آخر 10 مشاركات |
|
|
|
أدوات الموضوع | انواع عرض الموضوع |
01-27-2016, 08:28 PM | #21 |
العضوية الماسيه
تاريخ التسجيل: Oct 2011
المشاركات: 7,769
|
اشكرك فاضلي الشفق وتسلم ويسلم راسك اخي العزيز تقييم جميل ورائع وتميز اشكرك عليه وإضاءه جميله لهذا المتصفح إطلالتك . لست بطل القصة وأن خيل لك أخي العزيز تشابه أسماء فقط و ابو احمد كثيرين وبطلها الحقيقي كما ذكرت في بعض الردود هو ما زال حي وبصحة وعافية وله من العمر الان حوالي السبعين .. وأسرته بكاملها موجوده معه .. نسأل الله له العافية والسلامة وقد أستأذنت منه في كتابة هذه القصة ووضع بعض الاضافات كتابيا .. ولست أنا البطل احببت التنويه بارك الله فيك وفي أخر القصة تنويه بذلك اشكرك مرة أخرى ويسلم راسك الشفق ودمت بخير وسعادة ..
__________________
|
غير متواجد
|
01-27-2016, 08:51 PM | #22 |
العضوية الماسيه
تاريخ التسجيل: Oct 2011
المشاركات: 7,769
|
الجزء التاسع عشر :
__________________
|
غير متواجد
|
01-28-2016, 08:26 PM | #23 |
العضوية الماسيه
تاريخ التسجيل: Oct 2011
المشاركات: 7,769
|
الجزء العشــــــــرون :
__________________
|
غير متواجد
|
01-29-2016, 09:40 PM | #24 |
العضوية الماسيه
تاريخ التسجيل: Oct 2011
المشاركات: 7,769
|
الجزء الحادي والعشرون :
__________________
|
غير متواجد
|
01-30-2016, 09:28 PM | #25 |
العضوية الماسيه
تاريخ التسجيل: Oct 2011
المشاركات: 7,769
|
الجزء الثانــي والعشرون :
__________________
|
غير متواجد
|
01-31-2016, 08:43 PM | #26 |
العضوية الماسيه
تاريخ التسجيل: Oct 2011
المشاركات: 7,769
|
الجزء الثالث والعشرون :
__________________
|
غير متواجد
|
02-01-2016, 08:48 PM | #27 |
العضوية الماسيه
تاريخ التسجيل: Oct 2011
المشاركات: 7,769
|
الجزء الرابع والعشرون :
__________________
|
غير متواجد
|
02-02-2016, 10:20 PM | #28 |
العضوية الماسيه
تاريخ التسجيل: Oct 2011
المشاركات: 7,769
|
الجزء الخامس والعشرون :
ودي .. وسكتت ؟ فسمع ابو احمد صوتها وكأنها تبكي فقال ساميه وش فيك عسى ما شر اشغلتيني فيك شي اجيك .. فقالت لا لا .. مافي شي بس .. خلني اكلمك بعد شويه .. وقطعت الخط .. فقام بالاتصال بها وقال اذا في شي اجي حالا ليش تبكين وش فيك .. فقالت والله ما فيه شي بس اخذتني العبره مدري ليش .. اسمع فقال كلي سمع واسمعك حتى بقلبي يالغاليه..فقالت ..وسكتت مرة أخرى ولكن عاودت وتكلمت وقالت .. {ودي أزوجك} فنزل الخبر على ابو احمد كنزول الصاعقه .. وضحك ثم قال لها أنتي مجنونه .. فقالت لا كلي عقل .. فقال وش هالكلام اللي تقوليه .. أنا ما كان في خلدي حتى التفكير اني أسمع مثل هذا الكلام منك بالذات .. فقالت ولا أنا ولكن في نفسي شي ودي احققه .. فقال خلي الخرابيط اللي ما تودي ولا تجيب .. ولا عاد اسمعك تقولي مثل هذا الكلام .. فقالت لا تحسب اني مفرطه فيك والله لو تروح في اخر الدنيا ما انساك ولا افكر حتى في نسيانك ولكن مثل ما قلت لك في نفسي حاجة ودي احققها الله يخليك لا تكسر في خاطري وترفض رغبتي .. فقال لها يا بنت الحلال مدري من وين جبتي هالكلام وحتى الفكـــــره ماهي معقوله .. الظاهر انك قمتي من نوم شفتي كابوس وماسك معك .. فضحكت وقالت لا والله انا لي فتــــرة طويله وودي اناقشك في هذا الامر ولكن ما قـــــــدرت اختار الوقت المناسب وكنت اقول في نفسي أنتظــــر قد تأتي فرصة مناسبة ولكن تأخرت الفرصة فقررت افاتحك في هذا الموضوع .. فقال لها وما اخترتي إلا هذا الوقت وانا في العمل .. فقالت وانت جنبي حاولت كثير من المرات وما قدرت لغلاك عندي وانت تعرف الحريم ما تقبل الضره ابدا ولكن نفسي وما تريد الله يحفظك .. فقال لها خلاص اذا جيت يصير خير مع اني ما راح اوافق ابدا .. يالله انا عندي شغل الحين خليني اخلصه والله يجيب العواقب سليمه .. ****** عاد ابو احمد وعندما دخل سلم وغير ملابسه وجلس وكانت تنظر إليه بشكل غير المعتاد فلاحظ ذلك عليها ولكن لم يقل شي .. أحضرت له الغداء وتغدى وبعدها طلب كاسة شاي وجلس فأتت الى جواره وجلست وهي ساكته وظنته ينتظرها تتكلم .. فقال في المساء ان شاء الله نتكلم .. فقالت على راحتك .. نام بعض الوقت وقام وقال عندي شغل ودي أروح اسويه تبون شي فقالت سلامتك .. عاد ابو احمد بالليل حوالي الساعه العاشره وسلم وبعد ما بدل ثيابه وجلس في الصاله مع الاولاد وكأنه يتهرب من الكلام .. فعرفت وجات وجلست قريبا منه .. وبعد ما نام الجميع وكان ابو احمد وساميه في غرفة النوم الخاصة بهما.. فقالت يا أبو احمد ماودي أضايقك اذا ما تبي أتكلم خليها بعدين .. فقال هو فيه شي نتكلم فيه ضروري .. فقالت نعم الموضوع اللي كلمتك فيه اليوم .. فقال الظاهر انك راح تشغليني بأمور مالي فيها رغبه ولا أحتاجها .. فقالت طيب اسمع وترى الرضى سيد الاحكام ..ما فيه شي بالغصب ولا بالاكراه فقال عارف وبالاخص هذا الشي .. أنتي الظاهر فيك شي او صابك شي الله يعافيك وش هالكلام الله يهديك من من عقلك تتكلمي .. فقالت نعم .. قال أسمعي .. اولا انا ماني صغير وهالامر يبيله شباب وأنا على وشك التقاعد يعني في أخر الخمسين .. وش تقول الناس عني أنهبل ابو احمد وتزوج في أخر عمره . . فقالت أسمع كويس انك ذكرت العمروقلت انك كبير في السن تراني اكبر منك وما راح اكون أفضل فيما يأتي من الوقت .. وودي لك بوحده صغيره تراعيك وتدللك وتزهي حياتك وتجدد صباك معاها ..فقال ومن أشتكى لك وبعدين أنتي في نظري أحلى واجمل من الصبايا .. فقالت كل هذا اعرفه واعرف مشاعرك تجاهي .. ولكن مثل ما قلت أمنيتي ان اشوفك اسعد انسان تشوفه عيني .. وتراني ما نسيت تضحيتك تجاهي انا واولادي وأعرف اني أم ثمانية اولاد ساعة تزوجتني والان انا كبرت وأصبحت فوق الخمسين بكم سنه وانت ما زلت تحتاج لدنيا تعيشها فقال لها عندي بكره عمل من بدري يالله تصبحي على خير ودي انام .. وقام الى فراشه متظاهر بالنوم . فتركته .. وعند الصباح أفاق على فطوره الصباحي فما كانت تتركه يروح عمله إلا بعد أن يفطر ويشرب كاس من الحليب الساخن وكانت تهتم به تماما وبلباسه وطيبه .. وكان سعيدا معها وهي كذلك .. ****** تعددت محاولات ساميه مع ابو احمد حول الموضوع الذي كلمته فيه لكنه كان يتجنب الحديث معها فيه وحاولت أكثر من مره وكان ينهي الحديث اما بالخروج او بالنوم أو يتواجد مع الاولاد او أحد مما يجعلها لا تستطيع الحديث معه في ذلك الموضوع .. ولكنها أصرت على ما في نفسها وتفكيرها .. ذهب إليها أحد الايام وكان يوم خميس بعد العصر فتظاهرت بالتعب ولم تقوم من الفراش فدخل عليها وقال لها سلامتك عسى ما شر .. فقالت أحس اني تعيبانه وودي توديني المستشفى لو سمحت فقرب منها وقال الف سلامه لك ووضع يده على رأسها يتفحصها وقال وش تحسين فقالت حراره شديده وتعب .. فقال توكلي على الله اوديك .. فقامت ولبست ولكن لبسها ماهو للروحة للمستشفى .. فضحك وخرج قبلها ولم ترى ضحكته أو تلاحظ عليه ..المهم لحقت به وشغل السيارة ومشى .. فقالت ترى مابي شي وبصحة وعافيه فقال داري ولكن أحببت اطاوعك فقط وإلا ما تمشي عليه فقالت الله يسلمك ويرعاك .. اسمع يا ابو احمد ودي تخليني اتكلم حتى انتهي الله يحفظك ولا تقاعطني على شان خاطري .. فقال تفضلي تكلمي في أي شي إلا الموضوع اللي أشغلتيني فيه لك كم يوم .. قالت اصلا ما فيه غيره وبالنهايه ما راح يسير إلا برضاك وموافقتك .. فقال ما ودك نعود البيت أو نروح البر نتسابق انا وانتي .. فقالت نروح نتسابق وان سبقتك توافق وانت مغمض فقال اصلا ما راح تسبقيني مهما حاولتي .. فقالت جرب وشوف انا بنت باديه في الاصل واعرف كيف اسبقك .. فضحك وقال لو تسابقنا راح اخليك تسبقيني على شان اشوفك تجرين امامي قالت من زمان قلت لك انك ساحر قلوب ومدت يدها ووضعتها على يده وقالت على شان خاطري اسمع مني ونتناقش وان وصلنا لتفاهم وموافقة يصير خير فقال يا بنت الحلال انتي انجنيتي وإلا أش السالفه .. الله يهديك أتركي هالشي تري ما راح تصلي لشي بس تتعبي نفسك .. فقالت تعبك راحه وتراك غالي .. قال غالي وانتي تبين تجيبي لك جاره وش هالكلام قالت اسمع بالاول وبعدين ردعليه فقال خلينا نعود البيت وبعدين نتكلم فقالت اذا تسمعني يالله نرجع واسوي لك ذيك القهوة الزينه ونجلس نسولف .. قال يالله رجعنا وكان قصده ان ليلته ماهي عندها ذيك الليله ويبي يفتك وعند وصولهم قال لها يالله تصبحين على خير .. فقالت والقهوة والوعد .. فقال بكره يسير خير انا رايح لأهلي فوق الليله أبات هناك فضحكت وقالت ليه والبارح وين كنت .. فقال هااااه الله المستعان قمت أخربط خلاص جيبي القهوة .. راحت وجابت القهوة وتمر ومعمول خاص بالتمر .. فلقته متلحف ومتظاهر بالنوم .. فقالت قم يالغلا أدري ما بك نوم بس تبي الفكه مني وسحبت لحافه ومسكت بيده وقالت بحقي عليك وغلاي لا تحرمني من رغبتي ولا تحرجني اكثر تراك بهذلتني وانا احاول معك . قام وجلس في المكان المخصص للجلوس ومدت له فنجان القهوة وقربت التمر والمعمول وقالت اسمع الله يخليك وخلني اكمل اللي ودي اقوله لك .. قال تفضلي .. فقالت اولا انا اعرف وش اقول وترى الموضوع جد الجد ماهو سواليف وهرج فاضي اولا البنت المقصوده تقرب لي وبنت عم .. ثانيا لها ظروف صعبه زوجها والدها من واحد الله يحفظنا له مشاكل كثيره وسوابق وانخدع فيه وتورط بقبوله زوجا لبنته .. وتعب حتى حصل على طلاقها منه ورجع له المهر .. والبنيه صغيره وشابه وناعمه واوصافها صعب ينوجد بهذي الايام .. وودي اشوفها راعيت بيتك .. فقال واللي بالبيت وش هم .. فقالت انا كبيره .. وام احمد كبيره مثلي كل واحده لها ثمانية اولاد وتسعه .. وانت ما زلت تحتاج لشابه تتحلى بها وتسعد نفسك .. فقال لها ومن قال لك اني غير سعيد قالت طعني الله يوفقك تراني أترجاك وقبلت يده وهو غافل عنها وترجته .. وقالت ان ما كان على شان خاطري فعلى شان ما يضيع شباب هالبنيه والله أني شفقانه عليها وودي اشوفها تحت جناحك وفي بيتك فقال احس حالي تعبان ودي انام وبكره يصير خير فقالت أكييد فقال ان شاء الله . قالت جعله نوم العافيه بقى يتهرب منها حوالي اسبوع ما يخلي لها فرصه تكلمه .. فكانت ليلتها فحاولت ان يكون عندها من وقت مبكر ونسي السالفه .. وتم لها ما ارادت .. وعندما صاروا لوحدهم فقالت يصير منك يا ابو احمد تتجاهلني وتتركني وانا احاول الكلام معك وانت ولا على بالك فقال وش السالفه مين قال اني اتجاهلك .. فقالت لي الحين اسبوع وانا احاول افهم منك وش ردك عليه وانت كأنك ما سمعت مني ولا حرف .. ****** فقال لها يا شيخه الله يهديك يمدينا نتكلم الحين ودي اروح لرجال لي حاجه به واذا جيت يصير خير .. قالت الليله ما تطلع إلا من فوق رقبتي ان وطيت عليها ومستحيل اخليك تطلع .. فقال يعني أيه تمنعيني من الخروج وإلا أش قصدك ..قالت أمنعك بأني اقول بحقي عليك وغلاي عندك فقط أن طعت وإلا براحتك .. فقال يعني تمسكيني باليد اللي توجعني وتعرفي أني ما ارد لك طلب وانك غاليه عندي .. قالت اعرف غلاي عندك ولك غلا مثله مرتين عندي .. يا ابو احمد ريح قلبي فقال اريح قلبك بما يضرني .. فقالت ما عاش من ينوي لك الضرر او يسببه لك .. فقال وش معنى تصرفك هذا ورغبتك اللي ما اشوف لها معنى قالت طعني وما راح تندم تكفى الله يخليك ويكتب لك الصحة والعافيه وراحة البال .. قال اسمعي ريحيني الان وخلي هذا الموضوع نناقشه بعدين .. قالت متى تراني اصدقك وانت ما عمرك قصرت معي بس هالايام اشوفك تراوغ .. قال خلاص يوم الخميس نسولف ويسير خير .. قالت بكره الخميس وش فيك ناسي وإلا أيه .. قال طيب بكره ان عشنا .. وحاول يمضي الوقت دون الدخول في النقاش في هذا الموضوع .. وفي اليوم الثاني كان يوم الخميس طلبوا منه الجميع ان يطلعوا للبر..فقال يالله مشينا وكان قصده يفتك من الوعد ولكن وراه وراه وساميه مصره على رأيها .. طلعوا للبر وفضلوا الى قريب العاشره ثم عادوا .. فقالت أبيك تجيب لي حاجات ضروريه وناظرت فيه فعرف انها تبي تكلمه في موضوعها اللي ما لاق لأبو احمد فقال ان شاء الله اجيب لك اللي تبين .. فلما توحدت به وقد جهزت له ما يناسب جلوسه .. أقتربت من ومسكت بلحيته وقالت تراني اول مره امسك بلحيتك وما قد سويتها .. فنظر لها بغضب شديد وقال لها ..... كونوا معي في الجزء القادم ...
__________________
|
غير متواجد
|
02-03-2016, 11:37 PM | #29 |
العضوية الماسيه
تاريخ التسجيل: Oct 2011
المشاركات: 7,769
|
الجزء السادس والعشرون :
الحين انتي الظاهر ما ودك تتركيني إلا وإزعل عليك اصحي لنفسك انا رافض الموضوع هذا وان كلمتيني فيه مره ثانيه ما عاد ادخل عليك وتشوفي مني اللي ما يعجبك تفهمي..وخرج غضبان.. وكان يتظاهر بالغضب على شان يفتك منها .. خرج لبعض الوقت وعاد ودخل المجلس بهدوء وبدون أن يحس به أحد وتليطم بشماغه واخذ احد المساند تحت رأسه وانسدح وقصده ينام ... ولكن ما درى وإلا غاليته بجواره تفرك رجليه وتتحس أصابع أقدامه وبدون ما تتكلم .. فقال وش اللي جابك قالت لا تضحك عليه أدري انك ما تزعل عليه ولكن تتظاهر بالزعل على شان أسكت عنك ولكن ماني ساكته لو ذبحتني .. فقال قومي سوي لي كاسة شاي .. قالت شاهيك جاهز قم بس معي الله يهديك .. فقال ما فيه فكه من خرابيطك ..قالت وش تقول خرابيط لو شفتها متأكده أنك ما راح تصدق اللي تشوف عيونك .. قال الله يكتب لنا ولك الهدايه يا بنت الناس اذكري ربك واتركي هالموضوع .. مسكت بيده وسحبته فجاراها ومشى معها .. وبعد جلوسه قالت أفاا يا أبو احمد امسك بلحيتك وتسوي حالك زعلان على شان ما تقول أبشري وسمي قال الله المستعان يا حرمه اذكري ربك وش جاك الله يهديك .. قالت ما جاني إلا خير .. طعني .. فقال لها اولا العمر ما يخدم لبنت شابه .. ثانيا انا ما عندي شي هالوقت .. ثالث شي انا أسرتي كبيره وعندي عيال كثار ولله الحمد وما راح اقدر على اللي تطلبينه .. قالت بالنسبة للعمر الله يعطيك طولت العمر والعافيه ما احد يضمن الحياة والموت للصغير و للكبير .. بالنسبة للفلوس لا تشغل بالك ترى مهرها عندي ولا تهتم .. بالنسبة للعيال رزقهم على الله ماهو عليك الله بالجميع رحيم وتراني مسكت بلحيتك فلا تردني .. ولا أضايقك ولكن رغبتي لك بها تخليني اصر عليك .. قال هاتي مع اني ماني مستسيغ الموضوع .. قالت خلاص وافق واذا شفتها وما اعجبتك ننسى الموضوع .. قال هي بنت مين اعرف اهلها قالت ايه تعرفهم ليش ما قلت لك انها بنت عم .. قال منهم .. قالت بنت فلان طبعا ابو احمد يعرف ذلك الرجل الذي ذكرت اسمه فقال عنده بنات كبار ما اخبر عنده إلا عيال .. قالت شفها وبعدين يسير خير.. فقال وان شفتك بعدين تغارين وتمشكليني وش اسوي فيك .. قالت ان حصل مني ادنى شي سوي فيه اللي تبي .. قال خلاص اتركيني كم يوم افكر .. قالت تفكر كم شهر ان شاء الله .. قال قلت لك كم يوم .. قالت كم يوم ليه نسيت كم لي احاول فيك لي شهرين ونصف بالضبط والخوف يستمر تفكيرك دون رد قال عيني خير ان شاء الله ارد عليك .. قالت ماني منتظره .. أبي ردك الليله ابي اطلع انا وأنت وابيك تعزمني للعشا .. فتبسم لها وقال اخاف انك اذا تعشيتي تنسين فقالت ان نسيت الله عفاك ولا عاد اكلمك .. فقال خير . ****** طلع ابو احمد ومعه ساميه وتمشوا لبعض الوقت وكانوا في صمت شديد .. ولم يتكلم احد فقال ابو احمد شوفي هذيك البنت ما احلاها .. وقد كانت عجوز تقطع الشارع يادوب تمشي فضحكت وناظرت فيه .. وسكتت فقالت المهم لا تخلينا بلا عشا .. فقال ابشري الحين نروح نتعشى في المطعم الـ ؟؟؟؟ . وصلوا المطعم وطلعوا وتم طلب العشا وبعد ان جاء قالت شوف عاد ترى ما يطب بطني العشا حتى تعطيني وعد بالموافقة أقلها تسمح لي اكلم ام البنت وأتفاهم معاها مع اني متأكده من موافقتها واذا شفت البنيه ساعتها تقرر انت .. قال شوفي أنا متأكد انك ما راح تصفطين لي إلا شي أكثر من رائع .. ولكن انا حقيقة ما ودي في مثل هذا الموضوع .. قالت المهم وش قلت قال تعشي وبعدين يصير خير قالت ما اكل حتى تعطيني وعد وانت اذا أعطيت وعد ما تخلف .. قال قلت لك تعشي ويسير خير .. قالت يعني وعد .. بدأ يأكل وكأنه ما يسمع أي كلام .. مسكت بيده وقالت خلصت العشا وانا المعزومه .. قال وانا منعتك قالت وين الوعد قال خلاص تعشي ولك اللي تبين قالت وعد ابو احمد قال أأيه .. قالت يالله مشينا قال والعشا قالت موافقتك هي عشاي .. قال اذا ما تعشيتي موافقتي ما تصير العشا هو السبب في الموافقه..قالت يعني تشوف كذا قال أأيه ؟ تعشوا وعادوا للبيت .. وناموا وفي اليوم الثاني عندما حضر قالت له أبشر .. قال بشرك الله بالعافيه خير .. قالت انا رحت للحرمة ام البنت وكلمتها .. طبعا هي ما كلمت ابو احمد بالاساس إلا وعندها موافقة من أم البنت حيث راحت لها مرة من المرات وشافت البنت وأعجبت بها جدا وقالت ما احد تقدم لهالغزال .وش فيهم الرجال ما عندهم نظر من يترك هذي المزيونه .. فقالت أم البنت الله كريم من تطلقت الى الحين ما احد تقدم لها فقالت ساميه لو جبت لك رجال ينشد به الظهر توافقي عليه لها .. فقالت ام البنت مين ما يوافق اذا كان الرجل نشمي واخلاق وينوثق فيه .. فقالت ساميه عندي لك رجال فوق الوصف وما تندمي لو زوجتيها له .. فقالت منهو فقال المهم تطيعيني فقالت الله يكتب اللي فيه الخير فقالت ساميه تريني اكلمك من صدق وجيت اليوم مخصوص من اجل هذا الشي وصافطه لكل ولبنتك .. ****** فقالت ام البنت من هذا الرجل شوقتيني لمعرفته .. وبنتي ودي ازوجها اليوم قبل بكره بس فين الصادق والثقة اللي يستاهل .. فقالت ساميه عندي ويستاهل ولو تعرفيه خطبتيه انتي لبنتك .. فقالت من هو فقالت ساميه ابو احمد .. فحطت ام البنت يدها على صدرها وقالت يا ساتر انتي من جدك .. فقالت ساميه أأيه من جدي ليه شايفتني منجنه .. فقالت ام البنت سلامتك الله يخليك ولكن أبو احمد فقالت ساميه وش فيه ابو احمد قالت اولا اجنبي عنا ثانيا عنده ثنتين ثالثا عياله مالين البيت وين يحط بنتي .. فقالت ساميه هذا اللي خلى بناتنا في بيوتنا ما تزوجوا غريب ومن هالحكي .. وين اللي جايك شايفتهم صافين عند بابك ..فقالت ام البنت مو ذا قصدي ولكن ما يوافق ابوها وحرام نظلم البنت للمره الثانيه ابو احمد كبير في السن ..فقالت ساميه يا مهبوله الظاهر انك ما فكرتي؟؟ اولا انتي قريبتي و بنتك تعتبر بنت عم ومستحيل اتصرف لها بشي ما يصلح وابو احمد ما يعرف شي عن هالموضوع الى الحين .. وتريه زوجي واعرفه زين وما راح تحصلي مثله .. فقالت ام البنت عارفه انه زوجك ومستغربه انك تخطبي له فقالت ساميه تعرفي اني كبيره واكبر منه واشوف حالي ماعاد هناك شده .. وهو يستاهل وودي يتجدد وبنتك تحصل رجل محترم ورجال نشمي وابو احمد تفوق اوصافه كل الاوصاف اصحي .. والحين ابي ازهم على البنيه واشاورها وانتي تسمعي بس اعطيني ريح موافقة انتي والله يسهل الامر .. فقالت ام البنت يا ساميه لا تورطينا مع هالرجال أخاف من المشاكل ويكفي اللي صار لنا .. فقالت ساميه مضمون وعلى مسئوليتي وان وافق وأخذ بنتك تريك الكسبانه .. هاااه وش قلتي .. فقالت ام البنت خليني افكر وارد عليك .. فقالت ساميه التفكير لو كان ماهو من طريقي انا أضمن لك كل اللي تخافين منه انه ما يصير..فقالت توكلي على الله سوي اللي تبينه .. فقالت توكلنا على الله .. أزهمي بنتك واذا جلست خلينا بروحنا زين .. فقالت زين .. زهمت ام البنت على بنتها وقالت تعالي .. جات البنت وقالت سمي فقالت امها اجلسي هالمره تبيك .. فجلست .. قالت ساميه تثقي فيه وتصدقي كلامي في هذه الاثناء قامت الام .. فقالت البنت طبعا اثق فيك واصدقك الله يحفظك .. فقالت ساميه عندي لك خطيب فقالت البنت الله يستر علينا من الخطبان اللي يلبسون ثياب الرجاجيل فقالت ساميه أفااا .. ليش تقولي هالكلام .. فقالت البنت ما عاد هناك صادق ينوثق فيه..فقالت عندي رجال فوق الوصف وعلى مسئوليتي الخاصة وأعرفه زين .. فقالت البنت الحقيقه انا انظلمت جدا مع الرجال اللي تزوجته والخوف يجي ألعن منه .. وأخاف يستمر الوضع من جرف في دحديره .. فضحكت ساميه وقالت لها أنا عارفه اللي حصل لك وعارفه ان هالشباب وهالزين ما يصلحله إلا رجال شيمه وقيمه يقدره ويحافظ عليه .. فتبسمت البنت وهدأ وضعها .. فقالت ساميه هاااه وش رايك فقالت بالتأكيد اللي راح يقوله ابوي وامي هو اللي يصير .. فقالت هذا صحيح بس موافقتك المبدئيه انتي والباقي خليه عليه .. فقالت البنت والله اني مرعوبه من طاري الزواج اذا ذكره احد لي بسبب اللي شفته .. تكفين لا تحطوني في مصيبة جديده تقضي على ما بقي لي من عقل .. فقالت ساميه عندك حق وش تقولين اذا كنت معك وبجنبك دايم .. فقالت البنت وشلون .. فقالت ساميه الرجال هذا هو ابو احمد زوجي .. ففتحت فهمها البنت ووضعت يدها على رأسها .. فقالت ساميه خير ان شاء الله ليه وهو سعلوووه خفتي منه .. فقالت البنت ضاحكه لا بس ذا كبير ومتزوج ثنتين وعياله كثر الدود في بيته واشوف ان ؟؟ فقاطعتها ساميه .. وافقي يالخبله وافقي واذا ما شفتي شي خيال ما تصدقينه ذيك الساعه حقك عليه..فقالت البنت بس الخوف الخوف اعود في اللي كنت فيه .. فقالت ساميه هذا رجال اولا مضمون من العلوم الشينه اللي تلمحي لها ثانيا بيتوتي بيته وعمله ..ثالثا راعي مشاعر راقيه جدا وراعي فهم عالي .. ورجال من روس ربعه وله مكانته بينهم وعلمه ما ينزل الارض .. وشوفي وش سوى لي ولعيالي وانا ماني شابه مثلك وحليوووه وألحقي شبابك تريني شويرتك طيعيني يا حبيبتي.. فقالت البنت طيب اعطيني فرصه .. فقالت ساميه انا كلمت امك وما عندها مانع وافقي وخليني اشوف ابوك والله يعيني عليه .. جت ام البنت فلما شافتها بنتها استحت وقامت .. فقالت أمها هااه وش قالت لك .. فقالت ساميه خايفه فقالت أمها قلت لك مرعوبه وشات عقلها .. فقالت ساميه أزهميها وبيني لها انك موافقه .. فقالت ام البنت هو أنا وافقت فقالت أيه توافقي هو انا غريبه عليك وتتوقعي اني اورطك او اورط بنتك أنا ناصحه لكم .. صوتت ساميه للبنت وقالت تعالي .. جت البنت فقالت لها هااه وش قلتي وتري امك موافقه وهذي هي قدامك فقالت البنت اللي تشوفه امي وابوي خير ان شاء الله . قربت ساميه من البنت وحبتها على خدها وقالت لها مبروك ان شاء الله يتمم لك بخير .. وحبت أمها أيضا قامت البنت طبعا خجلانه وهذا طبع البنات .. فقالت ساميه لأمها عاونيني الله يخليك تريني مخلصه لكم وودي ان بنتك تكون عند هالرجال الطيب اللي ما راح تندمي انه أخذها .. فقالت انا اسمع عنه واعرفه قد شفته وله معروف يوم وداني ذيك المره وانتي معه المستشفى وما انسى معروفه ولكن تعرفي الامر فيه صعوبه وخوف .. فقالت أنا اتحمل المسئولية كامله قدامكم كلكم اهلها وهي .. فقالت خلاص اللي تشوفيه توكلي على الله والله يحفظنا من كل شر .. فقالت ساميه الحين اكلم ابوها وقدامك ولو ما أموون عليكم ما دخلت في مثل هذا الموضوع أبدا .. بالصدفه كان ابو البنت عنده ضيف في المجلس وخرج الضيف وجاء وطبعا ساميه تقول له خال فلم تختفي عنه وجلس وقال الله حيها .. فقالت الله يحييك فقامت وحبت راسه وجلست وقالت طلبتك .. فقـــال .... كونوا معي في الجزء القادم ...
__________________
|
غير متواجد
|
02-05-2016, 03:25 AM | #30 |
العضوية الماسيه
تاريخ التسجيل: Oct 2011
المشاركات: 7,769
|
الجزء السابع والعشرون :
سمي اللي جيتي من اجله جاك .. فقالت بنتك فلانه أبيها.. فقال لأحد اولادك فقالت لا .. فقال هااه اجل لمن فقالت لرجالي ابو احمد .. فقال الله يقهرك بهالطلب .. كيف تطلبينه مني ورجلك أجنبي وكبير في السن وعنده ثنتين نسوان .. فقالت ولو عنده اكثر رجال نشمي وانت تعرفه وما عليه زود شرواك فقال قومي وخري عني .. فقالت انت عطيتني فقال حسبت لأحد اولادك او احد ربوعنا.. فقالت هذا الرجال يستاهل وتعرف كم له من مواقف .. فقال الرجال ما عليه زود عزالله انه نشمي ولكن .. فقالت ما يبيلها لكن قل تم وفي وجهي أي شي يسبب لكم زعل او لبنتكم وهي مثل اختي وانت تعرف .. فقال تري امسك بشوشتك ذي وامسح بك الارض .. فقالت تفداك .. فقال خير ان شاء الله يسير خير .. ****** المهم هذا اللي حصل مع ساميه لدى أهل البنت وكان المهم يوافق ابو احمد .. كان ابو احمد في البيت ونادت عليه وقالت تعال ابيك ودخلت غرفتها وقال الحين انا ابي اتصل على ام البنت وكلمها .. فقال انتي مهبوله وش اقول لبنت الناس .. فقالت سلم عليها وخلها تسمع صوتك وخل الباقي عليه ما عليك .. فأمسكت بالهاتف واتصلت وسلمت وقالت هذا نسيبك خذيه معك .. ومدت السماعه لأبو احمد .. طالع فيها وأراد ان يرفض ولكن ما وده يفشل ساميه .. أخذ السماعه وسلم وكان يعرف تلك الحرمه ام الفتاة المقصوده .. حيث مره زارتهم في بيت ساميه .. ومره وداها المستشفى وساميه معه .. وبعد السلام قال لها بعد أذنك اكلمك بعد شويه في يدي شغله لو سمحتي .. فقالت ما يخالف براحتك .. وبعد ان سكر الخط قال ما لك حق يا ساميه حطيتيني في موقف .. قالت وش الموقف .. قال تتصلي على الحرمه بدون ما تقولي لي مسبقا وتخليني أتفاجأ بها قالت يمكن استعجلت لفرحتي انك وافقت ولكن اسمح لي بهذه الغلطه .. فقال ماشي بس أحرجتيني .. ما كنت متوقع إنها هي .. قالت يالله أدق لك عليها .. قال وش فيك مستعجله .. خليها بكره او أي يوم ثاني قالت ساميه ما يصير انت قلت شويه في يدي شغله وادق عليك .. وهي الان في انتظارك .. قال يالله دقي عليها وش اسوي انتي اللي طببني في هذا الموقف .. دقت ساميه على تلك الحرمه وقالت يالله خذي نسيبك وخلي بالك عليه .. ومدت السماعه لأبو احمد .. سلم ابو احمد ولم يدخل معها في أي كلام قريب من الموضوع فقالت يا ابو احمد أنت رجل ثقه ولما كلمتني زوجتك ساميه فرحت الحقيقه لما نسمعه عنك من طيبة القلب وعلوو أخلاقك .. ولم أتردد في الموافقة .. قال الله يجيب الخير وتسلمي على ثناءك عليه .. وقال ان شاء الله يسير خير .. وأستأذن منها وقال يالله مع السلامه قالت ساميه وش فيك قال وش فيه قالت المفروض تتكلم معها وتأخذ وتعطي حول الموضوع .. قال ابو احمد ما قلتي انك انتي المسئوله عن كل شي قالت إلا قلت ولكن لابد انت تكون في الصوره .. قال خير ان شاء الله .. قالت ساميه ترى أبي احاول انك تشوف البنت .. قال ابو احمد تريك زودتيها شوي .. قالت ليش؟.. قال ما اشوف البنت إلا اذا وافق ابوها واتفقت معه انا وبعدها تشوفني واشوفها .. وكان متوقع ان الموافقة مستحيله قالت من الافضل تشوفها وهي تشوفك حتى يكون لكل واحد منكم رأيه الخاص عن الاخر واذا تمت الموافقة نكون على وضوح .. فقال ابو احمد عيب عليه اشوف بنات الرجال دون علمهم وهذا ما أرضاه قالت ساميه طيب تكلم مع الام وشوف وش رأيها وهي تعرف انك صادق وودك تتزوج بنتها تراها تساعدنا في الكثير من المواضيع ..فقال خليها بعدين الحين مالي خلق أكلمها انا محرج منها .. قالت متى طيب على شان انسق معها واقول لها .. قال قلت بعدين .. طبعا كان ابو احمد غير راضي عن هذا الموضوع ولا وده فيه كونه اولا يحب زوجته ساميه ويقدرها ولا وده يتزوج عليها مهما كان ورأيه من البداية كان الرفض ولكن اصرت هي وسايرها فقط .. المهم اصرت عليه أنه يكلم تلك الام وايضا يكلم البنت وتكلمه وتسمع صوته ويسمع صوتها .. فقالت ساميه شوف حياتي راح اكلم الام واتفق معها انك تكلمها بكره براحتك وهي براحتها حتى يكون لديها معرفة عن مدى رغبتك وتصدق انك صادق في هذا الشأن .. فقال ابو احمد انا اجي في الليل واتكلم معك في هذا الموضوع بالتحديد وبشكل نهائي ففرحت ساميه جدا واعتقدت ان ابو احمد وافق وأنـــه يسير معها في إنهاء هذا الموضوع والدخول فيه بكل جديه .. وأنتظرت الموعد على احر من الجمر وكلها شوق لسماع ما سيقول ابو احمد لها حول زواجه من تلك الفتاة .. عاد ابو احمد وكانت مجهزه جلسه حلووه وجميله له بعدما تعشا وجلس قدمت بعض العصائر وبعض الاشياء الجميله والرائعة مع قهوة وأشياء اخرى جلس ابو احمد وجلست أمامه وكانت مبتسمة ومستعدة لإستقبال الخبر السار وهي موافقة ابواحمد الصحيحة والحقيقية .. المهم قالت هاااه يالغالي قلت انك راح تقول لي رأيك في الموضوع اللي كلمتك فيه .. فقال لها وأي موضوع ..قالت هاااه وأنا انتظر جيتك بفارغ الصبر وفي اعتقادي اسمع منك كلام يفرحني .. وتقول أي موضوع يعني نسيت .. قال ذكريني .. فقالت موضوع الخطبـــة اللي مضى عليها كم شهر وانت تماطل وتأخر وتأجل .. حرام عليك تفشلني وتحاول تتجاهلني وانا صادقه بكل معنى الكلمة .. فقال لها انا مصدع الليلة ولا ودي اتكلم يمكن يزيد صداعي خليني انام وبكره وخير .. نظرت إليه وهناك دمعة أطلت من محاجرها ولكن بصمــــت فقال لها سلامتك ولويش الدموع حياتي .. فقالت حياتك وانت تتجاهلني وتراوغ .. فقال ابو احمد أسمعي انا ... كونوا معي في الجزء القادم ...
__________________
|
غير متواجد
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض التفاصيل) عدد الأعضاء الذين شاهدوا الموضوع : 4 | |
الصح, الشفق, روز, سهم المحبه |
أدوات الموضوع | |
انواع عرض الموضوع | |
|
|