غيمة الشوق / عناق أول بكم

مدخل :

رضيت بالحكم ياقاضي وخصمك حنون..
..... لو كان حكمك عليه اعدام ردد رضيت
شريت منك العنا وسئت فيني الظنون...
.....ياقلب هذا نصيبك / مكسبك ما شريت

يالغيمة اللي تعلت في روابي الهدا=هلي بقايا غرامك كان باقي شفيع
عشرين عام رمتني في غيابك سدى=تشوّق الورد / هتانك لحلّ الربيع
صبرت وايقنت ان الصبر ماله مدى=وان المحبين لا طلوا غلاهم فضيع
الا بكى القلب / رد العقل سجل فدا=عام ورى عام والعالم لوصلك تبيع
نهاري اقضيه / بين اصحابنا والعدا=والليل لا حل حملني بما لا استطيع
عقدين مرت / وقلبي لا ذكرتك غدا=يعزف سوانيه وهموم الليالي تشيع
وكل ما هب نسناسك / وطل الندى=ابكي مثل مابكي لمه فواد الرضيع
والطيف لا زارني بالروح رد الصدى=ياعازف الناي هونك فالحنايا تضيع
لاهي سوالف منال ولاهي بحة ندى=اتردد الأذن همساتك وتنسى الجميع
ياهمي اللي / لو انك / فوق قمة شدا=كان الجبل طاح وطروق التهامي تريع
الى متى حالنا / ياشين حظ الردى=كل ما نوينا يزين الحال جاله صقيع
فإن غبت بالفكر ابحث/ للخبر مبتدا=تضيع فيني الخطى ماكني الا صريع
ياغيمة الشوق / تكفي لا هلالك بدا=هلي من الديم /حتى يستفيق الربيع

مخرج

عطيتك الحب واحساسه وجتني طعون...
......وانا الذي كنت اظنك راحتي لا عطيت
وفيت ه / ياقلبي المتعب وقلت ه يمون.....
.... وبعدها قمت تصرخ غلطتي اني وفيت