[الشفق]

##

صبآح ..مسآء زاخِر بالخيراتّ

السسلآم عليكُم ورَحَمة الله وبركآته ..

مُحبيّ الشِعرّ ومتذوُقيّ طَعم الابدآعّ

شِعراً عذباً سلسبيلَآ

نُهنىء شآعرناََ المَبدعّ ..

نهيّر النمّش ..

بِ أَفتتآح ديوُانه الخاصّ ومٌتكأ قصآئِدةّ وابداعاتهّ

مُبارك لنآ ولَهْ

مُتابعه مُمتِعه ..

[الشفق]

يا بري حالي!!
*

انا تراني احبك واعشقك كلك=ادوخ من كثر ماتطري تفاصيلك
اموت بك حيل ولاني قادر املك=شفني ادور عذر واجيك وابديلك
يابري حالي عليك وياحلو دلك=اخشى على شفتك ناعم مناديلك
ماعدت انا افرق اليشموم من فلك=ارجوك ياشوق لاتبطي مراسيلك
الله يحفظك بترحالك وفي حلك=ياللي بقلبي مداهيلك مداهيلك
متي تبي تختلط بلي على بلك=انا على الوصل تغريني مواصيلك
ومازلت انا ياحبيبي اعشقك كلك=وشلون لاصار تغريني تفاصيلك

[الشفق]

استدراج فوضوي
*

قل للمشاعر والحكايات والذوق=تاخذ من احساسك جميل الحكاوي
وقل للعتب وايدين الايام والشوق=وقل للعرب ماعاد باقي عزاوي
قل للبدو وش غير مزاين النوق=وين الهقاوي يابعيد الهقاوي
صفق الهواء غنى على كم طاروق=ماله ومال محرفين الدعاوي
بعض البضايع مالها بالبلد سوق=حتى ولو كثرة عليها الحداوي
البارحه جو الوطن كله بروق=والسيل حدر يذكرونه رهاوي
سيلٍ مهو سيلٍ حقيقي وماثوق=رحماك من بعض الفتن والبلاوي
ودام السوالف له سياسات وحقوق=ارجع وسولف عن علوم الخلاوي
لاصار ثوبك فوق الامتان مشقوق=قدر ريالك وخل عنك اللهاوي