[أحمد الهلالي]

تقول ولهانه وودي تجيني
الشوق ذابحني على شان اقابلك

وتقول ودي اسالك ياضنيني
هل ياترى شوقك لحضني مبذهلك

ليتك تشوفي حرقة الشوق فيني
لكن قبل مااجاوبك ودي اسالك

وش جابني لك غير لهفة حنيني
من لهفتي قبلت راسك مع ارجلك

ياضيي اللي ساكن وسط عيني
احيان اخاف ارمش واسهى ونزلك

لانك مثل سجده تزين جبيني
يااطهر نساء الكون ربي مجملك

يقولوا اهل الشام لك تأبريني
وهي دلاله عندهم كبر منزلك

وانا بقول اليوم لو تقتليني
موتي على يدك تري من جمايلك

يا لهفة ايامي وغربة سنيني
يانعمتي من خالقي مالك الملك

يعني انا روحك وانتي وتيني
الشوق يقتلني مثل ماهو يقتلك

هلحين مفتوح السؤال اسأليني
واجاوبك باللي حفظ صاحب الفلك

اني مجرد بذرة تبذريني
انبت باارضك لين اكبر واظللك

ياملهمة شعري ابي تلهميني
بيت يخلد بك ولناس يجعلك

اسطورة في عيونهم قبل عيني
يادانة بضلوعي العوج احملك

فان شفتني مهموم ولا حزيني
فاانشهد ان الشوق ماظن يجهلك

ربي هو العالم بخافي كنيني
ولا انا لو قلت ياخوفي ازعلك

احيان من كثر الوله يعتريني
اني انا ملكك وانتي لي الملك