•••
تساهلت القصيد اللي على شانه رقا القمه
وطغى عشقه على كل القصايد واتلف اعصابي
طرق شعري بحورك يألخليل ولالقا كلمه
تعبرله عن الحب الدفين وتوصف اعجابي
وانا اللي لا كتبت الشعر تبرق في السما نجمه
تنال اعجاب حسادي قبل ماتعجب احبابي
حسن آل مشرف
ــــــــــــــــــــــــــــــــــــــ
يقولون العرب شدو
يقولون العرب شدو وانا صوب العرب شديت
ادرجّها واقلبهّا شمال يمين واســـــــــــــمي
يقولون العرب ردو وانا في دربهم رديت
اطاردهم تقول اني بديوي يطرد الوسمي
كويت الصدر \وسمتّه بوسم ألهم يوم اقفيت
تدور الارض والدنيا وصدري مامحى وسمي
رياح الشوق لاهبت على غصن الهوى غنيت
على موال ابونوره وادندنها مع الجســــــمي
اقول ان الهوى جنّب طريقي واثرني حبيــــــت
عشقتك يالغزال اللي (حلى جسمه نحل جسمي)
رسمت احلام ورديه وعلى سقف السما خطيت
تزين لوحة اللهفه جروح فنونها رســــــــــمي
بها جنيت لاغابت واذا ناظرتها جنيــــــــــــت
كذا والا كذا والاكذا مجنونها رســـــــــــــــمي
يقولون الجنون اقسام\قيس وروميو وجولييت
وانا ياصاحبي قسم القلوب الطاهره قســــــمي
أنا وخلي تقاسمنا الغرام العف والتشتيـــــــت
ولاكن مارضا القسمه واخذ قسمه على قسمي
أنا سميت ياذا الشوق \ابو ولٍدّي\ اناسميت
ادرجّها واقلّبها شمال يمين واسمـــــــــــي
حسن آل مشرف
ارق واجمل التحايا لجميع الاعضاء والمشرفين والزوار