[حسن آل مشرف]

دخول:

كرستاله ، قلم فضي ،خيالي ،دفتري، عطري
ادوزن و ارتشف فنجال صوتي واقذع افكاري،

كذا المطلع بدا يطلع وتبدا سالفة شعري،
كذا لون الشفق يرقص على نغمات قيتاري

انا . . لوما تقلدت القصايد وانتثر سحري
ترا ماكان جملني قصيدي واطرب القاري

#حسن_ آل_ مشرف
★★★★★★★★★★★★★★


( سباق )

الفراق اللي وصل اوسع نطاق
جيت ازمه درب وصل وزمني

انتثرلك شوق في وقت العناق
واجتمع لك شوق قبل تضمني

طاح مابين التناقض والوفاق
جيت اخمه لايطيح وخمني

اشتياقي غير عن كل اشتياق
سمني مجنون والا سمني

عاشقن قلبه اناني لايطاق
هو كذا والا كذا ماهمني

بينك وبين الفراق اقوى سباق
الفايز اللي في يديه يلمني

كنت اتمنى ضمتك قبل الفراق
بس الفراق اللي سبقك وضمني

حسن آل مشرف

خروج:

انت شعري وسالفة حبر القلم
انت قافي،واجمل بحور الخليل

ماسكنت من القصيد الا القمم
ومارقيت من الشموخ الا النخيل

مايجي فوق المهم الا الاهم
ودايم الاجمل يجي قبل الجميل

حسن آل مشرف

[الشفق]

ودامت لنا اطلالتك
شاعرنا الجميل والعذب حسن ال مشرف

نص جميل ورائع
كما تعودنا من سمو ابداعاتك دوما

صح اللسان وسلم البنان
ودامت لنا اطلالتك الاجمل

تقييمي ومودتي
،
الشفق

[سهم المحبه]

شاعرنا الكبير والمميز حسن ال مشرف ..
وتسلم وصح لسانك ودام وجودك وتواجدك

[البلقاوي]

بارك الله بكم على الطرح الجميل

وسلم الله يدكم ولسانكم