[مسفرجمعان الصفا]

يامّة الاسلام وش ذالضعف وش هذا التخاذل = ماعقب سب الرسول المصطفى ذل وهزيمه
لا متى وحنّا انتحمّل لا منى وحنّا نجامل = الصبر لا من تعدّى الحد عاقبته وخيمه
نفتخر بإنّا حماة الدين في كل المحافل = ولا دعى الميقاف كلٍ صد واعطى له خريمه
والله مابه فارسٍ في حزة الفزعات صامل = يشهر سْيوف الجهاد ويردع الروس اللائيمه
دائما طموحنا بين الهزيمه والتعادل = والنصر ما عاد له بقلوبنا معنى وقيمه
وائينكم يا قادة الاسلام حادين البوازل = كن ما بقلوبنا غيره ولا فالروس شيمه
شجب واستنكار يازحول الصناديد البواسل = علمٍ اعتدناه من ذيك المواضيع القديمه
والحقيقه ما نبيها حرب وجيوش وجحافل = وفتنةٍ تشب نار الحرب وتوقد جحيمه
ولا نبيها مظاهراتٍ ما ورها الا المشاكل = لكن الواجب ما نرضى بالهزيعه و الظليمه
ناقف بصف الرسول ونقطع حْبال التواصل = معْ دعاة الكفر والالحاد ونحاكم خصيمه
وقبلها نطبق مبادي دينه بليا تساهل = ونلتزم نهجه ونحفظ سنته من كل غيمه
وللبشر نشرح محاسن دينه وفن التعامل = لين تصحى من براثن جهلها الروس الغشيمه
ونقتدي به فالعباده فالفرايض والنوافل = ونهتدي من هديه ونحمي رسالته العظيمه
منهجه بالعدل والاصلاح والاخلاص حافل = وسيرته نبراس لاصحاب المواريد الحكيمه
كامل ولا غيره انسانٍ خلقه الله كامل = وحده المعصوم من فعل الخطئيه والجريمه
ويا صلاة الله وتسليمه على العبد المناضل = الرسول اللي كفل حق اليتيم مْع اليتيمه
عد همال المزون وعد وراد المناهل = وعد ما هب البراد وعد ما ذعذع نسيمه

[ملائكية النــــبض]

صح السانك وبيض الله وجهك

نص احساسه عالي ومعانيه جزله

شكرا لهذا الشموخ

ابدعت وامتعت لافظ فوك

احترامي

[الشفق]

صح لسانك اخي مسفر
نص يستحق القراءه مرررات
وتأمل ماحوى من الجماليات
مبدع على الدوام لا عدمنا سمو اطلالتك
وخمس نجوم
وتقديري الجم
ومودتي
،
الشفق

[احمد الكثيري]

سلمت اخي الغالي وصح لسانك مليون
نص رااائع وجميل
لك مني كل التقدير

[شِيخةّ الغِيد |❥]

للَحرف هٌنآ ملآذآ آخر
فمآبآلكْ وأن كآن يتغنىَ بـِ أَفضل خلق الله رسوٌل الله
علييَه أَفضضل الصلآة والسلآمْ
أَخي الكريَمْ ..مِسفر الصصفآ
أٌسستآذ للشِعر أَنت وفَخرٌ له
بوٌركَ النبضضَ والحرفْ
لآهنتْ ..~

[جابر السلمي]

اللهم صلّ وسلم على سيدنا محمد
المضيء
مسفر جمعان الصفا
شاعر موقف وشاعر يكتب بشعور متفرد
كما هو أنت دائما، نص محلق للعلو
دمت نبيلا وشاعرا كبير
صح لسانك سيدي
مودتي

[عبد الرحمن الحازمي]

اللهم صلي وسلم على سيدنا وحبيبنا محمد
صح لسانك أخي مسفر وبيض الله وجهك