صاحب السيكل .. بائع الكراث والجرجير
السلام عليكم ورحمة الله وبركاتــــــــــــه .
أهلا بكم وحياكم الله مع قصتي الجديدة والتي أتمنى ان تنال إعجابكم
وهي بعنوان صاحب السيكل .. بائع الكراث والجرجير .
لطلبها قصة فوريه فخطرت لي فكرة هذه القصة
مع اجمل وأرق التحايا .. ترف ..
مقدمــة :
هذه القصة ليست حقيقة ماثلة ولكنها من الخيال على وزن رؤاء ومشاهدات
قديمة قد شاهدتها وأعرف تفاصيلها تماما .. في حوالي عام 1383 هـ كانت
تلك الرؤاء والمشاهدات .. عندما كان راتب العسكري تقريبا (190) ريال فقط
وكانت الرواتب عامة وفي المتوسط لا تتجاوز الستمائة ريال وأعلى مرتب
للموظفين الكبار قد لا يصل الالف ريال والله المستعان .. وكانت الحياة بسيطة
جدا وكان الناس يتعاملون بالهلل يعني الريال يمكن أن يمون صاحبه يوما
أو يومين المواصلات كانت بقرشين والسندويش كان بربع ريال وبراد الشاي
كان بخمسة قروش والبيبسي كان بخمسة قروش والمادة كانت معدومة في
ذلك الوقت . وعلى هذا الحال ستكون قصتنا نأمل أن تنال إعجابكم .
كان هناك فتى يبلغ من العمر ما بين الثامنة والعاشرة من العمر وهو يتيم
ولا يعرف عنه إلا أن أسمه محمد ولا يعرف غير ذلك .. ويقطن لدى أسرة
من الأسر المتوسطة الحال أذ فقد أبواه وهو لا يعرفهما في السنة الاولى من
عمره أو الثانية . فكفله أهل تلك الاسرة وربياه راجين الأجر والثواب من الله
وفي يوم من الايام كان يوجد لديه سيكل بسكليت كما يسمى في ذلك الوقت
وما زال الاسم الى الان كما هو . المهم لديه سيكل وبه أعطال لا يستطيع
أستخدامه فذهب به الى رجل يصلح السياكل وقال له صلح لي سيكلي الله يخليك
فقال له ذلك المصلح أن هذا السيكل لا ينفع ويحتاج إصلاحه مبلغ كبير ؟ فقال
له الفتى وكم المبلغ : قال المصلح ما ينفع سيكلك تبي تبيعه أحسن لك ولا تخسر
عليه .. فقال الفتى وبكم تشتريه قال (15) ريال .. قال الفتى حرام عليكم تخسرني
قال المصلح هذا اللي يستحقه سيكلك . قال زودني الله يخليك انا ما عندي شي وحالي
صعب .. فقال المصلح خلاص أعطيك (20) ريال ولا أزيد وتراني ما راح استفيد
منه إلا بعض القطع اللي فيه أركبها في سياكل أخرى . تبي اللي قلت لك وإلا بكيفك
قال الفتى هات العشرين والله يعوضني خير . أخذ العشرين وذهب وهو في حالة
صعبه ومحزنه جدا . وعاد الى بيت الاسرة التي يسكن لديهم واللي مربينه .
وعند دخوله والدموع في عينيه . رأته ربة ذلك المنزل وهي تعطف عليه كثيرا
وتحبه وتساعده دايما وتواسيه ولا تجعل أحدا يقسو عليه . قالت وش فيك يا محمد
عيونك غرقانه من الدموع وش حصل لك . قال يا أمي وقد كان يناديها يا أمي
لعدم معرفته بأمه وكونها هي التي ربته . قال لها رحت أبي أصلح سيكلي
وقال لي المصلح أنه خربان وما عاد ينفع وأخذه مني بعشرين ريال . قالت
ولا يهمك يا روح أمك أن شاء الله الله يرزقنا ونشري لك واحد غيره لا تزعل
فقال بنبرة من يريد أن يغير حاله ويسعى لكسب المال بعرق جبينه وعمل يده
الله يسلمك يا أمي ويحفظك ويخليك . أنا ما أبي منك شي ولا من أي أنسان
ولكن قررت أن أعتمد على نفسي من الآن وصاعد . قالت له بحسره شديده
ليه يا عيوني أنا ما قصرت معك ولا راح أقصر . فقال لها صحيح الله يحفظك
ويخليك ويعافيك ما قصرتي ولكن أحب أن أعتمد على نفسي وتحت رعايتك
بارك الله فيك . فقالت له وكيف . قال تشوفي بكره أن شاء الله وش اسوي .
في اليوم الثاني وعند الفجر صحى من النوم وذهب الى أمه فوجدها
جالسه بعد أن أدت صلاة الفجر . وقال يا أمي أبي قفه . قالت هاه ؟؟
قال قفه اللي يشيلون فيها الاغراض . قالت وش تبي فيها الله يصلحك
قال بعدين تعرفي يا أمي العزيزه . قالت لا تقولي الحين أنا ما أخليك
تسوي شي ما أدري عنه أنت ولدي وغلاك مثل أولادي الله يرحمهم
جميعا . قد كان لهذه المرآة أولاد وقد توفوا كلهم ولم يبقى لديها أحد
والله المستعان فأهتمت بهذا الولد وأتخذته ولدا وربته أحسن تربية
قال محمد يا أمي أبي أروح الى سوق الخضرة وأشتري بالعشرين
قيمة السيكل كراث وجرجير وأبيعه وأتكسب منه . فضحكت تلك
الام من كلام هذا الفتى الهمام والذي أراد أن يبدأ حياته العملية من
الصفر ولديه آمال وطموح كبيرة . ضحكت من قوله . فقالت له
اجلس الحين أبي أصلح لك كاسة حليب وبعدين تقولي وش هالكلام
الغريب . خرجت من الغرفة وهي تضحك وفي غرابة كبيرة جدا .
عادت ومعها كأس حليب لمحمد وأعطته إياه وقالت له تفضل يا ولدي
وقل لي وش هالفكرة الخطيرة اللي تقول . فقال يا أمي الحبيبة أشوف
الناس يكسبون من عمل أيديهم بعضهم يشتغل حمال وأنا ما أقدر اشتغل
حمال (حمال) يعني اللي يشيلون الاحمال للناس مقابل مبلغ بسيط وناس
يشتغلون صبيان مطاعم وناس سمسارية باصات نقل الركاب وناس
مباشرين في المطاعم على قلتها في ذلك الوقت . وناس وناس وأنا
جالس لا شغله ولا مشغله وودي أبدأ حياتي وأشتغل . فزاد ضحك
الام ولم تصدق قول هذا الولد الصغير في العمر الكبير في الآمال
بعد طلوع الشمس جاءت أخت لهذه المرآة ودخلت وقال السلام عليكم يا أهل البيت
فقالت أم محمد عليكم السلام أدخلي يا أختي حياك الله فدخلت تلك
الاخت ومعها طفلة صغيره عمرها حوالي السنتين تقريبا تجنن من الحلى
وقربت من خالتها وباستها على خده وهي تقولي (تيفك خالتي) كيفك خالتي .
ولهذه الطفلة أهمية في حياة محمد فيما بعد وأي أهمية .. المهم دخلت
وسألت وقالت وين محمد ما اشوفه .. قالت وهي تضحك . أسكتي
محمد متغير الله يصلحه امس جاني وعيونه تبي تتفجر من البكاء
بسبب سيكله الخربان وعدم أمكانية تصليحه . واليوم الصباح طلب
مني قفه . فقلت وش تبي فيها قال يبي يروح يشتري كراث وجرجير
ويجزءه حزم صغيره ويدور به في الحارة يبيعه على الناس ويتكسب
منه . فقالت أم هناء وهذه المرأه اسم صغيرتها تلك هناء . قالت يمكن
الله يوفقه وش دراك . قالت أم محمد الله يوفقه والله أن ودي يصير من
أحلى وأكمل وأغنى الناس ما عندي غيره . قالت أختها وعاد هو ولدك
يكبر بكره ويروح ما يجلس معك . فغضبت أم محمد من قول أختها
غضبا شديدا وأغرورقت عيناها بالدموع . وقالت لها وش هالكلام يا أختي
تجي هذي منك . تفجعي قلبي على ما فيه . ليه ما تعرفي اني فقدت اولادي
وما عندي غير محمد يسلي خاطري ويونسني . فأعتذرت الاخت من
اختها وقالت لها متأسفه يا أختي ما قصدت أزعلك ولكن ؟؟ . قالت اختها
ما أبي لكن وماكن . لا عاد تقولي هذا الكلام لي أبدا اذا ما تبي أزعل عليك
محمد روحي ورحانة قلبي ما عندي غيره الله يحفظه ويخليه ويوفقه لما
يصلح حاله . ويرزقه من حيث لا يحتسب .
ذهب محمد كما ذكرنا ومعه القفة اللي طلبها من أمه ومشى بعجله الى سوق
الخضار وقد كان فيه سوق خضار لبيعها بالجملة قريب من منزل محمد
بينه وبين السوق حوالي أثنين كيلو تقريبا . وصل محمد الى السوق وبحياء
كبير وخوف قرب من اللي يبيعوا الكثراث والجرجير وقال لهم أبي أشتري
كراث وجرجير اللي يملأ هذه القفه بكم . فقال له البياع ضاحكا ليه تبي تعلف
بقرتكم كراث وجرجير . فحز في نفس محمد ذلك الكلام . ولكنه تصبر وقال
أبي أشتري ملؤ قفتي كراث وجرجير وبس بكم تبيعه لي . فقال نملأ القفه
ونحسب ونشوف . فقال يالله حط كراث وجرجير بالتساوي هذا مثل هذا
قال حاضر يا راعي البقر ؟؟ بس ترى البقر ما تحب الكراث والجرجير
فقال محمد ما عليك بقرتي تحب أي شي . المهم ملآ البياع القفة كراث
وجرجير وحسبها فقال لمحمد القيمة (12) ريال . أعطاه العشرين وقال
خذ هذي عشرين ورد عليه الباقي . فقال البياع ليه ما تخلي الباقي لبكره
وتشتري لبقرتك به كراث وجرجير . فقال محمد يا عم الله يستر عليك
لا تضحك عليه بهذا الشكل الموضوع ما هو ضحك وتريقه . وإلا اروح
اشتري من عند واحد غيرك مره ثانيه . فقال البياع لا لا . لا تزعل
خلاص ما عاد أقول لك هالكلام مره ثانيه وتعال أشتري مني كل يوم
قال محمد ان شاء الله . سأله البياع وش تبي تسوي بهذه القفه قال بكره
أقول لك ان شاء الله تعالى . شال القفه محمد وذهب في طرف السوق
وجزء الكثراث اجزاء صغيره متساويه وكذلك الجرجير في حزم
صغيره . بعد أن رتبها وأزال منها التالف ونظفها تماما وأعادها
في القفة مرة ثانية ووضع عليها من فوق خيشة مبلوله بالماء على شان
تحفظ خضرتها ونضارتها وتبقى في شكل ريان وذات منظر مقبول
تأخر محمد في عودته الى بيته حيث جاء وقت صلاة الظهر ولم
يعود فأنشغلت أمه عليه وقالت محمد تأخر الله يستر ما ادري وش
صار عليه . وجاء وقت العصر ولم يعود محمد بعد . فزاد همها
وأنشغلت الى أبعد الحدود . حتى أنها صارت واقفة قرب الباب من
الداخل وكانت تنظر في الشارع أمام البيت يمنه ويسره لعلها تراه
قادم من بعيد ليطمئن قلبها عليه وما زال في غيبته لا يعلم وش صار
عليه . صار الوقت قرب المغرب وهو ما زال غائبا ولكن الله طمن
قلب أمه أذ شافته قادم من أحد زوايا الشارع المقابل لهم فهللت وكبرت
وشكرت الله أنها رأته . ولما دخل صاحت به ولكن بحنان بالغ وبصوت
يقطع القلب وين كنت يا ولدي أشغلتني عليك . فقال يا أمي الحنون حياة
الشقي بقي . قالت أحرقت قلبي بهذا التأخير والغياب الطويل يوم كامل
وانت بعيد عني . قال يا يمه أنا ما أكلت شي إلا الحليب اللي في الصباح
وميت من الجوع والعطش . قالت وكذا تسوي في عمرك والفلوس بجيبك
قال يا يمه الفلوس هذي ماهي لي ولازم أحافظ عليها . قالت وش تقول
ماهي لك ؟ أجل لمن . قال أول شي أعطيني شي أكله وبلي ريقي بشربة
ماء وبعدين أسولف لك كل شي عن نهار اليوم .
كان محمد رغم تعبه وجهده وجوعه وعطشه البالغ في أحسن حالاته
مبتسم وكأنه ملك الدنيا بأسرها . ذهبت أمه وأتت بالاكل والماء وقالت
تعالي يا روح أمك تعال . جاء وجلس بجانبها وبدأ يأكل ولما شبع وشرب
الماء وأرتاح نظر الى أمه وقرب منها وقبل رأسها ويديها ووضع رأسه
في حظنها . فضمته إليها . وعيونها ملآ بالدموع ولم تلاحظ أن محمد نام
بمجرد وضع رأسه في حظن أمه . تركته حوالي العشر دقائق أو الربع
ساعه . ثم حركته فأفاق وقال أقوم أغسل يدي وأجي اقول لك وش سويت
قالت طيب . عاد إليها وهو في فرح وسرور لا يوصف ؟؟ فقالت أمه اشوفك
مبسوط وش هالبسطه الله يجعلها دايمه . قال أخذت القفه اليوم الصباح ورحت
الى مكان بيع الخضار . واشتريت كراث وجرجير حزم كبيره وملآت القفه
وأنزويت في طرف السوق وقمت بفك الحزم الكبيرة وتنظيفها وتنقيتها من
التالف والغير صالح . وجزءتها حزم صغيره وأرجعتها في القفه ووضعت
القفة فوق رأسي وقمت أدور في الحواري اللي حولنا وأبيع الحزم الصغيرة
بأسعار مناسبة تربحني وتناسب المشترين . فقالت وبعدين . قال خلصت
كل اللي معي وبعته وكل اللي أشتروا مني قالوا تعال دايم نشتري منك
قلت ان شاء الله . قالت أمه وكم كسبت قال أشتريت بـ (12) ريال وبعت
. ثم سكت . فقالت أمه كم كسبت يا بطل . قال كم تتصوري مكسبي في
يوم واحد . قالت الله وأعلم والله الرزاق يرزق عباده بغير حساب يا ولدي
قال يا يمه بعت كل اللي معي بـ (30) ريال تقريبا والمكسب اكثر من
النصف ولله الحمد . قالت مكسب يوم واحد (18) ريال هذا شي رائع
قال الحمد لله . قالت وش تبي تسوي يا وليدي الله يرعاك ويحفظك
قال يا يمه ما عاد للجلوس فائدة أبدا أبي أواصل العمل وأحاول أن
اكسب بالحلال أن شاء الله . قالت أمه الله يوفقك ويفتح لك في كل
طريق باب ويمتعك بالصحة والعافية . ولكن يا ولدي أخاف عليك
فأنت ما زلت صغير وحيلك ما يحمل . قال يا يمه أنا حريص على
نفسي والله المعين والمعاون . الحين يا يمه أبي أنام بدري على شان
أقوم بدري بكره . قالت بأذن الله .
قام محمد بدري وقبل أن يخرج أمسكت به أمه وقالت له يا ولدي
ماتروح وانت ما فكيت الريق . اول شي أفطر وبعدها الله ييسر أمرك
ولا تتأخر زي أمس وتحرق قلبي وتخوفني عليك . قال أبشري يالغالية
وذهب لصاحبه بالامس وهو يحمل هم ضحكاته وتريقته ؟؟
وعندما رأه تبسم . فبادله الابتسامة محمد ولكن حذره بأن لا يقول
له كلام غير مناسب فقال تعال يا ولدي الله يحفظك ويبارك فيك
انا كنت امزح معك بالامس . والحين أبي أسألك ليش تسوي
هالسواة وتتعب حالك في الدوران في الشوارع هذا متعب جدا
الله يصلحك . قال يا عم ما فيه طريقة أخرى أكسب منها قوتي
فأنا يتيم ولا لي إلا أمي ونحتاج الله يستر الحال . قال أن ودك
تسمع شوري أبي أدلك على طريقة طيبة . قال تفضل يا عم
قال ليش ما تروح الوادي . قال أي وادي قال وادي فاطمه
هناك مزارع كثيرة وكبيرة ويحتاجون فلاحين وعمال ويعطون
رواتب طيبه . ويمكنك تكسب بدون هذا التعب واللف والدوران
قال بعيد من هنا وادي فاطمه قال لا ما هو بعيد عن (جده) حيث كانت
احداث قصتنا هذه في مدينة جده عروس البحر الاحمر .
قال محمد هيا يا عم أعطني مثل ما أعطيتني بالامس بالضبط
وبنفس القيمة . قال له شف يا ولدي ترى الاسعار ما هي دايمه
تزيد أحيانا وتنقص أحيانا وأنا أبي أساعدك ولاني غاشك اليوم
ينقص السرع شويه طلباتك قيمتها تقريبا (9) ريال فقط
قال محمد جزاك الله خير يا عم وتسلم بارك الله فيك . أخذ محمد
الكراث والجرجير بنفس الكمية والشكل . وذهب في أحد اطراف
السوق وعمل مثل ما عمل بالامس نظف وصلح وجزء وأعاده في
القفة وتوكل على الله . وفي هذا اليوم عرفه الناس بعض الشي فباع
الكمية كلها وعاد قبل الظهر . وعندما رأته أمه فرحت فرحا كبيرا
وقالت أهلا بك حبيب قلبي ويا هلا . سلم على أمه وجلس قريبا منها
فقالت بشر عساك توفقت اليوم . قال لها أبشرك بالخير مكسبي اليوم
حوالي (21) ريال . وأنتهيت بسرعه . فالناس وصوني أن أجيهم واشتروا
كل ما معي وخلصت بسرعة حتى أن بعضهم يأخذ اكثر مما يحتاج مجاملة
لي قالت أمه الله يرزقك ويفتح عليك يا ولدي . تغدى هو وأمه ونام بعد الظهر
وبعد العصر جلس وقال لأمه يا يمه عندي رأي وودي اسويه . فقالت خير
ان شاء الله . فقال لها ودي أسافر . فصعقت الام وكادت أن يغمى عليها من
المفاجأة . فقالت وش قلت قال أبي أروح وادي فاطمه قالت وليش تروح
وادي فاطمه الله يصلحك ويعافيك قال أبي أروح أشتغل هناك يقولون
فيه مزارع وفلاحه وفلاحين وهناك يشغلون الناس ويعطونهم رواتب
طيبه . وما راح أغيب عنك يالغالية .
قالت أسمع . أنت متأكد من هذا الرأي . قال نعم متأكد . قالت طيب أنا
أبي أراودك وأهاديك وأبي أسألك كم سؤال اذا جاوبتني عليه أسمح
لك بالسفر. قال أبشري يالغاليه . قالت أول شي أنت وش أسمك .
تفاجأ محمد من كلامه أمه . وقال ليش يا يمه ما تعرفي أسمي
قالت أنا أعرف أسمك ولكن أنت هل تعرف أسمك كاملا . قال
وش يعني كاملا . اسمي محمد وانتي أمي . وهذا اللي أعرفه
قالت لا ولدي فيه أمور أنت ما تعرفها . وما دام صار عندك
مثل هذي الافكار ؟؟ سفر ومدري وش هو . لازم تعرف كل شي
قال وش هو كل شي يا أمي الغاليه . قالت بكره أن شاء الله اذا
جيت من روحتك لشغلك . بعد العصر نروح عند أبو شيبان
وهناك تعرف أمور كثيره . وبعدها يسير خير . قال من هو
ابو شيبان . قالت بكره تعرف يا ولدي يا محمد . فأنشغل
محمد وأراد أن يعرف من هو ابو شيبان وأيش الامور اللي
لازم يعرفها . فقال لأمه يا يمه الله يخليك قولي ما اقدر
اصبر لبكره أنشغلت . قالت ؟؟
كونوا معي في الجزء القادم بأذن الله ..
آخر 10 مشاركات
04-08-2013, 03:01 AM
صاحب السيكل .. بائع الكراث والجرجير .. قصة بقلمي ..
العرض العادي
