
قولة أسلم ما سلمنــا وقـول سالم من سلم
تعرف إني أعرف إنك شاعرٍ راعي أصول
والخطوط الحمر يقــراها بياضـــك يا قلــم

ابو عبدالله القرني :

ياهلا بالشعر والطاروق وللهداف قول
جيت يالطيب وانا في يدي اليمنى علم

والاصول اصول مير الخوف لايحضر افول
والبدر من بعد ضيه يختفي ونلقى ظلم


عبدالرحمن الحازمي :

لا تراود لي معاني إن كان تبغا لك قبول
شاعر المعنى صفاته نار ترقى للقمم
لا تقل مجنون شاعر ليت نسلم من عقول
أخفي العلة ولكن صادق إحساسي ألم

ابو عبدالله القرني :


المعاني من بدعها يسير الرحله وتجــول
والقمم ياذيب حنا نختلقها من عــــــدم

الجنون الله عليه له سوايا وله هطــول
اصلا المجنون رايق وان تصوب ماكلم


عبدالرحمن الحآزمي :

وقتنا ضائع مع هذا وضيعنا الحلول
راعي الخيمة تفنن وضيع الراعي غنم
هد يا بارق جنوبي ولا تكن فيها عجول
وأحسب الفكرة تراها مثل من يعبد صنم

ابو عبدالله القرني :

ماعلى الساهي حسافة دام افعاله نزول
ليه يوم الحظ قايم ماتوخـــى واحــــــــتزم

قالو الخيمة سندها العمـــود الي يعـــــول
الوسط واطنابها وكل ركـــــن به لــــــــزم


عبدالرحمن الحآزمي :

من حضارتنا ترى جسمي مفكك ومعلول
ومن خبالتنا نصدق قولة الغربي وفلم
نقضي الساعات نزرع وزرعنا ماله حقول
مثلنا شيء يحرك سرنا في عهد الجلم

ابو عبدالله القرني :

قالو في مره بنيه في حكايه من فصــول
اغرت الشيخ المؤذن واغترف لينه غرم

بعدها ياخوك ضـــــيع التهـــجد بالـليول
والسنن مع الفرائض صار ينظمها نظم






صحّت الالسن شعراءانا ,,

وتصبحون على خير ,,

[عبد الرحمن الحازمي]

اقتباس: المشاركة الأصلية كتبت بواسطة ابو عبدالله القرني     قالو في مره بنيه في حكايه من فصــول اغرت الشيخ المؤذن واغترف لينه غرم بعدها ياخوك ضـــــيع التهـــجد بالـليول والسنن مع الفرائض صار ينظمها نظم ابو عبدالملك صح لساانك بشرد على قولة الهزاااع والله ماعاد اشووف من النوم وورانا دوام عموما بيض الله وجهك والحاضرين وماقصرت تقديري للجميع

أشهد إنك جبتها سيده ولا فيها ميول
وإلي ضيع شيخنا كم ضيعة يا أخي أمم



وتصبح على خير وشكراً لكل من حضر هذه الأمسية الجميلة التي جمعتني بك والله يسعدك ويسعد الجميع

[الشفق]

بيض الله وجوهكم
الحازمي وابو عبدالله القرني
ليله مضيئه لا عدمتكم
والشكر موصول لبو عبد الرحمن
ومراقبتنا الراقيه اوركيد
دام الجميع بالف خير
ومودتي

[عبد الرحمن الحازمي]

[size="5"]شكراً أبو نايف وحفظك الله أخي سعدنا بتواجدك معنا [/size

[عبدالله العطافي]

اخواني بصراحة مثل هذه المحاورات لاتفوت

واعذروني على التاخير

ولا اقول الا صحة الالسن. وسلمت العقول

ابداااااع

[عبد الرحمن الحازمي]

اقتباس: المشاركة الأصلية كتبت بواسطة عبدالله العطافي     اخواني بصراحة مثل هذه المحاورات لاتفوت واعذروني على التاخير ولا اقول الا صحة الالسن. وسلمت العقول ابداااااع

أستاذنا عبد الله شكراً لك وصح بدنك أخي وحفظك الله