[منصور الرويلي]

.

.

الا يا الله . يارب السماء . ياحي . ياقيوم = تضحكنا عليهم ولا غيرك لك يبكينا
أسلام أسلام يارب العرب يالله يارب الروم = وحنا في أرضينا ماكنا في أرضينا
ألهي والمصايب بالمجازر كل وقت ويوم = يموت المسلم المؤمن ولابه من يعزينا
وكل ثوره يثور غبارها تقبس علينا نوم = على شوف الجثث نصحى بلانا من يصحينا
بريٍ من ربيعك يالعرب من تونس المُكلوم = بريٍ من حنينك يالعريش لمُغتصب سينا
بريٍ من أحرارك ياحماة المثخن المظلوم = بريٍ من زرافك يادمشق اللي معنينا
محاصيل السنين المجدبات الماضيات بكوم = بوقتٍ كان تشجيع النوادي مايسلينا
اذا فاضت دموع الآدمي لله ماله لوم = تجّهشت الحروف وصار مجدف عبرتي مينا
من الارهاب ننسى كلمة الارهاب بالمختوم = كلام الله . يا الله . ألة الكون تهدينا
نشوف المسلم اللي صدره العاري جريمة صوم = وُيقتل بالرصاص وراينا ماهو بخافينا
ولاهي خوف من عبدٍ ضعيف ليا قوى ملجوم = ولكن خوف من رب القوي لامن تناجينا
مسابيق الطيور الزود فيها بس حب خشوم = وشعري طير أبن وايل حروف لمن يجارينا
على طاري بني وايل دول ماهي مناعق بوم = وسيعّين الصدور وويل من يعادينا
ولابه طير فكره لا غدى فوق الظنون يحوم = يوّقع في حمانا والغوى تديره أيدينا
تواضعنا جعل أهل القصايد لو تصيد نجوم = فلا تكسب حصاة بأرض وصف اللي موالينا
ماحنا رخوم من كثر الثقه فينا تظن رخوم = بأناّ ماتسيّدنا المواقف لا تهقوينا
سكت مدح القبيله من عرفت البوح والمقسوم = ووهاب المعاني ننتمي له كلنا فينا
أقول الحق لوهي بالقبايل نصنع المحسوم = ولوهي بالقبايل يالقبايل من يلاقينا
ولابه زود في القبايل والشعر شغموم = ولا عزه سوى برب السماء لامن تنادينا

.

.

.

.

[طيف]

شكرا لك يا منصور الرويلي...
يعطيك العافيه
دمت بود

[المغروره]

صح لسانك منصور الرويلي
قصيده رائعه بروعة حضورك
ودي

[الشفق]

صح لسانك منصور الرويلي
نص باذخ
جميل جدا ما حوى وزاده الالقاء جمالا
لافض فوك وى نضب فكرك
دام حضورك البهي
تقييمي والميز
ومودتي
،
الشفق

[عبدالله العطافي]

صح لسانك

قصيدة رائعة من روائعك والقاء جميل

الله يعطيك العافية

[اوركيد]

ولاهي خوف من عبدٍ ضعيف ليـا قـوى ملجـوم ... ولـكـن خــوف مــن رب الـقـوي لامــن تناجيـنـا

الشآعر الكبير / منصور الرويلي ..



قصيده قوية قوية .. في معنآها ومبنآاها

لآ عدمنآ هذه الإطلآله المشعه وآهج من إبدآع

شهآدتنآ في من هم مثلك مجروحه ..

صح لسآنك من هنآ إلى يوم يبعثون ..


تقديري وتقيمي يسبقهمآ إمتنآني لـ هكذا حضور بآهي ..

[حسن مدهش السهيمي]

أقـول الحـق لوهـي بالقبايـل نصنـع المحسـوم
ولـوهــي بالقـبـايـل يالـقـبـايـل مــــن يـلاقـيـنـا
ـــــــــــــــــــــــــــــ
كفو
كفو
صدقت ورب الكعبة