مسفرجمعان الصفا
09-21-2012, 03:31 PM
يامّة الاسلام وش ذالضعف وش هذا التخاذل = ماعقب سب الرسول المصطفى ذل وهزيمه
لا متى وحنّا انتحمّل لا منى وحنّا نجامل = الصبر لا من تعدّى الحد عاقبته وخيمه
نفتخر بإنّا حماة الدين في كل المحافل = ولا دعى الميقاف كلٍ صد واعطى له خريمه
والله مابه فارسٍ في حزة الفزعات صامل = يشهر سْيوف الجهاد ويردع الروس اللائيمه
دائما طموحنا بين الهزيمه والتعادل = والنصر ما عاد له بقلوبنا معنى وقيمه
وائينكم يا قادة الاسلام حادين البوازل = كن ما بقلوبنا غيره ولا فالروس شيمه
شجب واستنكار يازحول الصناديد البواسل = علمٍ اعتدناه من ذيك المواضيع القديمه
والحقيقه ما نبيها حرب وجيوش وجحافل = وفتنةٍ تشب نار الحرب وتوقد جحيمه
ولا نبيها مظاهراتٍ ما ورها الا المشاكل = لكن الواجب ما نرضى بالهزيعه و الظليمه
ناقف بصف الرسول ونقطع حْبال التواصل = معْ دعاة الكفر والالحاد ونحاكم خصيمه
وقبلها نطبق مبادي دينه بليا تساهل = ونلتزم نهجه ونحفظ سنته من كل غيمه
وللبشر نشرح محاسن دينه وفن التعامل = لين تصحى من براثن جهلها الروس الغشيمه
ونقتدي به فالعباده فالفرايض والنوافل = ونهتدي من هديه ونحمي رسالته العظيمه
منهجه بالعدل والاصلاح والاخلاص حافل = وسيرته نبراس لاصحاب المواريد الحكيمه
كامل ولا غيره انسانٍ خلقه الله كامل = وحده المعصوم من فعل الخطئيه والجريمه
ويا صلاة الله وتسليمه على العبد المناضل = الرسول اللي كفل حق اليتيم مْع اليتيمه
عد همال المزون وعد وراد المناهل = وعد ما هب البراد وعد ما ذعذع نسيمه
لا متى وحنّا انتحمّل لا منى وحنّا نجامل = الصبر لا من تعدّى الحد عاقبته وخيمه
نفتخر بإنّا حماة الدين في كل المحافل = ولا دعى الميقاف كلٍ صد واعطى له خريمه
والله مابه فارسٍ في حزة الفزعات صامل = يشهر سْيوف الجهاد ويردع الروس اللائيمه
دائما طموحنا بين الهزيمه والتعادل = والنصر ما عاد له بقلوبنا معنى وقيمه
وائينكم يا قادة الاسلام حادين البوازل = كن ما بقلوبنا غيره ولا فالروس شيمه
شجب واستنكار يازحول الصناديد البواسل = علمٍ اعتدناه من ذيك المواضيع القديمه
والحقيقه ما نبيها حرب وجيوش وجحافل = وفتنةٍ تشب نار الحرب وتوقد جحيمه
ولا نبيها مظاهراتٍ ما ورها الا المشاكل = لكن الواجب ما نرضى بالهزيعه و الظليمه
ناقف بصف الرسول ونقطع حْبال التواصل = معْ دعاة الكفر والالحاد ونحاكم خصيمه
وقبلها نطبق مبادي دينه بليا تساهل = ونلتزم نهجه ونحفظ سنته من كل غيمه
وللبشر نشرح محاسن دينه وفن التعامل = لين تصحى من براثن جهلها الروس الغشيمه
ونقتدي به فالعباده فالفرايض والنوافل = ونهتدي من هديه ونحمي رسالته العظيمه
منهجه بالعدل والاصلاح والاخلاص حافل = وسيرته نبراس لاصحاب المواريد الحكيمه
كامل ولا غيره انسانٍ خلقه الله كامل = وحده المعصوم من فعل الخطئيه والجريمه
ويا صلاة الله وتسليمه على العبد المناضل = الرسول اللي كفل حق اليتيم مْع اليتيمه
عد همال المزون وعد وراد المناهل = وعد ما هب البراد وعد ما ذعذع نسيمه