[هبوب الريح]

هنا اتواجد مع الحرف





اهلاً بأعينكم يا ساده


بقلم : موسى هادي

[هبوب الريح]

عطني من عيونك وهم
واعطيك من عيني سراب
ألمح لك حدود الألم
وافتح لي اسوار العذاب
معك معك زلة قدم !
ما نعرف اسباب الضباب ؟
كنك حزن .. كني ندم
جينا ندور للعتاب
لا شان وقتي وانتقم
بلّغ شبابي كيف شاب
وصلك وجودي والعدم
يمتد من زول الغياب

[هبوب الريح]

انا يوم اذكرك القاك
يجيني طيفك العابر
اسامر نظرتي بذكراك
وحولي حسّي الشاعر
تجي منا وتجي مناك
ولا تفرق عن الظاهر
احبك كلي يتمناك
وحبي لا انكرك كافر
يوديني على دنياك
مسافه شوقها ناطر
رحابة هالسما لقياك
يا غيمة عمري الماطر

[هبوب الريح]

يجر الصمت ويغيب الوعي ميله
وصوت الآه بالأعماق ناطقها

ضما هالشوق واغشى فاقدٍ حيله
نهى المشوار عن ساحة مناطقها

يبي ينسى الوله ويعود ياتي له
عجز ينهي هوى الذكرى ومشاهدها

يلوم الحظ او حظه يعزي له
صويب الحال بالحالات فاقدها

تمناها وهي بالأصل ماهي له
وهو مجنونها .. الله يسامحها

هوت غيره ودمعه مل منديله
بكاها كل ما يذكر ملامحها

[هبوب الريح]

ويني انا .. بعدك انا
فاقد من وجودي لقاي

كني بقايا من عدم
آخر ملامح للزوال

حاولت الملمني شتات
لكن حطامي انكسر

مدري تملّكني سهر
ولا انا شفت الليال

امشي وكني بلا هدف
دربي مشيته وانحرف

واثره على حدودك وقف
شوقي .. ويتمنى وصال

جيتك ابي اروي ضماي
لا تمتلي فيني عطش

يا بحر لو عندك دواي
وقف نزيفي بالرمال

[الشفق]

مبروك هبوب الريح
ركن بوحك الخاص
سرني كثيرا تواجدي هنا

سـ اكون دائم المرور هنا للاسمتماع
بما ستحتوي من الجمال


مودتي
،
الشفق
*****

[هبوب الريح]

اقتباس: المشاركة الأصلية كتبت بواسطة الشفق     مبروك هبوب الريح ركن بوحك الخاص سرني كثيرا تواجدي هنا سـ اكون دائم المرور هنا للاسمتماع بما ستحتوي من الجمال مودتي ، الشفق *****

اقلط المكان مكانك الله يسلمك


تنورنا

ومن دون متابعتكم نشفق على انفسنا




محبتي

[هبوب الريح]

نوافذ حلم تفتح لي عليك النور
وعيني توها تشرق بصبحيه

لمحتك بالسما لحظة هوى وطيور
بلا موعد وجيتيني على الجيه

صباحك من صباحك غنّ العصفور
وصارت غيمة الإشراق ورديه

يا روحٍ فيك هيمانه غلا وشعور
صبا حك غيم واحساسك حواليه

احبك يا حديقه امتلت بزهور
ابقطف يا حنيني شوق بيديه

انا لو ما تنفستك شذى وعطور
تجيني من الكآبه حاله نفسيه

حبيبك لو يعيش اليوم بدون حضور
حياته كل ابوها تموت بشويه

[هبوب الريح]

يا حديقه . يا انيقه . يازهور
يا سمينك . يا عبيرك . يا شذا

ذا بخورك او صفاتك من عطور
كل ما شفتك طلعتي لي كذا

[هبوب الريح]

الوهم والسراب

ماللمحبه طعم وماللضلوع وشاح

ياقلب ياهادي ليتك معي مرتاح

صمتك يشرّحني ويشرّح اجزائي

كلي تبعثر دم وانمحيت اسمائي

لاني بهمسة حبْ
ولاني بنبضة قلبْ
ولاني طبيب جرّاح

يعني كلامك جفا تحت الرماد اسرار

يبقى الوهج في السما لو عادت الأمطار

حبي نبت للوفا من عانق الأزهار

وصورة غلاك احبسه في داخلي تذكار

مهما عليّ تقسين
ومهما بعد تنسين
فيك الهوى ذّباح

اضحى الورق يابس وكلّ السواقي نار

ووجه السما اسود وبركاننا ثوّار

معقوله حبك كذّب

ولاّ الزمن غدار

ولا آنا بس حسْاس

ياحزني المجتاح

ياللي بحضن الأمل بيدينك المفتاح

حب وكآبه وكدر تستاحش الأفراح

الصوت لو يحترق

فايض بكتماني

لملمت ارضك غلا

وانا بحرماني

يالايمي ذا انا

في دنيتك سواح

سوّاح لو تبقى طول العمر سوّاح

وتلملم اجراحي وتهديني الأفراح

تكفي طيوفك شفا

للي يحب الوفا

دربك عذاب وجفا

وانا معه مرتاح

شوفي وش اللي بقى واللي بقى قد راح

وشكثر طال المدى واللي بنيته طاح

اركض وانا اتبعك

حاولت ما اخسرك

آهٍ على قصتك

فيها الوجود انزاح

بكّيتني بكلمتك واحرقتني بحرفين

صمتك مع جيتك ماتجمع الاثنين

عيونك بها لي شيّ

صمتك كئيب شوي

ليتك تحس بقلب من كثر همه بآح

هذا الفراق الصعب يالرّوح لو تدرين

حكم القدر حدنا عاند معانا سنين

ياموج بحرك ندا

والحزن فيني بدا

ماتت امانينا وبرق الأمل مالاح

راضي بحكم القدر ياجمرة الأعماق

حبك جنون وسفر باقي معك مشتاق

لو غبت كل العمر

اسمك حفرته حفر

وقلبي عليك انفطر

يا آغلى زمان وراح

بودعك واترك لقانا يفترق

آه على جمرة وداعك يالخفوق

بودعك واترك وداعي يحترق

وبتحترق بمودعك كل العروق

نكتب على احزاننا
جرح المشاعر
ضمنا..
حنا اللي لمّنا هالقدر..
ولاّ القدر مالمنا ..
ويلاه ..
ويلاه ..
ياغلى زمان ورآآح ...