[ترف]

الشفق :

مسيت بالخير ي محمد وهات العلوم
يقلون فيكم لحب الخيير زود عجله

ان كان هذا صحيح ي رب جعله يدوم
وان كان ما هو صحيح فحاول ان تعمله

ابو عبدالله :

حياك من زين الانسان شكل وسلوم
ومن بين خلقه وهبه العقل وفضله

ايه انت صادق عجول ولك علينا تلوم
مير التسرع في فعل الخير ما اجمله

الشفق:

الله يثبتك راعي الخير في به وسوم
مادام رجله على وجه الثرى تنقله

لكن لو انا خذيناها بوجه العموم
ي هل ترى مرجله والا ماهي مرجله

ابو عبدالله :

في هالزمن يالخوي الطيب مثل السموم
لانه زمن فيه شر وناس أتحلله

ايه مرجله واصل راعيها رجل بين قوم
لو هو غريب الطباع يظل ياما اثقله

الشفق:

اهل الطباع الثقيله وجهم وجه شوم
هذاك عندي ترى تهوي به المنزله

الرجل لاسار بالدنيار زعول وكتوم
الله يصبر على افعاله بقية هله

ابو عبدالله :

في فرق بين الثريا والثرى لاتنوم
الثقل بالطيب تاج فليه أتزمله

هبك انت دربك طويل ولك علوم وهموم
ومن يكتم الضيم والله اخره قنبله

الشفق:

مايحمل الهم ي كود الرجال الرخوم
الهم لو مر طيفه بضحكةٍ نقتله

السيف لا صار به ي خوك عدة ثلوم
ماهو بنافعك لو بيدك تبي تنقله

ابو عبدالله:


قلبتها وانت جد فطرت والوقت صوم
عفستها من طناخه وجبتها زلزله

صدقت في السيف لكن ماتهد العزوم
كم رجل بيده سلاح مير ماكمله

الشفق :

ان كان مابين الرجال وقت اللزوم
هذا اشطبه لا تضره سيبه وجهله

لو تعرضه بيع ما حصلّت له من يسوم
ي وجد حالي وجد جمال ضاع جمله


ابو عبدالله:

ابسألك بأ ي صنف الليله انت تروم
شايفك ساري شمال مضيع المنزله

ياابيض الوجه جعلك في صفوف القروم
والخاتمه جعل عمرك الفرح باطوله


صححت الالسن ومافيكم حيله