[اوركيد]

غازي الفكر

صباح الخير ياشاعر لها معنى وتالي اتبان
ليا شفت المصلي خالف القبله يصليها

عساه يتوب راعيها بدون اتعاب والا اثمان
توح العلم بونايف عجزنا وش نسميها


الشفق

صباح النور ي شاعر لعلمه خافقي ولهان
هلا ي مرحبا ترحيبة اهل الطيب اثنيها

على كيفك وسميها انا من دنيتي تعبان
فرحنا في بدايتها وتعبنا في تواليها

غازي الفكر

تعيش ودام لي راسك ولاتعجل على الخسران
ولا توله ولا حاجه كذوبٍ من يغذيها

صديق ٍخانته عشره ولايقوى على الكتمان
تحمل غير ...مايقدر ..على نفسه يهديها


الشفق

ي غازي كل من يذنب بيطلب ربه الغفران
انا عندي رسايل ليت لو تقدر توديها

ابيك تعود للماضي وفتش في جيوب زمان
تلاقي من يزاعلها بعد فتره يراضيها

غازي الفكر

بدون افتش الماضي حماك الله من غلطان
ولولا محبت المخطي ترى يمدي اسويها

تعال قلي على صاحب اذا دقيت له تلفان
ورد بصوته النايم وخاد ع كي يمشيها


الشفق

ارّوح ب ليّم قديد تعوّد بي على عسفان
انا ولله ي غازي تعبت النفس احاتيها

لكن اللي مقفّل بالوجيه الطيّبه بيبان
نصيحه لا تكلمها حذاري لا تماشيها!

غازي الفكر

خذيت العلم لرحابك بدون اقياس او ميزان
تذكرت الذي يقلون على راسه محسيها

انا خمسين من مثلك اخليها كما الطيران
العبها,, وارقصها,, واسرحها,, واوديها



الشفق

ترى ماكل طيرٍ طار بيلحق ي علي الشيهان
شياطيني بعيد على شياطينك تباريها

مابين الشمس واراضين فوارق ي علي شتان
على شط البحر ترسي سفنها في موانيها!!




استمتعنآ بـ تلك المحآوره ودآمت اطلالتكم شعراءنا الافاضل ,,

[ابو سديم]

وش فيكم ختمتوا بسرعه

هههههههه

عموماً بيض الله وجيهكم

وصحت السنتكم

تصبحون على خير