[سهم المحبه]

يالعقاب اللي على المشراف وسع لي ...ترانـي

ضايق (ن) من عاما الاول وادهله قبلك ...وادله

يوم ربي قد كساك بريش وش لك في ...مكانـي

ماتخاف مـن العقوبـه يـوم تاتيـه ...وتحلـه

دام لك جنحـان وش تبقـي بمشـراف البيانـي

خل مشراف الفقير اللي بـلا جنحـان ...خلـه

ذا مكاني يوم رمح الغدر من حـره ...زوانـي

ما لختالي علـي حجـه وانـا سلـه ...ودلـه

وهو على ماقيل شماعـة همومـي ...لابلانـي

صاحب(ن) ياكل يديه وهو على مذهب ...وملـه

وهو ملاذي عقب خالقنا جميع الى ...ضوانـي

ظيقـة فالصـدر ولا جاتنـي للدمـع ...خلـه

لابديته ماحسد راع التـرف واهـل ...المبانـي

يحسبون ان فرقهم واضـح علـي واقـول ...لله

سجة في راس مشرافي وانا اغطرف ...الاغاني

والله انها في عيوني عن ميـة فنـدق ...وفلـه

فيه احس اني على احسن حال واني شخص ثاني

واتحلل مـن حـرام الهـم لاجينـه ...واحلـه

وذا مكاني عقب ماصبري على كبدي ...كوانـي

والله ان كني عقب فرقاه بيـن كفـوف ...ملـه

واحد(ن) زله حشاي ومسكنه بيـن ...المحانـي

مسكنه بين المحانـي والحشـا والصدر...زلـه

قلتها له قبل لا وقتي علـى الشعـر... يحدانـي

خايف مالله يتمـم واعـرف ان فـلان ...علـه

قال خل اشكوكك اللي تتـرك الـراوي ظمانـي

مايصيبك فـي جبينـك مـن خلقـك الله تشلـه

قلت ذا والله بلاي واشوف وش مدة ...زمانـي

لايكون اللي كتب لي (فارقه من غيـر ...زلـه

لا تضيـق مـن التشـاؤم واحتمـالات الأنانـي

خايف(ن) اشرب بعد كاس النصر كاس المذلـه

قال وش تبغي بحكي الحزن والدنيـا ...فهانـي

لاتعيشنا زمـان الحـزن قبـل يحـل ...حلـه

قلت ماتدري وانـا الـداري بعاقبـة ...التمانـي

غير عاهدني وريحني واشـل الحـزن ...كلـه

قال شفت الموت لو بيدي ماهو كفو ...لخذانـي

بس لاتشره علي لو لبسونـي غصـب ...حلـه

قلت اجل وانا وفاي من الجدي حتى ...اليمانـي

مرتضـي غيـرك ولااظنـه ولاظنـي ...لابالله

قال اجل سلم على روحك وانا كلـي ...تهانـي

يوم عرسك والله ان اهـل مجدولـي ...وافلـه

وراحت اسنين التلاقي مشيهـا مشـي الثوانـي

مادرى عن حبنـا الا ظـل محبوبـه ...وظلـه

غير حول يالعقاب وخـل مشرافـي ...ترانـي

ظايق(ن) من عاما الاول وادهله قبلك ...وادلـه

قلتها ماقصدي انـه يقـال صـح الله ...لسانـي

قلتهـا لعيـون مـن سبـب كتابتهـا ...لعـلـه



آمل ان تنال إعجابكم مع اجمل الامنيات بالمتعة والفائدة .
[/COLOR][/FONT][/B]

[الشفق]

ماشاء الله
صح لسان ابن فطيس
وسلمت ذائقتك شيخ شفق
مودتي
*****

[السحاب]

مشكور سهم المحبه
اختيار جميل
تحياتي

[سهم المحبه]

تسلم بارك الله فيك الشفق
اشكرك على مرورك العطر واعجابك

[سهم المحبه]

اهلا بك السحاب وتسلم ونامل ان نكون وفقنا في اختيار الاجمل .

[ابو عبدالله القرني]

الا والله صح الله لسانه وسلمت يمينك
اختيار مميز وانتقاء رائع
لاعدمناك سهم المحبة ودام حضورك

[عبد الرحمن الحازمي]

قلتها ماقصدي انـه يقـال صـح الله ...لسانـي

قلتهـا لعيـون مـن سبـب كتابتهـا ...لعـلـه

صح لسان اشاعر وسلم بنان الناقل يعطيك العافية سهم المحبة مميز في إختياراتك

[سهم المحبه]

سلمك الله ابو عبدالله وبارك الله فيك
ما تعدم غالي وانت غالي
نورت ابو عبدالله واهلا بك

[سهم المحبه]

تسلم على المرور العطر الكريم اخي عبدالرحمن بارك الله فيك
روعة بن فطيس لا يعلى عليها .
شكرا وتسلم على المرور